Raqamli iqtisodiyotda blokcheyn texnologiyalaridan foydalanish samaradorligi ismatov umid

“Рақамли Ўзбекистон - 2030” стратегияси ва Ўзбекистон Республикаси Президентининг 2020 йил 3 августдаги ПҚ-4796-сонли “Ўзбекистон Республикаси миллий статистика тизимини янада такомиллаштириш ва ривожлантириш чора- тадбирлари тўғрисида”ги қарорда юқорида кўрсатиб ўтилган асосий масалалар билан бир қаторда рақамли иқтисодиётни ривожлантириш кўрсаткичларини ишлаб чиқиш вазифаси ҳам белгилаб берилган. Қайд этиш жоизки, айнан рақамли иктисодиёт ривожланишига оид миллий индикаторлар мажмуасининг яратилиши учун меъёрий-ҳуқуқий асос мавжудлиги ҳам кўрсаткичлар тизими ишлаб чиқишга пойдевор бўлди.

Ўзбекистонда рақамли иқтисодиёт ривожланишининг асосий йўналишлари. “Рақамли Ўзбекистон – 2030” стратегияси доирасида Ўзбекистон Республикаси ижтимоий-иқтисодий тараққиётининг барқарорлигини таъминлаш, жаҳон тажрибасига суянган ҳолда миллий иқтисодиётни жадал суръатларда рақамлаштириш учун қуйидаги ишларни бажариш лозимлиги кўрсатиб ўтилган: ➢ рақамли иқтисодиётни ривожлантиришнинг меъёрий-ҳуқуқий базасини шакллантириш; ➢ миллий иқтисодиётнинг барча тармоқ ва соҳаларини модернизациялашда имкон қадар энг сўнгги рақамли технологияларни жорий этиш; ➢ энг сўнгги рақамли технологияларга асосланган коммуникацион воситалар, машина ва ускуналарни сотиб олиш, ўрнатиш ва маҳаллий кадрларнинг уларда ишлаш малакаларини ошириш; ➢ мактабгача таълим тизимидан бошлаб, то олий таълимдан кейинги таълим тизимигача рақамли иқтисодиётни ривожлантиришга қаратилган кадрлар сиёсатини ишлаб чиқиш ва юритиш.