Savdo sanoat-palatasi Qoraqalpog‘iston Respublikasi boshqarmasi – muqobil energiya manbai yo‘nalishida, yog‘och chiqindilarini qayta ishlatish orqali presslangan o‘tin mahsulotlarini yetishtirish, shuningdek, an’anaviy hisoblangan energiya manbailariga muqobil tarzda yangi mahsulotlar turlarini ishlab chiqarish va ishlab chiqarishning boshqa sohalarida samarali foydalanish mumkin bo‘lgan 20 dan ortiq ishlanmalari bilan;
Toshkent Irrigatsiya Melioratsiya Instituti qoshidagi Irrigatsiya va suv muammolari ilmiy-tadqiqot instituti Qoraqalpog‘iston filiali – Qoraqalpog‘iston Respublikasi sharoitida suvdan foydalanish tarmog‘ida ko‘p yillar davomida mavjud muammolarni hal qilish, suvdan tejab foydalanish bo‘yicha yangi texnologiyalarni ishlab chiqish va ularni ishlab chiqarishga tadbiq etish bo‘yicha, Amudaryo quyi qismida suvning kamayib ketishiga bog‘liq muammolarni ijobiy hal qilish, paxtani sug‘orishning yangi texnologiyasi, har bir gektar yerdan 1,5- 2,0 ming kub metr suvni tejab qolish, Respublikamiz yer sharoitlarini hisobga olgan holda tomchilatib sug‘orish texnologiyasini bizning sharoitga moslashtirib ishlab chiqarishga mo‘ljallangan innovatsion g‘oyalari bilan ishtirok etishmoqdalar.
Hurmatli yarmarka ishtirokchilari!
Aziz mehmonlar!
Mazkur yarmarka – iqtisodiyotning turli soha va tarmoqlaridagi talabni innovatsiya sohasidagi takliflar bilan uyg‘unlashtirishning amaldagi maydonchasi, innovatorlar va innovatsiya loyihalari investorlari o‘rtasidagi bevosita amaliy aloqa vositasi hisoblanadi.
Shuningdek, ushbu tadbir oliy ta’lim muassasalari, ilmiy-tadqiqot, tajriba-konstruktorlik tashkilotlarining texnologiya va ishlanmalarini namoyish etish, bu borada amalga oshirilayotgan ishlar bo‘yicha tajriba almashish, istiqboldagi vazifalarni belgilash, ilmiy hamkorlikni yanada rivojlantirish hamda potentsial xaridorlar bilan bevosita, to‘g‘ridan-to‘g‘ri muloqot qilish imkonini beradi.
Shu bois, yarmarka chog‘ida erishilayotgan kelishuvlar natijasida sanoat, qishloq xo‘jaligi, xizmat ko‘rsatish va servis sohalariga ixcham va zamonaviy texnologiyalar joriy etilib, yuqori samaradorlikka erishiladi.
|
