|
-расм. Borland C++ дастурлаш тилида тажриба-синов таҳлили электрон дастури
|
| bet | 15/89 | | Sana | 02.03.2022 | | Hajmi | 2.05 Mb. | | #7812 |
1-расм. Borland C++ дастурлаш тилида тажриба-синов таҳлили электрон дастури
Дастурнинг функционал имкониятлари:
Педагогик илмий тадқиқотларда тажриба-синов ишлари натижаларини таҳлил қилиш;
Олий ўқув юртларида талабаларнинг рейтинг натижаларини таҳлил қилиш;
Жадваллардан ўқув журнали сифатида фойдаланиш;
Жадвалларни PDF ва Excel файлларида сақлаш ва печат қилиш;
Талабалар ўзлаштириш кўрсаткичларини статистик таҳлил қилиш, ўртача квадратик хатоликларини аниқлаш;
Стьюдентнинг танламали мезонини аниқлаш;
Мавжуд қоғозбозликни камайтириш;
Таҳлил натижаларининг юқори сифатли график тасвирларини автоматик ҳосил қилиш;
Масофавий таълимни қўллаб қувватлаш.
Ишлаб чиқилган электрон дастурининг жадвал маълумотларини MS Exel файлга ўтказиш имкониятидан фойдаланиб MS Excel дастурида ҳам тажриба-синов натижаларини таҳлил қиламиз (2-расм):
2-расм. MS Excel дастурида педагогик тажриба-синов натижалари таҳлили
Borland C++ дастурлаш тилида ишлаб чиқилган дастур ёрдамида педагогик илмий-тадқиқот олиб бораётган изланувчилар тажриба-синов ишларини таҳлилини ўтказишларида, олий ўқув юрти профессор-ўқитувчилари талабаларнинг жорий, оралиқ, якуний назорат натижаларини таҳлил қилишлари, берилган жадваллардан ўқув журнали сифатида ҳам фойдаланишлари мумкин.
Биз тажраба-синов натижаларини C++ дастурлаш тили ва MS Excel дастури ёрдамида таҳлил қилдик. Таҳлил натижалари шуни кўрсатдики, MS Excel дастурида математик ҳисоблашлар етарлича енгилликларга эга. Borland C++ дастурлаш тилида педагогик дастурий маҳсулот яратиш мукаммал педагогик, математик ва техник билимлар талаб қилади. Бироқ, Borland C++ дастурлаш тили MS Excel дастурига қараганда чексиз инновацион муҳитига эгалиги, юқори сифатли график имконияти мавжудлиги ҳамда объектга йўналтирилганлиги боис мукаммал педагогик дастурий маҳсулотлар яратилишини кафолатлайди. Дастурлаш тилларига ижодий ёндашилган ҳолда яратилган ҳар қандай педагогик дастурий маҳсулотлар таълим сифати ва самарадорлигини ошишига хизмат қилади.
|
| |
