| V. Yangi mavzu yuzasidan o`quvchilar bilimini mustahkamlash va baholash (10 daqiqa): O`qituvchi o`quvchilarga yangi mavzuni bayon qilgandan so`ng, guruhlarga “Nima uchun” grafikli organayzeri chizmasini to`ldirishni tushuntirib beradi. Har bir guruh o`quvchilari yangi mavzu bo`yicha tushunmagan qismlarini muammoli savol sifatida yozib chiqadilar. Shundan so`ng, tayyorlangan sxemalar guruhlar o`rtasida almashtiriladi va savollarga javoblar yozib chiqiladi. Dars so`ngida, “Nima uchun” sxemasi o`qituvchi rahbarligida guruhlar o`rtasida umumlashtiriladi.
“Nima uchun” grafikli organayzeri chizmasi.
“Nima uchun” sxemasi - muammoning dastlabki sabablarini aniqlash bo`yicha fikrlar zanjiri. Tizimli, ijodiy, tahliliy fikrlashni rivojlantiradi va faollashtiradi.
O`qituvchi o`quvchilarni “Nima uchun” sxemasini tuzish qoidasi bilan tanishtiradi. Alohida kichik guruhlarda muammoni ifodalaydilar. “Nima uchun” so`rovini beradilar va chizadilar, shu savolga javob yozadilar. Bu jarayon muammoning dastlabki sababi aniqlanmaguncha davom etadi va javoblar guruhlarda umumlashtiriladi.
“Nima uchun”grafikli organayzeri chizmasini tuzish qoidalari.
1. Aylana, to`g`ri to`rtburchak yoki boshqa turdagi shakllardan foydalanishni o`zingiz tanlaysiz.
2. Chizmaning ko`rinishini - mulohazalar zanjirini to`g`ri chiziqlimi, to`g`ri chiziqli emasligini o`zingiz tanlaysiz.
3. Yo`nalish ko`rsatkichlari sizning qidiruvlaringizni dastlabki holatdan izlanishgacha bo`lgan yo`nalishingizni belgilaydi.
| 