ЎЗБЕКИСТОНДА РАҚАМЛИ ИКТИСОДИЁТ РИВОЖЛАНИШИНИ ИФОДАЛОВЧИ КЎРСАТКИЧЛАР ТИЗИМИНИ ИШЛАБ
ЧИҚИШГА ДОИР ЁНДАШУВЛАР
Сиддиков Алишер Журакулович
Ўзбекистон Республикаси давлат статистика қўмитаси ҳузуридаги Кадрлар малакасини ошириш ва статистик тадқиқотлар институти кафедра мудири, и.ф.н., доцент
E-mail: Alisid66@mail.ru
Аннотация. Мазкур мақолада Ўзбекистонда рақамли иктисодиёт ривожланишига оид кўрсаткичлар тизимини ишлаб чиқишга доир муаллифнинг айрим фикрлари баён этилган.
Калит сўзлар: Рақамли иктисодиёт, модернизация, ахборот ва телекоммуникация тизимлари, рақамли технологиялар, патентлар, интернет трафиги, радиотелефон алоқаси, контент, кўрсаткичлар тизими, халқаро институт ва ташкилотлар индекслари.
Abstract. In this article presents some of the author's views on the elaboration of a system of indicators for the development of the digital economy in Uzbekistan
Key words: Digital economy, modernization, information and telecommunications system, digital technology, patents, Internet traffic, radiotelephone communication, content, indicators system, indices of international agencies and institutions.
Кириш
ХХI асрнинг иккинчи ўн йиллигида турли иқтисодий адабиётларда мамлакатнинг барқарор ижтимоий-иқтисодий ривожланишига эришиш ҳамда макроиқтисодий мувозанатини таъминлашнинг муҳим жиҳати рақамли иқтисодиёт тизимига ўтиш деб қайд этилмоқда. Шундай экан, иқтисодий тараққиётнинг бугунги босқичида Ўзбекистон Республикасида рақамли иқтисодиётни
ривожлантириш, тизимга оид меъёрий-ҳуқуқий ҳужжатларни ишлаб чиқиш, янги технологияларни жорий этиш, кадрларни тайёрлаш ва бошқа бир қанча муҳим йўналишларда кенг қамровли
ишларни бажариш, мамлакатимизда амалга оширилиши лозим бўлган муҳим ишлар доирасидаги бирламчи вазифалар қаторига олиб чиқади.
Таъкидлаш жоизки, кейинги йилларда Ўзбекистонда рақамли иктисодиётни ривожлантиришга доир бир қанча меъёрий-ҳуқуқий ҳужжатлар ишлаб чиқилиб, унда мазкур тизимни тараққий эттиришга доир кўплаб қилиниши лозим бўлган ишлар белгилаб берилди. Масалан, Ўзбекистон Республикаси Президентининг 2018 йил 3 июлдаги Ўзбекистон Республикасида рақамли иқтисодиётни ривожлантириш чора- тадбирлари тўғрисидаги ПҚ-3832-сонли, Ўзбекистон Республикаси Президентининг 2020 йил 5 октябрдаги “Рақамли Ўзбекистон-2030” стратегиясини тасдиқлаш ва уни самарали амалга ошириш чора-тадбирлари тўғрисида”ги ПК-6079-сонли қарорларига биноан республикада рақамли иқтисодиётни фаол ривожлантириш, яқин истиқболда барча тармоқ ва соҳаларга замонавий ахборот-коммуникация
технологияларини кенг
