CB-10 markali quritish barabanini tuzilishi

o’rnatilgan baraban (4)dan iborat. Paxta qiya o’rnatilgan shnek (3) yordamida quvvati 2,4 kVt li elektrdvigateli bilan aylantiriladi. Quritish barabani (4) qobiq (5) ichiga joylashgan. Quritilgan paxta baraban ichida radius bo’yicha joylashgan kurak (6)lar orqali teshik (7)dan chiqib yig’uvchi shnekka tushadi. Ishlatilgan quritish agenti truba (8) orqali tashqariga chiqadi. Quritish agenti sapfa (1) orqali o’tayotganda qisman atrofdagi havnoni tortib ketgani uchun baraban ichiga shnek (3) bilan kiritilayotgan paxtaning to’kilishiga yo’l qo’ymaydi va paxta havo oqimida oldinga suriladi. Baraban vali elektromotor (9) va reduktor bilan aylantiriladi. Bu quritgichda tola va chigitning ortiqcha qizish xavfi bo’lmagani uchun quritish agentining temperaturasi 280⁰S gacha ko’tarish mumkin. Barabanning qobig’i qalinligi 2 mm bo’lgan po’lat tunukadan yasalgan. Baraban ichida uzunligi bo’yicha chigitli paxtani ko’tarish va hamma joyiga bir xilda yoyish uchun 12 ta kuraklar joylashtirilgan. Issiqlikni bir xilda tarqatib yaxshiroq gidrodinamik sharoit yaratish uchun barabanning ko’ndalang kesimining har metrida balandligi 250 mm bo’lgan xalqalar o’rnatilgan. Baraban kamerasining boshlang’ich 3000 mmdan so’ng 6000 mm gacha to’xtatuvchi panjara o’rnatilgan, u 3 qatorli trubali qovurg’alardan yasalgan. Bu panjaraning vazifasi: chigitli paxtani quritish agenti bilan uchrashadigan bo’limda ko’proq saqlab turishdir.

2SB-10 quritish barabaning quyidagi bir qator kamchiliklari mavjud:

1. 
   Barabanning ko’ndalang kesimi bo’yicha yuzasi to’liq foydalanilmaydi, ya’ni ichki kuraklarini takomillashtirish kerak.
   
2. 
   Barabanda tolaning eshilishi sodir bo’ladi, bu esa tolaning sifat ko’rsatkichlariga salbiy ta’sir ko’rsatadi.
   
3. 
   Baraban boshidagi 1-2 metr masofa foydalanilmaydi, chunki havo katta tezlikda kelib chigitli paxtani uchirib ketadi.