84
Elektron jadvalni baholash
Ishingizni tugatgach, uni
baholash juda muhim jarayon hisoblanadi. Elektron jadvalingiz
qanchalik yaxshi ishlashi haqida va uni yaxshilash uchun boshqa biror narsa qilishingiz
mumkinligi haqida o‘ylashingiz kerak bo‘ladi. Masalan, o‘zingizdan so‘rashingiz mumkin:
• Elektron jadvalingizni ishlatish osonmi?
• Maket yaxshiroq ko‘rinishga ega bo‘lishi uchun biror narsani o‘zgartira olasizmi?
• Elektron jadvalda ishlamaydigan narsa bormi?
• Ko‘p formatlash natijasida foydalanish osonlashdimi?
• Qo‘shishingiz mumkin bo‘lgan boshqa qanday elementlar bor? Masalan, shartli formatlash
kabi biror element.
Elektron jadvalni baholashni boshlash uchun bir nechta misollar keltirilgan:
Agar elektron jadval juda yaxshi ishlaydi, deb o‘ylamasangiz yoki siz o‘zgartirmoqchi bo‘lgan
qismlar mavjud bo‘lsa, bu yomon degani emas. Bu sizning yomon natijaga erishganingizni
bildirmaydi. Bu shunchaki o‘zingizni tanqid qilishni yaxshi bilishingizni anglatadi.
Elektron jadvalni asl rejangiz bilan taqqoslang. Esingizda bo‘lsin, siz bobning boshida maqsadlar
ro‘yxatini yaratgan edingiz va endi siz ushbu maqsadlarga erishganingizni tekshirishingiz kerak.
Birinchi bajaradigan ishingiz – keyingi sahifada joylashgan namuna asosida jadval yarating.
O‘zingiz ishlab chiqqan loyiha maqsadlarini birinchi ustunga joylashtiring. (
1-amaliy ko‘nikma
loyiha maqsadiga qarang). 2-ustunda ushbu maqsadlarga erishdingizmi yoki yo‘qligini yozing
(elektron jadval siz rejalashtirgan narsalarni bajaradimi).
