177
ninasimon klapanning germetikligi aniqlanadi;
- aniqlangan nosozliklar bartaraf qilinadi.
Agarda yonilg’i sathi jadvalda ko’rsatilgan me’yordan farq qilsa, sozlash — rostlash
ishlari bajariladi: qalqovuch richagidagi tilchasini bukib qo’yish yoki ninasimon klapan
korpusi ostidagi qistirmalar sonini o’zgartirish kerak.
Karbyuratorni tekshirib bo’lgandan keyin:
- atmosfera jumragini va asbob bakidagi voronka jumraglari ochiladi; yonilg’i o’tkazgichdagi
jumrakni yopib va shtutserlarni burab olib karbyuratordan sath o’lchagichni ajratib olinadi;
- kronshteydan karbyuratorni bo’shatib olib, undagi yonilg’i bak voronkasiga to’kib yuboriladi;
karbyuratorning qalqovuch kamera tiqini burab joyiga qo’yiladi; aniqlangan ko’rsatkichlar
qiymati hisobot jurnaliga yozib olinadi.
Yonilg’i nasosini 374 rusumli asbobida ish qobiliyatini tekshirish
Asbobning old paneliga yonilg’i nasosi mahkamlanadi, taglik va ustun asbobning asosi
bo’lib panelning orqa tomonida ekstsentrikli val joylashgan va uni dastak yordamida
aylanma harakatga keltirish mumkin.
Panelning orqasida blok bor bo’lib, unga 2 ta jumrak va monometr o’rnatilgan. U
jumraklarning biri kirituvchi magistralda bak bilan yonilg’i nasosi oralig’ida
joylashgan bo’lib, kiritish magistralini atmosfera bilan bog’laydi.
Yonilg’i nasosi asbob paneliga shpilka bilan mahkamlanadi.
Sinash ishlari har bir parametr bo’yicha 3 marta qaytariladi. Tekshirishlar vaqtida
jumraklarni qaysi holatlarda turishi asbob panelidagi jadvalda ko’rsatilgan.
a) eng yuqori bosimni tekshirish.
Asbobdagi g’ildirakli dastakni o’lchov tsilindrida benzin tomchilari qolguncha
buraladi. Jumrak burab uzatuvchi magistralni monometr strelkasi maksimum qiymatga
etganda uning ko’rsatgan miqdori yozib olinadi. Shu qiymat yonilg’i nasosini eng yuqori
bosimi ko’rsatkichi bo’ladi.
b) bosimning tushish tezligini tekshirish.
Bu parametr yonilg’i nasosini eng yuqori bosimini tekshirgandan so’ng aniqlanadi.
Sxema o’zgartirilmaydi. Dastakni aylantirib eng yuqori bosim hosil qilinadi. Keyin
dastakni aylantirishni to’xtatib ekstsentrik val kulachogini yonilg’i nasosi richagi to’la
bo’shatilgan holatga keltiriladi. Sekundomer yordamida vaqtni aniqlaymiz. 30 sekunddan
keyin esa monometrdagi qiymati qayd qilinadi.
v) unumdorligini tekshirish
Jumrak buralib chiqaruvchi uzatuvchi magistral shtutserini o’lchov tsilindri bilan
ulanadi. Dastakni bir me’yorda o’rtacha bir aylana sekund tezlikda aylantiriladi.
O’lchov tsilindriga biriktirib sekundamerni ishga tushiramiz, 10 sekundan keyin yoki 10
marta aylantirib bo’lgandan keyin tsilindrdagi yonilg’i hajmi o’lchanadi va qayd qilinadi.
Tsilindrni to’kish jumragi ochilib yonilg’ini o’lchov tsilinidridan bak varonkasiga oqizib
yuboriladi.
g) nasosni so’rish qobiliyatini tekshirish.
Jumrak burab nasosga kirish shtutserini atmosfera bilan ulaymiz, yahni asbob baki,
yonilg’i nasosi va orasidagi yonilg’i o’tkazgich yonilg’idan bo’shatiladi. Buni o’lchov
tsilindriga yonilg’i kelishi to’xtashidan bilamiz. O’lchov tsilindriga yonilg’i kelishi to’la
to’xtaguncha maxovikli dastakni aylantiramiz. So’ngra jumrak burab nasosga kirish
shtutserini yonilg’i baki bilan ulanadi. Dastakni aylantiramiz va bir yo’la aylanish sonini
hisoblab boramiz. O’lchov tsilindriga yonilg’i tomchilari kelishi bilan hisoblashni to’xtatamiz.
Hisoblangan aylanishlar soni nasosni so’rish qobilyatini ko’rsatadi.
