Page 201
CENTRAL ASIAN JOURNAL OF EDUCATION
AND INNOVATION
Volume 2, Issue 6, Part 5 June 2023
www.in-academy.uz
BOSHLANG‘ICH SINF O‘QUVCHILARIDA ERTAKLAR
ASOSIDA MATEMATIK TUSHUNCHALARNI
SHAKLLANTIRISH
Xurramova Sojida Abdunazar qizi
Termiz Davlat Universiteti,
Ijtimoiy
Fanlar Fakulteti, Boshlang‘ich Ta’lim Yo‘nalishi Talabasi
https://doi.org/10.5281/zenodo.8069264
ARTICLE INFO
ABSTRACT
Qabul qilindi: 16-June 2023 yil
Ma’qullandi: 18-June 2023 yil
Nashr qilindi: 22-June 2023 yil
ushbu maqolada boshlang‘ich sinf o‘quvchilarida ta’lim
samaradorligiga erishish va matematikani chuqurroq
o‘rganishiga yordam berishi uchun ertaklardan
foydalanish samaradorligi haqida fikrlar bayon etilgan.
KEY WORDS
zamonaviy
texnologiyalar,
ertak, matematika, ijodkorlik,
bunyodkorlik, islohotlar.
Bolaning qanday inson bo‘lib yetishishi ota-ona tarbiyasi va atrof-muhit ta’siriga
bog‘liq. Bola yoshlikdan ota-onasi, o‘rtoqlari, atrofidagi kishilardan ma’naviy oziq oladi, ularga
taqlid qiladi, ko‘pgina urf-odatlarni, xulq-odobni o‘zlashtiradi. Boshlang‘ich sinf o‘qituvchilari
o‘z o‘quvchilarining har tomonlama
rivojlanishiga zamin yaratishi, ya’ni o‘qishga, ta’lim
olishga qiziqtirish va ishtiyoq uyg‘otish bilan birga ularning idrok etish, fikrlash
qobiliyatlarini, dunyoqarashlarini kengaytirish kabi sifatlarini o‘stirishda o‘z kasbiy faoliyatini
to‘liq safarbar etmog‘i lozim. Boshlang‘ich sinflarda matematika o‘qitish
jarayonida
ertaklardan foydalanishning asosini o‘quv axborotini eslab qolishgina emas, balki uni chuqur
tushunish, bilish va faol o‘zlashtirish jarayoni sodir bo‘ladi, o‘quvchining o‘zi sezmagan holda
qobiliyati rivojlanadi, yangilikka intiladi. Maktabda matematikani o‘qitishning asosiy vazifasi
o‘quvchilar uchun kundalik hayotda va mehnatda zarur, turdosh fanlarni o‘rganish va ta’limni
davom ettirish uchun yetarli bo‘lgan matematik bilim va ko‘nikmalar tizimini kuchli va ongli
ravishda egallashini ta’minlashdan iborat”
Boshlang‘ich sinf o‘quvchilarida ertaklar asosida matematik tushunchalarni
shakllantirish ularning hayolot dunyosi hamda qiziqishlari asosida matematikani chuqurroq
o‘rgatishga asos bo‘ladi. O‘quvchilarga turli matematik sonlar qatnashgan ertaklarni aytib
berish va undagi jarayonlarni matematika bilan integratsiyalash boshlang‘ich sinf
o‘quvchilarida matematikani yaxshiroq va mukammalroq o‘rganishiga ko‘maklashadi.Har bir
ertakning o‘z g‘oyasi bor. Masalan, “Sholg‘om”
ertagi bolalarni fikrlashga, voqealarni ketma-
ketlikda aytishga undaydi, “Kuch birlikda” degan g‘oyani anglab yetishlarini ta’minlaydi.
Ertaklardagi voqealar bir- biriga bog‘liq ravishda sodir bo‘lar ekan,
bolalar ana shu
aloqadorlikni, odamlar o‘rtasidagi munosabatlarni ham anglay boshlaydilar. O‘qituvchi
tomonidan mahorat bilan yetkazilgan ertaklar bolada ko‘tarinki, quvnoq kayfiyatni yuzaga
keltirishga, kichkintoy bilan his-hayajonli,