KATION BITUM EMULSIYALARINI ISHLAB CHIQARISH UCHUN QURILMALAR
REJA:
Yo‘l xo‘jaligini ishlab chiqarish korxonalari va bazalarining maqsad va vazifalari.
Kation bitum emulsiyalarini ishlab chiqarish uchun qurilmalar;
Yo‘l qurilishi ishlab chiqarish korxonalarini tasnifi va ularni joylashishi.
Harakatni boshqarish texnik vositalarini ishlab chiqarish va yig‘ish korxonalri.
Yo‘l belgi chiziqlari uchun mahsulotlarni ishlab chiqarish.
Ishlab chiqarish bazasi – inshootlar, mashinalar va jihozlar majmui bo‘lib, yo‘l qurilishi uchun zarur bo‘lgan materiallarni qazib chiqarish, yarim mahsulotlar, buyum va detallarni tayyorlashni ta’minlaydi. Ishlab chiqarish korxonalariga omborlar, rels bo‘yi bazalar, temir yo‘l va boshqa qatnov yo‘llari, dastlabki mahsulotni tayyorlash uchun qurilmalar kompleksi – asfaltbeton va sementbeton zavodlari, emulsiya bazalari, ishchilar yashashi va xizmat qilishi uchun binolar va xonalar (oshxona, garderob, yotoqxona va boshqalar) kiradi. Korxonalar quvvatiga, bir joyda ishlash muddatiga qarab doimiy (statsionar), yarim statsionar (buzib quriladigan) va ko‘chma turlarga bo‘linadi. Yo‘llarni tezkorlik usuli bilan qurishda ko‘chma korxonalarning alohida o‘rni bor. Bunday korxonalarning hamma yoki aksar agregatlari va mashinalari pnevmatik g‘ildiraklar ustiga o‘rnatiladi. Shuningdek, tez buzib quriladigan omborlar ham korxonani qurilayotgan yo‘lning bir uchastkasidan boshqasiga ko‘chirish va yo‘l qurilish oqimiga qo‘shilib ketish imkarerini beradi. Mashinasozlikdagi texnologik jarayonlarning murakkabligiga va imkareriyatlariga qarab, korxonalar avtomatlashgan, robotlashgan, berilgan dastur bo‘yicha ishlaydigan bo‘lishi mumkin. Korxonada ko‘plab mashinalar, jumladan avtomatlashgan mashinalarning bo‘lishi, ularga texnik xizmat ko‘rsatish, ta’mirlash, sozlash ishlarini tegishlicha tashqil etishni taqozo etadi. Korxona ishining samaradorligiga maxsus yuk ortish-tushirish jihozlari bo‘lgan ombor xo‘jaligining ahamiyati bor. Moddiy-texnik bazani yanada rivojlantirishni avtomobil yo‘llari, binolar, ko‘priklar va boshqa inshootlarning ishonchliligini oshiradi, ayni vaqtda, qurilishning material sig‘imi va narxini, avtomobil yo‘lini ekspluatatsiyaga topshirish muddatini qisqartiradi.
|