| Mavzuning dolzarbligi
O’zbekiston chigitli paxta tolasini ishlab chiqarish bo’yicha dunyoda oldingi besh mamlakat qatoridan o’rin egallagan.Tolani eksport qilishda Amerika qo’shma shtatlaridan keyin ikkinchi o’rinda turadi.
Yurtboshimiz tomonidan ishlab chiqilgan mamlakatni ijtimoiy-iqtisodiy rivojlantirish konsepsiyasiga asosan, O’zbekiston mustaqillikka erishganidan keyin ijtimoiy yo’naltirilgan bozor munosabatlariga o’tish, mamlakatimizda isloh etish va modernizatsiya qilish borasida salmoqli ishlar amalga oshirildi. Istiqlolimizning ilk yillaridayoq, birinchi Prezidentimiz yuksak demokratik talablarni hayotimizga to’liq joriy etish, fuqarolik jamiyati barpo qilish, farovon hayotga erishish bilan chambarchas bog’liq va uzluksiz davom etadigan jarayon ekanini ta‘kidlab, bunday darajaga ko’tarilish hech qachon osonlikcha kechmasligini uqtirib o’tgan edi.
Bugungi kunda paxtani qayta ishlash sanoatini doimiy rivojlantirib borish, bu sohaga eng yangi tehnologiyalarni jalb qilish muhim masala hisoblanadi, chunki shu orqali mahsulot sifatini yanada yaxshilab borish mumkin. Paxta xomashyosini tozalash texnologiyalarining yangi takomillashgan usullarini kashf qilish va ularni sanoatga tadbiq qilish bugungi kunning muxim masalalaridan biridir. Paxta sanoatiga zamonaviy texnologiyalarning jalb qilinishi birinchi navbatda, mahsulot sifatiga ta’sir etsa, ikkinchi navbatda elektr energiyasini tejashga imkoniyat yaratadi. Bu esa bevosita mahsulot raqobatbardoshliligiga ijobiy ta’sir ko’rsatadi.
| 