| Ümumdünya səhiyyə təşkilatı (ÜST). Bu təşkilat 1948-ci ildə BMT-nin İqtisadi və sosial şurasının təşəbbüsü ilə yaradılmışdır. O, BMT-nin ixtisaslaşdırılmış müəssisəsidir. ÜST- in Nizamnaməsinə görə onun məqsədi bütün xalqların ən yüksək sağlamlıq səviyyəsinə nail olmaqdır (sağlamlıq dedikdə tam fıziki, mənəvi və sosial rifahın məcmusu başa düşülür). ÜST-in üzvləri 180-dən çox dövlətlərdir.
ÜST-in məşğul olduğu bir sıra problemlər içərisində səhiyyə xidmətinin inkişafı, xəstəliyin profılaktikası və onunla mübarizə, səhiyyə üzrə geniş kadr ehtiyatının yaradılması, ətraf mühitin sağlamlaşdırılması mühüm yer tutur. Aydındır ki, ÜST-in bir çox problemləri standartlaşdırma ilə bağlıdır. Bu məsələlərlə təşkilatın sağlamlıq və ətraf mühitin mühafızəsi bölməsi, farmakologiya və toksikologiya bölməsi və digər bölmələri məşğul oiur.
ÜST İSO-da məsləhətçi statusuna malikdir və İSO- nun 40-dan çox texniki komitələrinin işində iştirak edir. Məsələn, ÜST içməli su kəməri üçün boruların standartlaşdırılmasında, bu borular üçün istifadə edilən plastık kütlələrin tədqiqində və onlara tələblərin müəyyənləşdirilməsində iştirak etmişdir.
Ərzaq mallarına standartların işlənib hazırlanması üzrə “Kodeks Alimentaris” komissiyası. Bu komissiya FAO və ÜST tərəfindən ərzaq mallarına beynəlxalq standartların yaradılması üzrə birgə proqramın həyata keçirilməsi üçün təşkil edilmişdir. Komissiya öz işində FAO komitələri tərəfindən qəbul edilmiş tövsiyələrə əsaslanır. Onun vəzifəsi standartların layihələrinin hazırlanması üzrə işləri koordinasiya etməkdir. FAO/ÜST birgə proqramının realizə edilməsində 130-dan çox ölkələr - üzvlər iştirak edir.
Komissiya hesab edir ki, onun əsas vəzifələrindən biri yeyinti məhsulları üzrə standartların yaradılması və bu standartların milli standartlaşdırma sistemlərində qəbul edilməsi üçün beynəlxalq sazişin bağlanmasına kömək eməkdir.
|
