Bobning qisqacha mazmuni
Psixodiagnostik tajribalarga qo’yiladigan asosiy talablar. Tajriba o’tkazish davomida rioya qilish kerak bo’lgan talablar.
Tajriba jarayonini standartlashtirish va statistik normalar. Eksperimentni o’tkazish. instruksiya (yo’riqnoma). testlashtirish jarayonining tasviri. Test vazifalarining qo’llanilish tiplari.
Ma’lumotlarni to’plash bosqichi va psixodiognostik vaziyatlar klassifikasiyasi. Vaziyatli o’zgaruvchanlar. Tadqiqot vazifasining o’zgaruvchan maqsadlari. Tadqiqotchi va sinaluvchining o’zgaruvchanligi.
Interpretasiya va qayta ishlash bosqichi. P.Mil va uning bu boradagi qarashlari.
Ishonchlilik. Metodning obyektivligi. Test misollarining bir xilligi. Tekshirilayotgan shaxs xususiyatlarining muvozanatlashganliligi.
Validlik. Konstruktiv validlik. Kriterial validlik. Prognostik validlik.
7.1. Psixodiagnostik tajribalarga qo’yiladigan asosiy talablar
Tajriba o’tkazish davomida rioya qilish kerak bo’lgan talablar qatoriga quyidagilarni kiritish mumkin:
sinaluvchilarga ko’rsatmalarni yozma ravishda bir xil tarzda ma’lum qilmoqlik, og’zaki shaklda berilgan taqdirda esa, aynan, o’sha so’zlar yordamida bir xil tarzda eshittirilishi;
biror sinaluvchiga boshqalarga nisbatan hyech qanday imkoniyat yaratmaslik;
eksperiment davomida ayrim sinaluvchilar uchun qo’shimcha tushuntirilishlar berilmaslik;
turli guruhlar bilan bo’ladigan eksperimentning doimo imkon darajasida bir xil vaqt va sharoitda o’tkazilishi;
barcha sinaluvchilar uchun topshiriqlarni bajarish vaqtining bir xil belgilanishi va hokazo;
Shunga qaramasdan odatda, metodika mualliflari, qo’shimcha ravishda uning o’tkazilish jarayoni haqida aniq ko’rsatmalar beradilar.
