149
22-MAVZU: AXBOROTLARNI HIMOYA QILISH
DASTURLARI (2-QISM)
Reja:
1. Asigra Cloud Backub platformasi.
2. Carbonite dasturi haqida.
3. Clumio ilovasi.
4. Dell EMC va Infrascale platformalari haqida ma’lumot.
Kalit so‘zlar: Asigra Cloud Backub, Carbonite, SaaS, Clumio, CloudTrail
oqimi, Dell Technologies, Dell EMC, Infrascale, Cloud application backub,
Infrascale Backup & Disaster Recovery.
1. Asigra Cloud Backub platformasi.
Asigra – 1986-yilda Devid Farajun tomonidan qattiq diskdagi nosozlik tufayli
uning kompaniyasi ma’lumotlari yo’qolganidan keyin tashkil etilgan. U aloqa
liniyalari orqali xavfsiz joyga ma’lumotlarni zaxiralash texnologiyasini ishlab
chiqishga qaror qildi, shuning uchun Asigra ni yaratdi.
Asigra nomi ispancha
“asegurar” so‘zidan kelib chiqqan bo‘lib, ishonch hosil qilish ma’nosini anglatadi.
Asigra o‘z mahsulotlarini iste’molchilar, kichik va o‘rta biznes va yirik
korxonalar uchun bulutli zaxira xizmatlarini ishga tushirish uchun dasturiy
ta’minotdan foydalanadigan qo‘shimcha qiymatli sotuvchilar, boshqariladigan
xizmat ko‘rsatuvchi provayderlar va telekompaniyalarga sotadi. Ushbu xizmat
ko‘rsatuvchi provayderlar o‘zlarining biznes operatsiyalari, narxlari va bulutli
tarqatish modellarini mustaqil ravishda tuzishlari mumkin. Ular dasturiy ta’minotni
xizmat sifatida (SaaS) yoki jismoniy yoki virtual qurilma sifatida o‘z mijozlariga
bulutli joylashtirish modellarining har qanday – ommaviy, xususiy yoki gibridda
sotishni tanlashlari mumkin.
