|
O‘quvchilarning bilim sifatini oshirish va sinfda tartib-intizomni mustahkamlash
|
| bet | 8/17 | | Sana | 04.07.2024 | | Hajmi | 4,17 Mb. | | #266557 |
Bog'liq SINF RAHBARINING O‘QUVCHILARNI RAG\'BATLANTIRISH USULLARI2. O‘quvchilarning bilim sifatini oshirish va sinfda tartib-intizomni mustahkamlash.
O‘quvchilarning o‘quv faoliyati samaradorligini oshirish usullari. O‘quvchilarning bilish faolligini taraqqiy ettirishda sinf rahbarining vazifasi quyidagilardan iborat:
1. Bilimga qiziqish va muhabbat uyg‘otish. Bola bilimga qiziqmasdan turib, o‘qishga intilmaydi, muvaffaqiyatli o‘qiy olmaydi. Bolada o‘z kuchiga va qobiliyatiga ishonch hosil etish, o‘qishga jalb etish, ilk yutuqlari uchun rag‘batlantirish ayniqsa ahamiyatlidir. Boladagi o‘qishga qiziquvchanlik qiyinchiliklarni yengishga, faolligini oshirishga, ishonch uyg‘otishga va mustaqilligi kamol topishiga olib keladi.
2. O‘quv mehnatiga ongli munosabatda bo‘lish va unga mas'uliyat bilan yondashish.O‘quv mehnatiga ongli munosabatda bo‘lishlik ta'limning ijtimoiy, o‘qishning shaxsiy ahamiyatini tushunish demakdir. Sinf rahbarlari o‘quvchilarga ularning bosh vazifasi – o‘qish ekanligini tushuntirishi kerak. O‘qishga mas'uliyat hissi, faqat Vatan oldidagi burchgagina emas, keng ijtimoiy qamrovli – jamoa, o‘qituvchilar, ota-onalar va o‘z oldidagi mas'uliyat, ularning fikrlari, ma'qullashlarini eshitishga intilish, sinf, o‘quv jamoasida munosib o‘rinni egallashga ham tegishlidir.
3. O‘qish madaniyatini oshirish.O‘zlashtirishning past bo‘lishi aksariyat hollarda, o‘quvni tizimli va rejali olib borish iqtidori va ko‘nikmasining bolalarda shakllanmaganligidan kelib chiqadi.
Sinf rahbarining va fan o‘qituvchilarining asosiy vazifasi har bir o‘quvchining faoliyatini quyidagi shartlar asosiga ko‘rish bilan bolg‘iq:
Faoliyatni reja asosiga ko‘rish.
Qunt bilan ishlash.
Pala-partishlikka yo‘l qo‘ymaslik, saramjomlikka o‘rganish.
Bilim sifatini oshirish.
Qiyinchiliklarni yengish.
O‘quv mehnatida muayyan rejimga itoat etish.
Bu degani o‘quv mehnatini o‘quvchining dam olishi bilan to‘g‘ri almashtirib borilishidir.
7. O‘qishda o‘rtoqlarcha o‘zaro yordam uyushtirish.
O‘rtoqlarcha o‘zaro yordam sinfda ulgurmovchilikning oldini oladi, sinf jipsligini oshiradi, jamoatchilik ruhining shakllanishiga olib keladi.
8. Sinf o‘qituvchilari bilan hamkorlik.
Sinf rahbari ta'lim-tarbiyaviy ishlarni yakka o‘zi emas, balki shu sinfda dars beruvchi boshqa o‘qituvchilar bilan hamkorlikda olib boradi.
Endi bevosita ana shu ishlar mazmuni bilan tanishib chiqamiz.
Sinf rahbari tarbiyaviy ishlarni amalga oshirish jarayonida o‘qish nafaqat har kimning shaxsiy ishi, balki ijtimoiy ahamiyatga ega bo‘lgan ish ekanligini o‘quvchilarga tushuntirib boradi. Mustaqil davlatimiz, butun xalqimiz maktab dargohidan chuqur bilimli, hayotga har tomonlama tayyorlangan kishilarning yetishib chiqishini kutmoqda. Bular haqida sinf majlislarida, har bir o‘quvchi bilan alohida yoki bir guruh o‘quvchilar bilan o‘tkaziladigan suhbatlarda, turli tarbiyaviy tadbirlarda sinf rahbari batafsil gapirib beradi. O‘qish bu jiddiy mehnat ekanligini va bunga astoydil yondashish, katta mas'uliyat bilan qarash kerakligi bolalarga tushuntirib boriladi.
