Boshlang‘ich sinflarda son turkumiga oid kompetensiyalar roziqova Ra’no Rustamovna, Buxdupi 1-bosqich talabasi

2.
 
Hayot manbai bo‘lgan suvni tejab ishlatishga qaratilgan masalalar. 
Odam hayoti uchun zarur ne’matlardan biri suvdir. Undan odam ehtiyotkorlik bilan foydalanishi 
maqsadga muvofiq. Suv – hayot manbai. Tasavvur qiling ishdan, o‘qishdan qaytganimizda uyimizda 2 
soat suv bo‘lmasa qanchalik mashaqqatlar yuz beradi. Shu vaziyat 1 sutka, 2 sutka yuz bersa nimalar 
bo‘lishini xayolga ham keltira olmaymiz. Respulikamiz bu borada bir qancha qaror qabul qilindi 2019- yil 
25-oktabrda chiqarilgan qarorda suv tejovchi texnologiyalardan foydalanuvchi fermerlar davlat 
tomonidan qo‘llab-quvvatlanishi aytib o‘tiladi. Joylarda suvni tejash dastur ishlab chiqildi. Statistika 
ma’lumotlariga ko‘ra bugungi kunda har bir kishi kuniga o‘rtacha 140-160 litr suvni to‘g‘ridan-to‘g‘ri 
ovqat pishirish, cho‘milish, tozalash, sug‘orish va hokazolar uchun sarflaydi. Suv manbaidan 
tejamkorona foydalanishni o‘rgatish bugungi davr talabidir. Shunday ekan o‘quvchilarga masalalar 
yechish jarayonida tejamkorlik xislatlari shakllanish maqsadga muvofiqdir 
1-masala. Suv jo‘mragidan 1 sekundda 1 tomchi suv oqib tursa va 1 tomchi taxminan 1 gramm deb 
qaralsa, 1 soatda, 1 sutkada qancha suv isrof bo‘ladi?. 
Masala yechimi: 1 sutka 24 soatdan, 1 soat 60 minut yoki 3600 sekunddan iborat. Demak, 1 
sutkada 86400 sekund bor. Bir sutkada suv jo‘mragidan 86400 gramm yoki taxminan 90 litr suv behuda 
oqib isrof bo‘lar ekan. Bu suv ichimli suv sifatida qaralsa va bir odam 1 kunda taxminan 2 litr suv ichishi 
mumkinligini nazarda tutsak, 90:2=45 kun, bir odamning ichimli suvi bo‘lar ekan. Yoki bir kunda 45 
nafar insonnig ichadigan suvidir. Bu bir suv jo‘mragidan tomchilab turgan suv hajmidagi masala. 
Afsuslar bo‘lsinki, juda ko‘plab suv jo‘mragidan behuda oqib turgan suvlar inson ko‘nglini xira qiladi. 
Ko‘pchilik odamlar bu holatga befarq qaraydi. O‘qituvchi o‘quvchilarga bunday holatlarga befarq 
bo‘lmaslikni o‘rgatib borishi, suvni tejab ishlatishga, isrof qilmaslikka o‘rgatib borishi zarur.