5
-
Mavzu: Gavdadan o’lchov olish.
Reja:
1.Bolalar kiyimiga qo’yiladigan talablar
2.Bolalar o’lchov gruppasi.
3. O’lchov olish.
Tayanch iboralar:
razmer, guruh,bo’g’cha yoshi, maktab yoshi, o’smir,kenglik,
uzunlik,aylana o’lcham.
Bolalar kiyimiga qo’yiladigan talablar.
Bolalar kiyimini
loyihalash - murakkab
ijodiy jarayondir, chunki u bolalar rivojlanishiga
oid bilimlar kompleksini, ularni modaga
nisbatan psixologik va ahloqiy xolatini talab qiladi.
Bundan tashqari, kiyim bolalar uchun katta tarbiyaviy vositadir. Chiroyli, qulay va yengil
kiyim
yaxshi did rivojlantiradi, kayfiyatni ko’taradi, batartib bo’lishga o’rgatadi va h.k.
Bunda gazlama tanlashga katta ahamiyat beriladi. Gazlamaning tuzilishi qator gigienik
talablarga javob berishi kerak: issiq va gigroskopik bo’lishi, yaxshi tozalanishi, yuvilishi,
dazmollanishi kerak
Bolaning gavdasi o'sadi va rivojlanadi, shunga ko'ra
kattaroq bolalarning qaddi-
qomatida uchraydigan kamchilyklar yosh bolalarda bo'lmaydi.
Bolalar o’lchov gruppasi.
Bolalar kiyimi yoshga qarab to'rt gruppaga bo'linadi.
Birinchi gruppa - yasli yoshidagi bolalar gruppasidir; bunga 3 yoshgacha bo'lgan
bolalar kiradi.
Ikkinchi gruppa - maktab yoshygacha bo'lgan bolalar gruppasidir. Bu gruppaga 4
yashardan 7 yashargacha bo'lgan bolalar kiradi. Bu yoshdagi bolalarning gavdasi orqaga sal
engashgan bo'lib, qorni oldinga chiqib turadi.
Uchinchi gruppa - maktab yoshidagi bolalar gruppasidir. Bunga 7 yashardan 14
yashargacha bo'lgan bolalar kiradi.
To'rtinchi gruppa - o'smirlar gruppasidir. Bunga 14 yashardan 16 yashargacha bo'lgan
bolalar kiradi. Shu yoshdagi bolalar gavdasining o'lchovini
olganda bolaning gavdasini
rostlab turgan-turmaganligiga ahamiyat berish kerak, chunki
bu yoshdagi bolalar maktab
yoshigacha bo'lgan bolalar singari gavdasini uncha to'g'ri tutmaydi.