«Bilim – takrorlash mevasidir», – degan edi Abu Rayhon Beruniy. Sinfda va uyda ko‘p va jiddiy ishlaydigan bolalar, odatda o‘qishda va mehnatda katta muvaffaqiyatlarga erishadilar. Har qanday muvaffaqiyatning zamirida tinimsiz mehnat yotadi. Bolalarni o‘qishga mas'uliyat bilan qarash ruhida, ko‘chirib olishga qarshi nafrat ruhida tarbiyalash kerak.
Sinf majlislarida vaqti-vaqti bilan mazkur masalalar butun mazmun-mohiyati bilan muhokama qilinishi, shu orqali o‘quv mashg‘ulotlariga loqaydlik bilan qaraydigan o‘quvchilarga sezilarli ta'sir o‘tkazish kerak.
Sinfning o‘zlashtirish masalasi atrofida jamoatchilik fikrining shakllanishi, bu borada sinf devoriy gazetasi imkoniyatlaridan foydalanish yaxshi natijalar beradi.
O‘quvchilarni bilimga bo‘lgan qiziqishlarini oshirishda ularning nazariy bilimlarini mustaqil ravishda qo‘llay bilishlarini hisobga olish ayniqsa muhimdir. Bu tajriba juda ko‘p maktablarda muvaffaqiyatli qo‘llanilib kelinmoqda. O‘quvchilarga biror bir fan bo‘yicha ko‘rgazmali qurol yoki biror jihoz yasab kelish buyuriladi. Bunda «Agar tirishsang, bu sening qo‘lingdan keladi» degan gapni uning qulog‘iga quyish kerak. Buni o‘quvchi nafaqat oddiy topshiriq, balki o‘qituvchining ishonchi sifatida ham qabul qiladi. To‘g‘risini aytganda, bunday narsalarni yasash uchun o‘quvchi yetarli nazariy bilimga ega bo‘lishi kerak. O‘quvchi topshiriqni puxta qilib bajarishi uchun u yoki bu fan asoslarini o‘rganishga, o‘z bilimini chuqurlashtirishga harakat qiladi,o‘zi yasayotgan o‘quv quroliga, ushbu fanga nihoyatda qiziqib qoladi. Shu bilan birgalikda har bir yasalgan narsa zamirida mehnat yotganligini his qiladi, sinf va maktab jihozlarini avaylashga o‘rganadi.
Maktab o‘quvchilarining bilimga qiziqishi ularning hayotiy ehtiyojlariga bevosita bog‘liqdir. Maktab hovlisidagi tokzor, issiqxonada o‘tkaziladigan amaliy jarayon – daraxtlarni butash, ularga payvand solish, tok kesish, daraxt o‘tqazish, issiqxonalarda pomidor, sabzavotlar yetishtirish qoidalari o‘quvchilarda katta qiziqish uyg‘otadi. Bu hol ularni botanika, geometriya, jo‘g‘rofiya, mehnat fanlariga havas, ularni sevib o‘rganishga rag‘bat uyg‘otadi. Axir, yuqoridagi fanlardan chuqur bilim va malaka hosil qilmay turib, mazkur ishlarning mohir ustalari bo‘lib yetishish mumkinmi? Bolalarga ijtimoiy fanlarga qiziqishni orttirish uchun ularni turli madaniy-ma'rifiy tadbirlarga tortish ahamiyatlidir. Huddi shuningdek, fizika, ximiya, biologiya, tarix, mehnat, astronomiya, chet tili fanlari ham o‘quvchilarda havas o‘yg‘otadigan juda katta hayotiy amaliy imkoniyatlarga egadir. Bilimga bo‘lgan qiziqishni shakllantirish va o‘stirishda sinflarni, o‘quv xonalarini va maktab binosini jihozlash ham katta ahamiyat kasb etadi, o‘quvchilarda turli qarashlar, did, dunyoqarashni shakllantiradi, estetik zavq uyg‘otadi, tegishli ma'lum sohalarga havas uyg‘otadi.
