“JOURNAL OF SCIENCE-INNOVATIVE RESEARCH IN
UZBEKISTAN” JURNALI
VOLUME 1, ISSUE 6, 2023. SEPTEMBER
ResearchBib Impact Factor: 8.654/2023 ISSN 2992-8869
344
MAKTABGACHA YOSHDAGI BOLALARDA TABIAT
MARKAZLARI ORQALI ILMIY DUNYOQARASHINI
TAKOMILLASHTIRISH
Saparniyazova Aygul Qutlimuratovna
Maktabgacha ta’lim kafedrasi assistent o‘qutuvchisi
Annotatsiya. Mazkur maqolada maktabgacha ta’lim muassasalarida bolalarga
tabiat markazlari orqali ekologik ta’limtarbiya berish, tabiat,
ularda atrofmuhitga
nisbatan hurmat, ehtiyotkorona munosabat va unga mas’uliyat bilan qarash hissini
tarbiyalash, maktabgacha yoshdagi bolalarning ekologik tarbiyasiga oid masalalar
yoritilgan, uning mazmuni ochib berilgan.
Kalit so‘zlar: maktabgacha ta’lim, ekologik ta’lim, atrof-muhitga munosabat,
ekologik madaniyat, bolani tabiat bilan tanishtirish.
KIRISH
O‘zbekiston mustaqilligining dastlabki yillaridanoq mamlakatimizda ekologik
masalalar, tabiatda ro‘y berayotgan noxush hodisalar
oqibatini bartaraf etish, ro‘y
berishi mumkin bo‘lgan bunday vaziyatlarning oldini olish kabi dolzarb vazifalarga
katta e’tibor qaratib kelinmoqda. Insonning tabiatga noto‘g‘ri munosabati natijasida
yuzaga keladigan salbiy holatlarning oldini olishda ekologik ta’limtarbiyaning o‘rni
nihoyatda katta.
Jahonning barcha mamlakatlari kabi O‘zbekistonda ham shaxs va jamiyatning
moddiy va ma’naviy madaniyati ekologik mazmunga ega bo‘lmoqda. Endilikda
respublikamizda
chiqindisiz, kam chiqitli va ekologik toza texnologiyalarni joriy
etish, atrof-muhitni muhofaza qilishning iqtisodiy mexanizmlarini rivojlantirish va
takomillashtirish, ekologik huquqbuzarliklar uchun ma’muriy-huquqiy
choralar
ko‘rish, ekologik ma’rifat orqali aholining ekologik tafakkurini rivojlantirish,
xalqaro
ekologik
munosabatlarni
yo‘lga qo‘yish, tabiat, atrof-muhitga
ko‘rsatilayotgan salbiy antropogen ta’sirlarni kamaytirish, insonning atrof-muhitga
sifat jihatidan yangicha munosabatini shakllantirishga olib kelmoqda.
