|
Nаmаngаn dаvlаt universiteti ilmiy- tаdqiqot vа ilmiy- pedаgogikBog'liq NamDU Ilmiy jurnali Axborot xati 2024
Kirish
Zamonaviy ta’lim muassasalarida barcha sohalarda bo‘lgani kabi sifat
masalasi birinchi o‘ringa ko‘tarilmoqda. Abiturientlarni oliy ta’limga jalb etish
maqsadidagi kurash muassasalar o‘rtasida ta’lim sifatiga katta e'tibor talab
qilmoqda. Oliy ta’lim muassasalari ta’lim sifatiga etirish bo‘yicha jahon tajribasi
va amaliyoti bo‘yicha o‘zlarining yangi yo‘nalishlarini joriy etmoqdalar. Sifatni
ta'minlashning asosiy yo‘nalishlari, mezonlari hamda oliy ta’limda ta’lim sifatini
ta'minlashning chora-tadbirlari olib borilmoqda. Zero, mamlakatning oliy ta’lim
muassasalari sifatini ta’minlash va yaxshilash nafaqat uning ijtimoiy va iqtisodiy
farovonligining kaliti, balki uning xalqaro miqyosdagi mavqeiga ta’sir qiluvchi hal
qiluvchi omil ham bo‘lmoqda.
Adabiyotlar tahlili
Oliy ta’lim tizimida ta’limning sifat bosqichiga ko‘tarilishi bo‘yicha
dunyodagi yetakchi olimlar o‘tgan asrning 70-yillaridan boshlab o‘z izlanishlarini
olib borishgan. Ushbu izlanishlar asosan ta’lim jarayonining ijtimoiy ehtiyojlarini
o‘rganishga qaratilgan bo‘lib, rus olimlaridan F.R.Filippov, M.N.Rutkevich,
V.L.Livovskiy va G.F.Kusevlar tomonidan tadqiqotlar olib borilgan. Xususan,
AQSH olimi Richard I.M. “The Quality Movements in Higher Education in the
United States” (1996) maqolasida Amerika Qo‘shma Shtatlari oliy ta’lim
muassasalarida sifatning harakatlanishi bo‘yicha o‘z fikrlarini bayon etgan.
Rossiyalik olima Yegorova Y.A. “(2008) maqolasida oliy ta’limning sifati
muammolarini yuzaga kelishi sabalari va omillarini tadqiq etgan hamda xulosalar
bergan. Bangladeshlik olim Naureen Rahnuma “Evolution of quality culture in an
HEI: critical insights from university staff in Bangladesh” (2020) o‘z ilmiy
qarashlarini sifat masalasining yangi bosqichini bayon etish orqali aks ettirgan
bo‘lib, Bangladesh oliy ta’lim muassasalarida ta’lim sifatini kafolatlash va sifat
madaniyatini rivojlantirish bo‘yicha tadqiqotlar olib borgan.
|
| |