Bugungi kunda turli fanlar bo‘yicha qiziqarli adabiyotlar nashr qilinmoqda: «Mashhur kishilar hayotidan», «Qiziqarli matematika», «Qiziqarli botanika», «Qiziqarli jo‘g‘rofiya», «O‘simliklar hayoti», «Bizni o‘rab turgan olam», «Tariximizga bir nazar» va hokazo ilmiy-ommabop turkumdagi bu kitoblar o‘quvchilar qo‘liga berilsa, ular hayotida albatta burilish yasashi turgan gap. Kitobdan ham yaqinroq do‘st, undan ham qudratliroq tarbiya vositasi bormi o‘zi?
O‘quv jarayonida fanlar bo‘yicha o‘zaro bog‘lanishga katta e'tibor berish kerak. Bundan o‘qituvchiyu o‘quvchi ham yutadi. Bunga bir necha misollar keltirish mumkin. Fizika darsida masalalar yechish asosida matematika formulalaridan foydalaniladi. Matematika darslarida fizik kattaliklar va o‘lchov birliklari qo‘llaniladi. Bulardan tashqari ikkala fan birgalikda o‘rganadigan mavzular bo‘ladiki, ularda ikkala fan o‘qituvchisi ham bir darsda o‘z sohalari bo‘yicha tushuncha bersalar nur ustiga nur bo‘ladi. Adabiyot-tarix, mehnat-botanika, tarix-jo‘g‘rofiya juftliklari faoliyatida ham bunday imkoniyatlar cheksizdir. Bolaning muayyan bir fanga qiziqishiga suyanib turib, unda boshqa fanlarga ham ongli ravishda yondashish va fan asoslarini o‘rganishga havas uyg‘otish mumkin bo‘ladi.
O‘quvchilarni bilish faolligini takomillashtirish uchun to‘garak, fakultativ mashulotlari jarayonida kengroq foydalanish lozim. Sinf rahbari o‘z o‘quvchilarining qiziqishi, moyilligi, uy sharoiti haqida ma'lumotlar bilan fan o‘qituvchilarini tanishtiradi, bolaga qanday munosabatda bo‘lish kerakligi haqida maslahatlar beradi. Hatto, shunday ham bo‘ladiki, biror fandan o‘zlashtirmayotgan o‘quvchi bilan sinf rahbarining o‘zi bevosita ish olib boradi. «Ikkalamiz bu topshiriqni bajarmasdan qo‘ymaymiz», deb dalda beradi shogirdiga. Kerak bo‘lganda, a'lochi o‘quvchilarni yoki ushbu fan o‘qituvchisini ham ko‘makka chaqiradi. Bundan o‘quvchini ko‘ngli tog‘dek ko‘tariladi, yolg‘iz emas ekanligini tushunadi, topshiriqni o‘zlashtirishga harakat, havas uyg‘onadi.
Bolalarda o‘quv mehnatiga javobgarlik va mas'ullik hissini tarbiyalash juda muhimdir. Mas'ullikni sezmagan o‘quvchi pala-partish o‘qiydi. Mas'ullik kishini sergak torttiradi, o‘quv faoliyatiga alohida javobgarlik hissi bilan qarashga undaydi.
Ma'lumki, ongli intizom va mas'uliyat hissini sezish maktabda olib boriladigan tarbiyaviy ishlar tizimining samarasi hisoblanadi.
Bolalarning intizomli bo‘lishida sinf rahbarining xizmati katta. U darsda va darsdan tashqari vaqtlarda turli tarbiyaviy usullardan foydalanib, bolalarda intizomni tarbiyalab boradi, sinfda aniq rejim va ichki tartib o‘rnatishga kirishadi; jihozlash, tozalik va tartibni joriy etib boradi.
Bu ishlarni sinf rahbari bir o‘zi emas, balki o‘qituvchilar, sinf jamoasi, faollari va ota-onalar bilan hamkorlikda amalga oshiradi.
Sinfda intizomni saqlash va joriy qilish faqat sinf rahbarining ishi deb tushunuvchilar ham uchrab turadi. Bu mutlaqo noto‘g‘ri fikr. Intizom uchun butun sinf, pedagogik jamoa mas'uldir. Intizomni tarbiyalash juda qiyin va murakkab tarbiyaviy jarayondir. Shunisi ham borki, ko‘p vaqt qilingan mehnatni bir paytni o‘zidayoq yo‘qqa chiqarish mumkin. Masalan, sinf rahbari va ayrim fan o‘qituvchilari darslarida bolalar jim, intizomli o‘tirishadi, darslarni berilib tinglashadi, o‘quv yumushlari bilan band bo‘lishadi; ba'zi o‘qituvchilarning darslarida buning aksi: bolalar qiy-chuv qilishadi, bir-biriga qog‘oz otishadi, partaning ostiga kirib yashirinishadi, natijada o‘qituvchi tajanglashadi, o‘quvchilar bilan ixtilofga boradi. Bunday ayanchli manzara har bir maktab hayotida uchrab turishi tabiiy.
