|
AMALIY MASHG‘ULOT MATERIALLARINI TAYYORLASHGA QO‘YILADIGAN TALABLAR
|
| bet | 74/74 | | Sana | 10.12.2023 | | Hajmi | 154,35 Kb. | | #115134 |
Bog'liq Loyiha nomi Matematika fanini o‘qitish huquqini berish bo‘yichaAMALIY MASHG‘ULOT MATERIALLARINI TAYYORLASHGA QO‘YILADIGAN TALABLAR
Amaliy mashg‘ulot - aniq maqsadga qaratilgan va ta’lim beruvchi tomonidan boshqarib turiladigan, aniq bir topshiriqni bajarish uchun kerakli nazariy darsda olingan maxsus bilimlar asosida malaka va ko‘nikmalar shakllantirish maqsadida olib boriladigan rejali didaktik harakatga aytiladi.
Amaliy mashg‘ulotlarini tashkil etish yuzasidan o‘qituvchi tomonidan ko‘rsatma va tavsiyalar ishlab chiqiladi. Unda tinglovchilar asosiy ma’ruza mavzulari bo‘yicha olgan bilim va ko‘nikmalarini amaliy masalalar, keyslar orqali yanada boyitadilar. Shuningdek, darslik va o‘quv qo‘llanmalar asosida tinglovchilar bilimlarini mustahkamlashga erishish, tarqatma materiallardan foydalanish, ilmiy maqolalar va tezislarni chop etish orqali tinglovchilar bilimini oshirish, masalalar yechish, mavzular bo‘yicha taqdimotlar va ko‘rgazmali qurollar tayyorlash, normativ-huquqiy hujjatlardan foydalanish va boshqalar tavsiya etiladi.
TAQDIMOT (PREZENTATSIYA) TAYYORLASHGA QO‘YILADIGAN TALABLAR
Ko‘rgazmali axborotni taqdim etish shakliga ko‘ra prezentatsiyalarni uch guruhga bo‘lish mumkin: oddiy, animatsiyali va multimediali.
Taqdimotlarda to‘liq matn (tekst) bo‘lmasligi lozim. 1 ta taqdimotda 30 tagacha so‘z ishlatish zarur.
Taqdimotda turli xil ranglar va shriftlar xilma-xilligidan foydalanishga yo‘l qo‘yilmaydi. Ikki-uch xil rang, bir xil shriftdan foydalanish kifoya. O‘qituvchi tomonidan taqdimotlar infografika usulda tayyorlanishi lozim.
Infografika - maqsadli auditoriya bilan aloqani kuchaytirish uchun foydalanishingiz mumkin bo‘lgan ma’lumotlarni yetkazishning bir usuli. Albatta, bu yagona format emas, balki sizning xabarlaringiz, g‘oyalaringiz, yutuqlaringiz va muhim fikrlaringizni yetkazish uchun eng samarali usul.
SEMINAR MASHG‘ULOT MATERIALLARINI TAYYORLASHGA QO‘YILADIGAN TALABLAR
Seminar mashg‘ulotlari - o‘quv faoliyatni amaliy tashkil kilish va yo‘lga qo‘yishning asosiy shakllaridan biridir. Bu mashg‘ulotlar jarayonida tinglovchilar turli mavzularda o‘qilgan leksiya va videoma’ruzalarni tinglab, avval o‘zlashtirilib olgan nazariy bilimlarini va tushunchalarini chuqurlashtirib boradi. O‘rganiladigan fanning amaliy-nazariy asoslariga tegishli bo‘lgan tasavvurlar doirasini kengaytirish imkoniyatiga ega bo‘ladilar. Adabiyot manbalaridagi materallarni mustaqil tahlil qila olishini o‘rganadilar. Fikr mulohazalarini erkin va ilmiy asosda bayon qila olish mahoratlariga ega bo‘ladilar.
Seminar mashg‘ullotlari tinglovchilarda dastlabki o‘quv va amaliy izlanish malakalarining o‘sib borishiga ham yordam beradi. Seminar mashg‘ulotlari odatda o‘quv guruhi bilan vebinar shaklida o‘tkaziladi.
Seminar mashg‘ullotlari rejasini tuzishda tinglovchilarga ma’ruza kursining qismlariga oid metodologik va nazariy tomonlarni mumkin qadar to‘laroq o‘rganish ilmiy adabiyotlar bilan amalga oshiriladi.
Seminar mashg‘ulotlari rejasini tuzishda tinglovchilarga leksiya kursining qismlariga oid metadologik va nazariy tomonlarini mumkin qadar to‘laroq ochish, ilmiy adabiyotlar bilan mustaqil ishlay olishga o‘rgatishni asosiy maqsad qilib qo‘yish lozim. Har bir seminar mashg‘ulotining mazmuniga bevosita taalluqli bo‘lgan adabiyotlar ko‘rsatiladi.
Yuqoridagilardan kelib chiqib, o‘qituvchi tomonidan seminar materiallari uchun qisqa reja, tayanch iboralar va foydalaniladigan adabiyotlar ro‘yxati taqdim etiladi.
|
| |
