3. Hesablaşma və ödəniş qaydaları
3.1 İstifadə olunan qaz enerjisinin miqdarı giriş xəttində quraşdırılmış ______________ markalı ________________ saylı sayğacın göstəricisinə əsasən müəyyən edilir. Qaz sayğacının quraşdırıldığı yer _______________________________
3.2. Qaz enerjisinə görə hesablaşmada qaz enerjisi itkiləri nəzərə alınmır və ona görə ödəniş tutulmur.
3.3. Qaz enerjisinə görə hesablaşmalar məişət abonenti istehlakçı qrupu üçün təyin edilmiş 1 m3 qaz enerjisinə görə __________ tarif üzrə aparılır. Tarif qiymətləri tənzimləndikdə bu nəzərə alınır.
3.4. “İstehlakçı”nın təqsiri olmadan uçot müvəqqəti pozulduqda, hesabat “Təchizatçı” və “İstehlakçı”nın razılığına əsasən uçot pozulana qədər və ya uçot bərpa edildikdən sonrakı dövrün sayğac göstəricilərinə görə orta gündəlik sərfinə uyğun aparılır. Belə hesablaşma dövrü 1 aydan artıq olmamalıdır və sayğacın normal işi “Təchizatçı” tərəfindən bərpa olunmalıdır.
3.5. “İstehlakçı”nın təqsirindən ölçü cihazı qəsdən sıradan çıxarıldıqda, plomba müdaxilə edildikdə və ya sayğacdan kənar xətt aşkar olunduqda qaz təchizatı dayandırılır, nöqsanlar aradan qaldırılır, qanunsuz istifadə olunan qazın miqdarı sayğacın sonuncu göstəricisi qeydiyyata alındığı gündən aşkar olunan günə qədər qaz cihazları üzrə sərfiyyat normalarına uyğun hesablanır, hesablanmış məbləğ ödənildikdən sonra təchizat dərhal bərpa olunur.
3.6. “Təchizatçı”nın təqsirindən “İstehlakçı”ya ziyan dəymişdirsə (qaz cihazlarının zədələnərək yararsız hala düşməsi, xidmətin göstərilməməsi, sağlamlığa və əmlaka zərər vurulması və s.) “Təchizatçı” Azərbaycan Respublikasının Mülki Məcəlləsinə uyğun olaraq “İstehlakçı” qarşısında maddi məsuliyyət daşıyır.
Qeyd: “Təchizatçı” dəymiş ziyan haqqında “İstehlakçı”dan daxil olmuş müraciətə 10 gündən gec olmayaraq baxır və qanunvericiliyə uyğun olaraq “İstehlakçı”ya ödəniş ödəyir.
| 