9
Kirish
Zamonaviy
iqtisodiyot murakkab, dinamik o‗zgaruvchan ijtimoiy-iqtisodiy
tizim bo‗lib, uni muvaffaqiyatli boshqarish uchun bozor tamoyillariga asoslangan
mexanizm kerak bo‗ladi. Bunday mexanizmni tuzish
va uni samarali faoliyatini
tashkil etish uchun uning barcha elementlarini imkoniyatlari va chegaralarini, ular
o‗rtasidagi mavjud ijtimoiy-iqtisodiy aloqalarni aniq ifodalash zarur.
Bozor iqtisodiyoti sharoiti uning har bir ishtirokchisiga o‗zlarining mavjud
imkoniyatlaridan to‗liq foydalanish imkoniyatlarini beradi.
Bunday imkoniyatlarni
aniqlash va ulardan to‗liq foydalanish uchun bozor mexanizmi, uning qonuniyatlarini
yaxshi bilish va ulardan amalda foydalanish muhim hisoblanadi. Bozorning turli
sharoitlarida faoliyat olib boruvchi ishlab chiqaruvchilar va iste‘molchilar o‗rtasidagi
munosabatni, ularning turli xatti-harakatlarini ifodalovchi modellar bilan tanishish va
o‗zaro manfaatli, muvozanatga olib keluvchi shartlarni
aniqlash va tekshirish
natijasida manfaatli qarorlar qabul qilish murakkabdir.
―Iqtisodiy sistemologiya‖ fanini o‗qitishdan maqsad – magistrlarga iqtisodiy
sistemologiya bo‗yicha nazariy bilim, amaliy ko‗nikmalar va malakani shakllantirish,
talabalarni bozor iqtisodyotining asosiy qonunlari,
iqtisodiyotining tuzilishi, uni
tashkil qiluvchilarni va ularning o‗z maqsadlariga erishishdagi xatti-harakatlarini
iqtisodiy-matematik, ekonometrik usullar va modellar yordamida har tomonlama
o‗rgangan holda samarali natijalarga erishish yo‗llarini belgilab berishni o‗rgatishdir.
Fanning vazifasi - magistrantlarga iqtisodiy
sistemologiyaning nazariy-
metodologik asoslarini hamda jahon amaliyotini O‗zbekiston iqtisodiyotini tizimli
tahlil qilish, prognozlash va strategik rivojlanishida qo‗llashni, iqtisodiy tahlilda
matematik usullar va kompyuter texnologiyasidan
amaliyotda foydalanishni
o‗rgatishdir.
Fanning ishlab chiqarishdagi o‗rni uning doirasida olingan bilimlar va amaliy
ko‗nikmalar iqtisodiy tizimni sistemologik qarash yondashuvi asosida tahlil qilish,
modellashtirish, prognozlash va strategik rivojlantirish bilan bog‗liq professional
faoliyatda bevosita qo‗llanilishi bilan belgilanadi.
