Fanning nomi: Qishloq xo‘jaligi mashinalari Ma’ruza 20 soat, amaliy mashg‘ulotlar 30 soat, laboratoriya ishi 10 soat, mustaqil mashg‘ulotlar 90 soat. Ma’ruzachi: dotsent A. Eshdavlatov

Fanning nomi: Qishloq xo‘jaligi mashinalari
Ma’ruza 20 soat,
amaliy mashg‘ulotlar 30 soat, 
laboratoriya ishi 10 soat,
mustaqil mashg‘ulotlar 90 soat.
Ma’ruzachi: dotsent A.Eshdavlatov

Asosiy adabiyotlar
1. Shoumarova M.SH., Abdillayev T.A. Qishloq xo‘jaligi 
mashinalari. – Tashkent, 2000. 
2. Komilov A. va boshq. Traktor va avtomobillar. Toshkent. 
“Talqin” – 2003.
3. Oyxo‘jayev F., Xushnazarov X. Qishloq xo‘jaligi ishlab 
chiqarishini mexanizatsiyalash. T., Mehnat, 1988.
Qo‘shimcha adabiyotlar
4. Mamatov F.M. Qishloq xo‘jaligi mashinalari. – Tashkent, 2008.
5. Mamatov F.M., Ergashev I.T., Temirov I.G. Qishloq xo‘jaligi 
mashinalari. – Tashkent, 2009. 
6. Karpenko A.I.. Xalanskiy V. Selskoxozyaystvenniye mashini. 
M., 1999. 
7. Kafedra professor-o‘qituvchilari tayyorlagan uslubiy 
qullanmalar.

1-mavzu. Kirish. O‘zbekiston Respublikasidagi agrar 
siyosat. Fanning maqsadi, vazifasi, oliy ta’limdagi o’rni. 
QXM tasnifi.
Reja:
1. O‘zbekiston Respublikasidagi agrar siyosat
2. Qishloq xo’jaligi mashinalari fanining rivojlanish tarixi.
3. Mashinalarni rusimlash va ularni tasniflanishi.
4. Fanning maqsad va vazifalari.
5. O‘zbekiston Respublikasida traktorsozlikni rivojlanish
bosqichlari. 

Agrar sektorning yuksalishi O‘zbekiston iqtisodiyoti rivojlanishining
asosiy omili va manbai hisoblanadi. Qishloq xo‘jaligining ulushi milliy
daromadda 35% dan, eksport hajmida 60% dan ortiqroq. Agrar sohaga
mamlakat yalpi mahsulotining chorak qismi to‘g‘ri keladi va bu soha bilan
ishlab chiqarish va intelektual salohiyatning yarmidan ortiqrog‘i bevosita
aloqador. SHuning uchun qishloq xo‘jaligini rivojlantirish hozirgi davrning
o‘ta muhim vazifasidir. Bu esa ko‘p ukladli qishloq xo‘jaligi ishlab
chiqarishini hisobga olgan holda uning moddiy texnika bazasini
mustahkamlash bilan bog‘liq. Qishloq xo‘jaligida mashinalarni qo‘llash
mehnat unumdorligini oshiradi, barcha ishlarni talablarga qat’iy rioya qilgan
holda, eng maqbul muddatlarda bajarishga imkon yaratadi. Bu pirovardida
mehnat va xarajatlar sarfini kamayishiga olib keladi. Qishloq xo‘jaligi uchun
mashinalar Mashinalar tizimiga asosan yaratiladi va qo‘llaniladi. Mashinalar
tizimi ishlab chiqarishni kompleks mexanizatsiyalashning ilmiy va texnik asosi
hisoblanadi.