| Nukleoproteinlar. Ular murakkab oqsillarning biologik jihatdan eng muhimi hisoblanadi. Nukleoproteinlar hayotning uzluksizligini ta’minlaydi. Ular barcha hujayralarda yadro va sitoplazmaning ajralmas qismini tashkil etadi. Ba’zi nukleoproteinlar tabiatda maxsus zarrachalar (viruslar) holida uchrab, organizmlarda turli kasalliklar keltirib chiqarish xususiyatiga ega. Prostetik gruppasining xarakteriga qarab nukleoproteinlar ikkiga: dezoksiribonukleoproteinlar (DNP) va ribonukleoproteinlar (RNP) ga bo’linadi.
Nukleoproteinlar tarkibida oqsil va NK miqdori 30-60% atrofida almashib turishi mumkin. Faqat viruslarda NK lar miqdori nisbatan ka bo’lib, 15% ni tashkil etadi. Bunday nukleoproteinlarda NK faqat bitta molekuladan iborat bo’ladi. Oqsillar esa yuzlab, minglab kichik bo’lakchalardan tashkil topadi. Masalan, tamaki mozaikasi virusi yuqorida ko’rsatilganidek, bir molekula RNK (N-2mln) va 2130 ta (M-18000) oqsil kichik bo’lakchasidan iboratdir.
|
