Kalit so‘zlar: SINTAKSIS, ID, CLASS, STYLE, COLOR, BACKGROUND.
Oldingi darslardan CSS haqida biroz bo‘lsa ham ma’lumotga ega bo‘ldingiz. Bu darsda to‘liq, CSS kodlarini HTML kodlarida ishlatishni ko‘rsatib o‘taman. CSS kodlarini tushuntirib o‘tmayman, faqat ulashni va yozilish sintaksisini ko‘rsataman, keyingi darsdan boshlab, CSS stillarini birma-bir ko‘rib chiqamiz. CSS natijalarini brouzerda ko‘rish mumkin bo‘ladi, yana bir narsa, CSSga tegishli barcha darslar misollari “Firefox Mozilla” brouzeri orqali tekshiriladi, agar sizda boshqa brouzer bo‘lsa, misol natijalari sal farq qilishi mumkin.
CSS stillar quyidagicha yoziladi:
H1{color: blue; font-size:14 px}
Selektor nomi — yozilgan stilni qaysi tegda foydalanish (misolda H1).
Qavs — stillar boshlanganini bildiradi.
Stil xususiyati (Свойство) — qaysi stil xususiyatidan foydalanishni o‘rnatish (misolda color, font-size).
Qiymat — tanlangan stil xususiyat qiymati (misolda blue, 14 px).
Agar bir necha stil xususiyatlaridan foydalaniladigan bo‘lsak, ular qo‘shtirnoq (;) orqali ajratiladi, oxirida qo‘shtirnoq qo‘yish shart emas. Stil xususiyatlari yig‘indisi shaklli qavs ichiga olinishi shart({ }) va har bir stil xususiyatidan so‘ng, uning qiymatini berishdan oldin ikki nuqta (:) qo‘yilishi kerak. Sintaksisi bilan tanishib chiqdik, endi HTML kodga ulashni ko‘rsatib o‘taman. Bir necha xil usulda ulash mumkin:
CSS stillarini alohida faylga yozib, bu faylni HTML kodida chaqirib ishlatish mumkin. Misol uchun, «style.css» nomli fayl yaratib ichiga quyidagi stil xususiyat va qiymatlarini kiritamiz.
h1{color:blue;font-size:14px}
Undan so‘ng, «index.html» fayl yaratib, bu faylni yuqorida yaratgan «style.css» nomli fayl bilan bitta papkaga joylashtiramiz, so‘ng bu faylga quyidagi HTML teglarni kiritamiz.
