|
modul. Algoritmlar nazariyasi. – Mavzu: algoritm va algoritmlar samaradorligini baholash. Reja
|
| bet | 2/8 | | Sana | 13.05.2024 | | Hajmi | 31,65 Kb. | | #229681 |
Bog'liq 1-ma\'ruzaAlgoritm samaradorligi.
(1)T: algoritm samarali deb ataladi agar real kirish ma’lumotlari uchun u tezkor amalga oshirilsa.
(2)T: algoritm samarali deb ataladi agar u sifatli bajarilishni “to‘liq qidirish”(полнiy перебор)ga nisbatan tezroq ta’minlasa.
"To‘liq qidirish" usuliga qaraganda ancha yaxshi ishlashni ta’minlaydigan algoritmlar, deyarli har doim qimmatli evristik g‘oyani o‘z ichiga oladi, buning natijasida ushbu yaxshilanishga erishiladi; Bundan tashqari, ular ko‘rib chiqilayotgan masalaning ichki tuzilishi va hisoblash qobiliyati haqida foydali ma’lumotlarni taqdim etadilar.
Polinomial vaqt samaradorlik ko‘rsatkichi sifatida
Tabiiy kombinatorial masalalarda qidirish vaqti, kirish ma’lumotlari N hajmiga nisbatan eksponensional o‘sishga moyildir; agar o‘lcham bittaga ko‘paysa, unda imkoniyatlar xajmi bir necha marta ko‘payadi. Bunday masalalarni yechish uchun yaxshi algoritm yanada samarali miqyoslash modeliga ega bo‘lishi kerak; kirish ma’lumotlarining kattalashib borishi bilan o‘zgarmas ko‘paytuvchiga(aytaylik, ikki baravar) oshishi bilan algoritmning bajarilish vaqti ham qandaydir o‘zgarmas S ko‘paytuvchiga ko‘payishi kerak.
Matematik nuqtai nazardan ushbu masshtablash modelini quyidagicha shakllantirish mumkin. Aytaylik, algoritm quyidagi xususiyatga ega: c> 0 va d> 0 absolyut konstantalar mavjudki, har qanday N xajmli kirish ma’lumotlari to‘plami uchun, bajarilish vaqti cN^d sondagi eng sodda operatsiyalar soni bilan chegaralanadi. Boshqacha qilib aytganda, bajarilish vaqti N^d ga proportsionallikdan ko‘p emas. Qanday bo‘lmasin, ba’zi bir c va d lar uchun bajarilish vaqti ushbu chegaradan oshmaganda, algoritm polinomial bajarilish vaqtini ta’minlaydi deymiz yoki u polinomial vaqtga ega bo‘lgan algoritmlar toifasiga kiradi. polinomial vaqtga ega har qanday chegara yuqoridagi masshtablashga ega bo‘ladi.
(3)T: Agar algoritm polinomial bajarilish vaqtiga ega bo‘lsa, u samarali deb ataladi.
Lekin, polinomial vaqt d ning katta qiymatlarida yaxshi natija bermasligi mumkin, masalan d>=100 holatda bu son juda katta bo‘ladi, natijada polinomial bajarilish vaqti kattalashib ketadi. Algoritm ishlayveradi. Bu xolda N^d faqat chegara vazifasini o‘taydi.
Polinomial vaqtga ega bo‘lgan algoritmlar mavjud bo‘lgan masalalar uchun bu algoritmlar deyarli har doim n, n*log n, n^2 yoki n^3 kabi o‘rtacha o‘sish sur’ati bilan ko‘paytuvchilarga mutanosib ravishda ishlaydi. Va aksincha, Polinomial vaqtga ega bo‘lmagan algoritmli masalalar uchun bajarilish vaqti juda ham kattalashib ketadi, uni baholash noma’lum bo‘ladi, odatda bunday masalalarni yechish juda murakkab bo‘lib chiqadi. Umuman olganda, bunday baholashlar ba’zi masalalarda darajaning yoki koeffitsientlarning kattaligi sababli yaxshi natija bermaydi, algoritm yaxshi bo‘lsa ham. Ajablanarlisi shuki, aksariyat hollarda polinomial vaqtni matematik aniqlash algoritmlarning samaradorligi va real hayotdagi masalalarni hal qilish bo‘yicha kuzatishlarimiz bilan mos keladi. Bunday masalalarni polinomial yechish mumkin bo‘lgan masalalar deyiladi. Demak, 3-ta’rifni ma’lum ma’noda talabga javob beruvchi ta’rif desak boladi. U xolda Polinomial vaqtga ega bo‘lmagan algoritmlarni qayta ko‘rib chiqish kerak.
Polinomial vaqtga ega bo‘lgan algoritmlarni ishlab chiqish nima ucgun zarurligini quyidagi jadval ma’lumotlarini tahlil qilib bilish mumkin.
|
| |
