187
qo‘llanilishiga imkon bermaydi. Buning uchun ma’lumotlarning
simsiz keng polosali uzatish WiMAX texnologiyasi mavjud. ZigBee-
qurilmalarni asosiy qo‘llanilishi sohasi monitoring, xavfsizlik, tibbiyot
apparaturalari holatini nazorat qilish tizimlari va boshqalar
hisoblanadi. ZigBee kontrollerlarli xabarlagichlar yirik tashkilotlarda
texnik qo‘llab-quvvatlash xizmatlarining ishini soddalashtirishi
mumkin. Bu holda shtatdan tashqari vaziyat yuz berganida
muhandislarga yaroqsizlikning sababini aniqlash uchun sensorlarni,
masalan, noutbuk yoki cho‘ntak kompyuteri yordamida tekshirishni
tez amalga oshirish etarli bo‘ladi. Shu bilan birga simsiz aloqa va
avtonom ta’minot manbalarini qo‘llanilishi himoya tizimlari va
monitoring qilish komplekslarining ishonchliligini oshiradi, chunki
jinoyatchi bitta kuch kabelini uzish bilan butun simsiz aloqa
tarmog‘ini ishdan chiqara olmaydi.
Shuningdek, ZigBee aloqa “raqamli uyning” ajralmas qismi
bo‘lishi ko‘zda tutilmoqda. Binobarin, ZigBee kontrollerlarini nafaqat
xavfsizlik va signalizatsiya tizimlari xabarlagichlari, balki maishiy
texnika,
shu
jumladan
konditsionerlar,
videomagnitofonlar,
televizorlar va hatto oddiy yoritish o‘chirgichlari oladi. Bu
unifikatsiyalangan masofadan boshqarish pulti yoki mobil telefon
yordamida barcha asboblarning ishlashini nazorat qilishga imkon
beradi.
Bundan tashqari, ZigBee-kontrollerlar aloqa kanallarining
o‘tkazish qobiliyatlariga yuqori talablarni qo‘ymaydigan turli
kompyuter qurilmalariga o‘rnatilishi mumkin. Ular, masalan,
joystiklar, sichqonchalar va boshqalar bo‘lishi mumkin. Tibbiyot
sohasida ZigBee simsiz aloqa operatsiyalarni o‘tkazgan bemorlar yoki
og‘ir ahvolda bo‘lgan insonlar holatini kuzatib borishga yordam
beradi. Simli xabarlagichlar o‘rniga bemorlarning qo‘llariga bosim,
harorat, yurak qisqarishlari chastotalari sensorlarli elektron braslet
taqilishi va kerakli davriylikda olinadigan ko‘rsatishlar markaziy
serverga tashlanishi mumkin, u xavf tug‘ilganida palata va joy nomeri
ko‘rsatiladigan ogoxlantirish signalini berishi mumkin.
Tabiiyki, ZigBee-qurilmalar uchun boshqa ko‘plab qo‘llanilish
sohalari ham topiladi. Istiqbolda ZigBee simsiz tarmoqlari Bluetooth
texnologiyasiga jiddiy raqobatni hosil qilishi kerak. 5.2- jadvalda
ZigBee aloqaning asosiy texnik parametrlari keltirilgan.