46
Bolalar badminton o‘ynashmoqda. Birdan shamol badminton to‘pi (volan)ni ko‘tarib,
daraxt shoxlariga ilib qo‘ydi. Volanni olish bolalar uchun qiyin vazifa hisoblanadi.
Muammoni bir necha usul bilan hal qilish mumkin. Usullarning har biri o‘zining ijobiy va
salbiy tomonlariga ega.
Masalan, Siz daraxtga chiqishingiz mumkin. Ammo bu juda xavfli mashg‘ulot: daraxtning
shoxlari qanchalik baland bo‘lsa, shunchalik ingichka bo‘ladi. Yiqilish ehtimoli katta.
Ikkinchi usul, Siz daraxtni kesishingiz mumkin. Ammo, muammoni hal qilishning bu usulini
hali hech kim sinab ko‘rmagan. Agar hamma muammoni hal qilishning ushbu usulini
tanlaganida, unda hozirda bitta ham daraxt qolmagan bo‘lar edi. Uchinchi usul, Siz yana
shamol bo‘lib, volan o‘z-o‘zidan tushishini kutishingiz mumkin, lekin bunga qancha vaqt
ketishini aniq ayta olmaymiz. Ko‘pchilik volanni tosh bilan urib tushirishga harakat
qilishadi. Shuning uchun biz ushbu xatti-harakatlar modelini tanlaymiz. Bundan tashqari,
biz jism harakati qonunlarini bilamiz.
Model yaratish maqsadi: Ufqqa burchak ostida uloqtirilgan jismning harakatini
o‘rganish. Otish tezligi va burchagining boshlang‘ich qiymatlarini aniq tanlasak, shunda
otilgan jism nishonga tegadi.
