|
Qurilish materiallari buyumllari energiya resurs tejamkor va ekologik toza texnologiya
|
| Sana | 16.05.2022 | | Hajmi | 16.97 Kb. | | #21206 |
Bog'liq QURILISH MATERIALLARI BUYUMLLARI ENERGIYA RESURS TEJAMKOR VA EKOLOGIK TOZA TEXNOLOGIYA Презентация12, Навбатчилик 2020 02, d71cdd64-96d7-400c-a1a3-e0b20ff585f8 (2), 1710303685
QURILISH MATERIALLARI BUYUMLLARI ENERGIYA RESURS TEJAMKOR VA EKOLOGIK TOZA TEXNOLOGIYA
REJA
1O‘zbekiston iqtisodiyotining energiya balansi
2. QURILISH MATERIALLARI BUYUMLARI TEXNOLOGIYA
O‘zbekiston iqtisodiyotining energiya balansi(birlamchi energoresurs iste’moli bo‘yicha) quyidagicha: tabiiy gaz 88,3%; neft maxsulotlari 8,6%; toshko‘mir 2,0%; gidroenergiya 1,1%. Tabiiy gaz quyidagicha iste’mol qilinadi: aholi 33,8%; elektroenergetika 26,0%; neft-gaz tarmog‘i 22,5%; kimyo sanoati 12,7%; metallurgiya 0,9%; boshqa iste’molchilar 4,1%. O‘zbekiston Respublikasida energiya tejamkorlik bo‘yicha huquq asoslari quyidagicha: - “Energiyani ratsional ishlatish to‘g‘risida”gi O‘zR qonuni, 1997 y.; - “O‘zR energetikasida iqtisodiy reformalarni chuqurlashtirish” to‘g‘risidagi Prezident qarori, 2001 y.; - “Yonilg‘i-energetik resurslarni iqtisodi bo‘yicha komissiyani tasdiqlash to‘g‘risida”gi O‘zR Vazirlar Mahkamasining № 518-sonli qarori, 2003 y.; - “Yonilg‘i-energetik resurslar iste’molchilarini energetik tekshirish va ekspertizadan o‘tkazish” to‘g‘risidagi O‘zR Vazirlar maxkamasining № 164-sonli qarori, 2006 y.; - “Energetik tekshiruv va ekspertiza o‘tkazish bo‘yicha faoliyatni litsenziyalash nizomini tasdiqlash” to‘g‘risidagi O‘zR Vazirlar Maxkamasining № 504-sonli qarori, 2003 y.; - “2009-2015 yillar mobaynida Respublikada issiqlik ta’minoti tizimini reformalash, modernizatsiya dasturi va issiqlik ta’minoti tizimini rivojlantirish konsepsiyasini ishlab chiqish tadbirlari” to‘g‘risidagi O‘zR Vazirlar Mahkamasining № 13-sonli qarori, 2009 y.; - “Elektr va issiqlik energiyasidan foydalanish qoidalarini tasdiqlash” to‘g‘risidagi O‘zR Vazirlar Maxkamasining № 245-sonli Qarori, 2009 y.; - “Elektr energiyasini hisobga olish va iste’molini nazorat qilish tizimini mukammallashtirish bo‘yicha qo‘shimcha tadbirlar” to‘g‘risidagi O‘zR Vazirlar Mahkamasining № 150-sonli Qarori, 2009 y. - O‘zbekistonda birlamchi energiyaning iste’moli strukturasi: Energosistema va sanoat – 35,0%; Kommunal sektor va aholi iste’moli – 49,2%; Transport – 9,0%; Qishloq xo‘jaligi – 6,0%; Qurilish – 0,8%. Energiya tejamkorlik siyosatining jihatlari: iqtisodiy, tashkiliy, me’yoriy-huquqiy, texnik, informatsion. Energiya samaradorlikda asosiy mezon sifatida qurilish materiallari va buyumlarini binolar qurilishida ishlatilishini belgilash mumkin. Ushbu muammoning asosiy yechimlaridan biri issiqlik izolatsiyasi materiallarini mukammallashtirish, fizik-mexanik, issiqlik-fizik va ekspluatatsiya xossalarini keskin yaxshilash, yangi turlarini ishlab chiqarish talab etiladi. Qurilish materiallari ishlab chiqarishda kam energiya sarflash muammosi yechimi ham energiyani tejashning asosiy omili hisoblanadi. Global muammoning yechimida bo‘lajak arxitektor va quruvchilarni talabalik davridan e’tiboran energiya samarador loyihalar yaratishga yo‘naltirish yaxshi natijalar beradi. Binolar qurilishida va eskilarini qayta qurishda energoaudit institutini kiritish davr talabiga aylandi Materiallarning kimyoviy tarkibi elementlar va oksidlardan iborat bo‘lib, o‘zaro minerallarga birikkan bo‘ladi. Ularning mineral tarkibi qanday minerallardan qancha miqdorda tashkil topganini bildiradi. Materiallarning mineral tarkibi ularning ishlatilish sohalarini belgilaydi. Materiallarning fazaviy tarkibi qattiq, suyuq va gazsimon