|
Tashqi videokartalar ikki xil bo‘ladi: Diskret va gibrid: Diskret videokartalar
|
| bet | 30/84 | | Sana | 03.04.2021 | | Hajmi | 7,05 Mb. | | #14025 |
| Tashqi videokartalar ikki xil bo‘ladi: Diskret va gibrid: Diskret videokartalar ona platadagidan tashqari, o‘zining alohida grafik protsessori va xotirasiga ham ega. Ularning foydali jihati – u yuqori ishlash tezligiga ega bo‘ladi. Bunday videokartalar bilan katta va murakkab grafikali o‘yinlarni o‘ynashingiz mumkin, grafik dasturlarda bemalol ishlay olasiz.
Diskret videokartalarning asosiy kamchiligi ko‘p elektr energiya iste’mol qilishidir. Agar yig‘dirayotgan kompyuteringizga tashqi videokarta ham o‘rnatish rejangiz bo‘lsa, ozuqa blokining kattaroq quvvatlisidan, qimmatrog‘idan xarid qilishni tavsiya etamiz.
Mikrofonlar. Mikrofonlar tarixiga nazar soladigan bo‘lsak, «mikrofon» nomi 1827-yilda Buyuk Britaniyalik ixtirochi Charlz Uitstoun tomonidan taklif etilgan. Ammo u hozirgi mikrofonlar turkumiga mutlaqo bog‘liq emas. Undan so‘ng 1876-yilda ovoz to‘lqinlari harakatini saqlab turuvchi suyuq uzatuvchi moslama kashf qilindi. 1877-yil 4-martda amerikalik Emil Berliner birinchi bo‘lib ko‘mirli mikrofon namunasini yaratdi. Eng ommalashgan ko‘mirli mikrofonlar turkumi Entoni Uayt (1890) tomonidan ixtiro qilindi. Uning ixtirosidan yaqin kunlargacha telefon trubkalaridagi mikrofon sifatida foydalanilgan. Buning uchun muayyan elektr toki shart bo‘lmagan. Birinchi tasmali mikrofon 1942-yilda ixtiro etildi. Amerika ovoz kompaniyalarining birida yaratilgan ushbu mikrofon faqat studiyalarda ishlatilar edi. Chunki uning og‘irligi 3,5 kg ni tashkil etgan. Hozirgi kunda esa, asosan, kondensatorli va dinamik mikrofonlar ishlatilmoqda.
|
| |