Agar bolaning atrofidagi muhit o‘smirning u yoki bu xususiyatlari, uning xulq-atvoriga doimo (yoki deyarli doim) o‘z vaqtida va adekvat (monand) bo‘lsa, o‘smirda xulq-atvor me'yoriy bo‘ladi. Bu fikrdan xulqi og‘ishganlikning tavsifi ham kelib chiqadi, biroq bolaning mikrosotsium bilan o‘zaro faoliyati sifatida uning rivojlanishini buzuvchi va ijtimoylashuvida va yuzaga keluvchi xulqi, jamiyatda o‘rnatilgan axloqiy hamda huquqiy og‘ishganlik ijtimoiy dezadaptatsiyaning (bola uchun ijtimoiy muhit sharoitlariga moslashishga to‘siqlik qiladigan hodisa ko‘rinishlaridan biridir).
Bolalik - o‘smirlik dezadaptatsiyada quyidagi patologiyalar o‘z tasdig‘ini topgan: Maktab yoshidagi bolalar, maktabga bormaydilar, yetim-bolalar, ijtimoiy yetimlar, giyohvandlik va zaharli (toksinli) vositalarni qabul qiluvchi o‘smirlar; jinsiy ahloqsiz o‘smirlar, huquqbuzarlik faoliyatlariga berilgan o‘smirlar.
Deviatsiyaning tarkibiga deviantlik, delinkvent va kriminal xulq-atvorlilar kiradi.
Deviant xulq-atvor-xulqiy og‘ishganlikning bir turi bo‘lib, o‘smirning yoshiga muvofiq bo‘lmagan ijtimoiy xulq-atvor me'yor va qoidalarining buzilishi bilan boliq bo‘lgan mikrosotsium munosabatlar (oilaviy, maktabdagi) va kichik jinsiy yosh ijtimoiy guruhlari uchun xarakterli bo‘ladi. Ya'ni xulq-atvorning bu tipini intizomsizlik deb atash mumkin. Deviant xulq-atvor ko‘rinishlariga o‘smirning namoyishkorlik, agressvilik, o‘ziga erk berish, o‘qish va mehnat faoliyatidan tizimli og‘ishlik, uydan ketib qolish, daydilik, ichkilikbozlikga berilish, alkogolizmga berilish, giyohvandlik va u bilan bog‘liq assotsial faoliyatlar, jinsiy xarakterdagi jamiyatga qarshi faoliyatlar, suitsid1.
Delinkvent xulq-atvori – deviantlikdan farqli ravishda bolalar va o‘smirlarning assotsial xulq-atvori bilan xarakterlanadi. Bu xulqiy harakatlarda huquqiy me'yorlarni bola buzib o‘tsada, biroq huquqiy, jinoiy javobgarlikka tortilmaydi. Sababi cheklangan ijtimoiy xavfli yoki bola jinoiy javobgarlikka tortilish yoshiga yetmagan hisoblanadi.
Delinkvent xulq-atvorda: asosan inson shaxsiga qarshi agressiv-zo‘ravonlik xulqi, haqorat, janjalkashlik, o‘t qo‘yish, sadistlik harakatlari ajralib turadi.
Delinkvent (lotin tilidan delinqveng-huquqbuzar)-xulqiy og‘ishgan sub'ekt, o‘z harakatlarida jinoiy jazolanadigan faoliyatlarni amalga oshiradi.
- g‘arazli xulq-atvor, o‘zida mayda o‘g‘rilik, bosqinchilik, talonchilik, avtotransportni g‘o‘irlash va boshqalarni amalga oshirib, moddiy manfaat ko‘rinishning ilinjida mulkiy tajovuz qilishdan iborat.
- Giyohvand moddalarni tarqatish va sotish.
Kriminal (jinoiy) xulq-atvor (lotin tilidan, criminalis-jinoyatchilik) huquqbuzarlik harakati bo‘lib, jinoiy javobgarlik yoshiga yetguncha, jinoiy ish ochishda asos bo‘lib xizmat qiluvchi va jinoyat kodeksining belgilangan moddalari bilan asoslanadigan xulq-atvor.
|
| |
