XAYOT FAOLIYATI XAVFSIZLIGI

Ishlab chiqarishda mehnat sharoitini yaxshilash hamda sog`lom va xavfsiz ish sharoitini tashkil etish birinchi navbatda mehnat muhofazasini yaxshilash bo`yicha rejali tadbirlar ishlab chiqish talab etadi. Bu rejali tadbirlar kasaba uyushmalari qo`mitasi bilan kelishilgan holda tuzilmog`i zarur va kerakli mablag`lar bilan ta`minlanishi lozim. Mehnat muhofazasini yaxshilash bo`yicha bajariladigan barcha ishlar bir yilga, besh yilga va kelajakka mo`ljallangan kompleks rejalar asosida amalga oshiriladi.

Mehnat muhofazasini yaxshilash bo`yicha tuziladigan bir yillik rejada ko`zda tutiladigan tadbirlar tashkilot ma’muriyati bilan kasaba uyushmasi qo`mitasi o`rtasida tuzilgan mehnat muhofazasi bo`yicha jaoma shartnomasida o`z ifodasini topadi. Jamoa shartnoma loyihasi yil boshida ishchilarning umumiy majlisida muhokamaga qo`yiladi va u ma`qullangach tashkilot ma`muriyati hamda Kasaba uyushmasi qo`mitasi tomonidan tasdiqlanadi.

Mehnat muhofazasini yaxshilash bo`yicha tuziladigan tadbirlar asosan quyidagi bo`limlarni o`z ichiga oladi:

A) ishlab chiqarishda baxtsiz hodisalarni oldini olish:

- barcha yangi qurilayotgan ob`ektlar mehnat muhofazasi va xavfsizlik texnikasi masalalarini qamrov olgan ishlab chiqarish ishlari loyihasi bilan ta`minlash;

- sodir bo`lgan baxtsiz hodisalarni yana takrorlanmasligi uchun ularni tahlil qilib berish;

- xavfsiz mehnat sharoitini ta`minlaydigan yangi moslama va va vositalar ishlab chiqarish.

B) ishlab chiqarishda kasallanishni oldini olish:

- ish joylarida va dam olish xonalarida normal mikroiqlim bo`lishini ta`minlash;

- ishchilar va xodimlarni ishga va ishdan avtobuslarda yoki shu maqsadlar uchun maxsus jihozlangan avtomobilardagina tashish;

- belgilangan ish turlari bo`yicha tibbiy ko`riklarni tashkil etish.

V) Mehnat sharoitlarini yaxshilash uchun:

- ishlab chiqarish madaniyatini yuksaltirish, ishlab chiqarishga yangi texnologiyalar va yangi texnikalarni joriy etish;

Xavfsizlik texnikasi holatini yaxshilashga yo`naltirilgan musobaqalar tashkil etish.

G) mehnat muhofazasi va xavfsizlik texnikasi bo`yicha o`qitish hamda boshqa targ`ibot ishlarini olib borish uchun:

- barcha ishchilar va injener- texnik xodimlarni xavfsizlik texnikasi bo`yicha o`qitishda, yo`riqnomalar berish va bilimlarini sinovdan o`tkazish;

- xavfsizlik texnikasi va favqulodda holatlarda hayot faoliyat xavfsizligi bo`yicha kabinetlar tashkil etish.

Mehnat muhofazasi va xavfsizlik texnikasi bo`yicha o`qitish

Engil avtomobil ishlab chiqarishda har bir faoliyat ko`rsatadigan ishchi va xodim o`ziga biriktirilgan ishni xavfsiz bajarish uchun chuqur bilimga ega bo`lishi zarur. Buning uchun esa ularni mehnat muhofazasi va xavfsizlik texnikasi bo`yicha malakali o`qitish talab etiladi.

Engil avtomobil ishlab chiqarish tsexida ishlab chiqarishdagi barcha ishchilar barcha ishlarning xarakteri va xavfsizlik darajasidan qat`iy nazar mehnat xavfsizligi bo`yicha o`qitilib, bilimlari tekshirilib ko`rilgandan so`ng ishga ruxsat etiladi. TSexdagi ishchilarni mehnat muhofazasi va xavfsizlik texnikasi bo`yicha o`qitish, ularga yo`riqnomalar o`tish orqali amalga oshiriladi.

Yo`riqnomalar asosan kirish yo`riqnomasi, ish joyidagi birlamchi yo`riqnomasi, navbatdagi yo`riqnoma, navbatdan tashqari yo`riqnoma, davriy yo`riqnomalariga bo`linadi. Ishchi xodimlarga bu hamma yo`riqnomalar o`tkazilib va yana kurs o`qishlari o`qitiladi, keyin esa xodimlarga guvohnoma beriladi.