7
Matnli hujjatlardan maqsadli
foydalanish
Darsni boshlashdan avval
Quyidagilarni bilishingiz kerak:
• hujjatga matn kiritish;
• hujjatga tasvir joylash;
• hujjatdagi matnni formatlash, jumladan, shrift turi, oʻlchami va rangini oʻzgartirish;
• matnni tagiga chizilgan,
kursiv yoki
qalin koʻrinishga keltirish.
Kirish
Rasmiy koʻrinishdagi hujjatni yaratish muhim va oʻta foydali koʻnikmadir. Muvaffaqiyatli
matn stilini yaratish koʻnikmasini puxta egallash katta tajriba va koʻp mehnat talab
etadi. Masalan, hujjatning kerakli qismiga tasvirni joylash yoki boʻsh maydonlardan
maqsadli foydalanish bilim va tajribaga tayanadi. Rasmiy koʻrinishdagi hujjatni
muvaffaqiyatli yaratish orqali oʻqituvchingiz va kelajakda ish beruvchilarda ham katta
taassurot qoldirasiz. Demak, hujjatni tayyorlashda diqqatli boʻlishingiz, turli matn
stillari va tasvirlar orasidan munosibini tanlashingiz lozim. Tanlovingiz auditoriya,
shuningdek, hujjatning maqsadiga muvofiq boʻlsin.
Matn stili:
matnning tashqi
koʻrinishi, masalan,
shrift turi, oʻlchami,
rangi kabi
xususiyatlari.
Kalit so‘z
Formatlash: matn
va tasvirlarning
stilini oʻzgartirish.
Kalit so‘z
Matn stillarini sozlash va ulardan foydalanish
Hujjat yaratishda ba’zan bir xil formatlash buyruqlarini takroran sozlashga toʻgʻri
keladi. Deylik, har doim yangi sarlavha kiritganda shrift oʻlchami, turi va rangi
tanlangan sozlamalarga oʻzgartiriladi.
Istalgan yoki tanlangan sozlamalarni bir vaqtning oʻzida qoʻllaydigan matn stili (Text
style)ni yaratish haqiqatan ham juda foydali. Foydalanuvchilar odatda matnning
sarlavhasi va asosiy qismi uchun stil yaratadi. Bundan tashqari, matnning ta’kidlangan
qismlari, kichik sarlavhalari va boshqalarni qoʻshimcha tarzda qamrab olgan stil
yaratish mumkin.
