4 x 4 Membranlı klaviatura. 4 x 4 matris membran klaviaturası (4 sütun və 4 sıra) 16 düymədən ibarətdir, hər bir düymədə membran açarı var. Bütün bu düymələr 4 × 4 matris təşkil edərək bir-birinə bağlıdır, bu, mikrokontrollerlərə (Arduino) qoşulmaq üçün istifadə olunan pinlərin sayını 17 pindən 8 pinə qədər azaltmağa imkan verdi. Düymələrin özləri ön tərəfdə yerləşir, arxa tərəfə isə yapışqan baza yapışdırılır ki, bu da klaviaturanı istənilən səthə yapışdırmağa imkan verir (Şəkil 2.14).
Şəkil 2.14 4 x 4 Membranlı klaviatura
İş prinsipi çox sadədir, düyməni basdıqda sütunla sıra arasındakı əlaqə bağlanır, onların arasında cərəyan axmağa başlayır. Məsələn, "4" düyməsini sıxmaqla 1-ci sütun və 2-ci sətirdə qısaqapanmalar baş verir. 4 x 4 ölçülü klaviaturanın tərtibatı aşağıdakı şəkildə göstərilmişdir (Şəkil 2.15).
Şəkil 2.15 4 x 4 ölçülü klaviaturanın tərtibatı
HC-SR04 ultrasonik sensoru. Bu HC-SR04 ultrasəs məsafə sensorudur. Bu sensor 2 sm-dən 400 sm-ə qədər təmassız ölçmə funksiyasını 3 mm-ə qədər dəyişən dəqiqliklə təmin edir. Hər bir HC-SR04 moduluna ultrasəs ötürücü, qəbuledici və idarəetmə sxemi daxildir (Şəkil 2.16).
Şəkil 2.16 HC-SR04 ultrasonik sensoru
HC-SR04 Ultrasəs sensor “Səs Naviqasiyası və Aralığı” rabitəsindən istifadə edərək qarşı obyektə olan məsafəni hesablayır. Bu sistem səs dalğalarından istifadə edərək obyektin məsafəsini hesablamağa kömək edir. HC-SR04 ultrasonik məsafə sensoru DC 5V ilə işləyir.
RGB LED modul. 3 rəngli 5mm'lik bu RGB LED modulu bütün rəngləri əks etdirmək üçün dizayn edilmiş bir moduldur. Başda qırmızı, yaşıl və mavi rənglər olmaqla bu rənglərin qarışımı ilə bütün rənglər yaranır. Kart üzərindəki RGB 5mm'liktir. (-) ucuna torpaqlama, digər uclara (+) gərginlik verilərək LED-lər yandırılır. PWM (Pulse Width Modulation) ilə R, G və B pinləri müəyyən nisbətlərdə yandırılaraq istənilən rəng tonu əldə edilir (Şəkil 2.17).
Şəkil 2.17 RGB LED modul
|