holatda bo‘lib, ular muayyan shaklda ushlab turuvchi, devorlar hosil qiluvchi (karkas) qattiq fazalar, devorlar orasida hosil bo‘lgan g‘ovaklar ichidagi suvdan, havodan yoki suv-havo aralashmasidan iborat bo‘lishi mumkin. Material strukturasi molekular-ion, nanostruktura, mikrostruktura va makrostruktura darajasida o‘rganilishi mumkin. Molekular-ion darajasi materiallarning element, oksid, mineral, oligomer, polimer va boshqa kimyoviy moddalardan hosil bo‘lishini belgilaydi Nanotexnologiya obyektlari quyidagicha bo‘lishi mumkin: - Nanozarrachalar, nanokukunlar (xarakterli uch o‘lchamli 100 nm gacha diapazonda bo‘ladigan obyektlar); - Nanotrubkalar, nanotolalar (xarakterli ikki o‘lchamli 100 nm gacha diapazonda bo‘ladigan obyektlar); - Nanoplyonkalar (xarakterli ikki o‘lchamli 100 nm gacha diapazonda bo‘ladigan obyektlar). Nanotexnologiya amaliy jihatdan atom, molekula va zarrachalarni manipulatsiyalab komponent va materiallarni olish imkoniyatini yaratadi. Ammo nanotexnologiyaning rivojlanishi boshlang‘ich bosqichda bo‘lib, bu sohada ko‘plab kashfiyotlar bo‘lishi kutilmoqda. Yuqori texnologiya hisoblanadigan nanotexnologiya qurilish materialshunosligi sohasida polimer dispersiyalari, polimer va metal- 9 lopolimer kompozitlari, sement, gultuproq, polimineral bog‘lovchilar va ular asosidagi kompozitsion materiallar olishda foydalanilishi mumkin. Texnologik jarayonlar natijasida nanostruktura darajasida materiallar tayyorlash ularning barcha xossalarini, jumladan issiqlikfizik xossalarini keskin yaxshilaydi, energiya samarador materiallar va energiya tejamkor texnologiyalarni barpo etishda asqotadi. Kompozitsion qurilish materiallari (KMQ) yaratilishi va tadqiq etilishida polistruktura nazariyasi muhim rol o‘ynaydi. KMQ polistruktura nazariyasi professor V.I.Solomatov (Rossiya) va u yaratgan ilmiy maktablar tomonidan asos solingan va rivojlantirilmoqda. Ushbu nazariya KMQ (betonlar, qorishmalar, mastikalar va sh.q.) to‘ldirilgan kompozitsiyalarni “strukturada struktura” prinsipi bo‘yicha o‘rganadi. Bu sohada materiallar polistrukturasining shakllanishini tartibli dissepativ tizimlar darajasida fizik-kimyoviy, termodinamik va topologik konsepsiyalarni struktura hosil qiluvchi va vaqtinchalik omillarni e’tiborga olgan holda, miqdoriy bog‘lanishlar olingan. Polistruktura nazariyasi asosida KQM tayyorlashning bo‘lak (razdelnaya) texnologiyasi prinsiplari asoslab berilgan. Bo‘lak texnologiya resurs va energiyani tejash sohasida keskin o‘zgarishlarga olib keladi. Polidispers KQM intensiv bo‘lak texnologiya usulida tayyorlanganda, masalan, og‘ir va yengil betonlar olishda ularni dispers to‘ldirgichlar bilan to‘ldirish, modifikator va qotishini tezlashtiruvchi qo‘shimchalar qo‘shish hisobidan portlandsementni 60-70%, ya’ni resurs va energiyani tejash imkoniyatini beradi. Bo‘lak texnologiya asosida yuqori samarali issiqlik izolatsiyasi materiallari, o‘ta yengil va karkas strukturali buyumlar tayyorlash imkoniyati hosil bo‘ldi. Polistruktura nazariyasini tasniflash omili yoki uslubiyot deb qaramaslik kerak. U qurilish materiallari strukturasi, xossalari va texnologiyalarini tizimli boshqarish va shakllantirish omili hisoblanadi. Polistruktura nazariyasi ramkasida har bir struktura darajasi uchun strukturalanish omillari aniqlangan va ularni kompozitlarning xossalari uchun taalluqli miqdoriy bog‘lanishlar belgilangan. Strukturalanish omillarining gradatsiyasi struktura darajasiga nisbatan qaralishi nazariyasining asosiy qirralaridan biri hisoblanadi. Alohida strukturalarni shakllantirish va ularni optimallashtirish kompozitsion materiallarning texnologiyasini aniqlab beradi.
|
| |
