315
www.
kokanduni.uz
Raqamli iqtisodiyot atamasini 1995-yilda amerikalik Nikolas Negroponte asli dasturchi
bo’lgan inson amaliyotga kiritgan. Hozirga kelib esa bu terminni siyosatchi, journalist,
dasturchi deyarli hamma kasb egalari qo’llamoqda.
Taniqli sotsilog va olim Lyotard [6] IT texnologiyalarining rivojlanishi va bilimlarning
universal tarqalishi bozorda tovar sifatida bilim almashish imkonini berishini ta'kidladi. IT-
texnologiyalarni rivojlantirish raqamli iqtisodiyotni o'rnatish uchun hal qiluvchi omil sifatida
qaralmoqda. Ilg'or IT texnologiyalari tarmoqqa asoslangan ma'lumotlar bazalari kabi yangi
ommaviy axborot vositalarining paydo bo'lishiga olib keldi va kompyuter tarmoqlari va
Internetning rivojlanishi butun dunyodan ma'lumot va bilimlarni to'plashni osonlashtirdi.
Axborot yoki bilim intensivligi IT texnologiyalari yordamida axborot va bilimlarning
iqtisodiyotning ishlab chiqarish omillari sifatida ahamiyatini oshirdi [7].
Bizning mamlakatimizdagi har bir sohaga jumladan qishloq xo’jaligi, sanoat, maishiy
xizmatlar, ta’lim, sog’liqni saqlash, davlat xizmatlariga ham “raqamli iqtisodiyot” shiddat bilan
kirib kelmoqda. Shuning uchun ham, respublikamizning iqtisodiyotini yaxshilash maqsadida
hamda raqamli iqtisodiyotni tezroq olib kirish maqsadida hukumatimiz tomonidan bir qancha
qarorlar qabul qilinmoqda. Misol uchun, Oʻzbekiston Respublikasi Prezidenti tomonidan
2020-yilga “Ilm, ma’rifat va raqamli iqtisodiyotni rivojlantirish yili” [8], deb nom berilishi,
Prezidentimizning 2018-yil 19-fevraldagi PF-5349 sonli “Axborot texnologiyalari va
kommunikatsiyalari sohasini yanada rivojlantirish chora-tadbirlari toʻgʻrisida” [9]gi Farmoni
hamda “Oʻzbekiston Respublikasida raqamli iqtisodiyotni rivojlantirish chora-tadbirlari
toʻgʻrisida” [10]gi PQ-3832 03.07.2018 qarori, shuningdek, Vazirlar Mahkamasining 2018-yil
31-avgustdagi raqamli iqtisodiyotning maqsad va vazifalarini belgilab beradigan “Oʻzbekiston
Respublikasida raqamli iqtisodiyotni joriy qilish va yanada rivojlantirish boʻyicha qoʻshimcha
chora-tadbirlar toʻgʻrisida”gi Qarorlarining qabul qilinishi respublikamizda raqamli
iqtisodiyotni davlat boshqaruv tizimiga tadbiq qilish, zamonaviy axborot texnologiyalarni
jadal rivojlantirish uchun sharoitlar yaratish, axborot havfsizligini ta’minlash maqsadida
mamlakatimizda raqamli iqtisodiyotni rivojlantirish uchun qonuniy asos yaratdi [11].
