Reja:
XOR JAMOALARI BILAN ISHLASH USLUBIYOTI
Xor san’ati tarixidan
Xor jamoasini tashkil etish
Xulosda
Foydalamnilgan adabiyotlar
Xor san’ati – musiqa san’atining janrlari orasida o‘zining ommaviyligi va demokratik xususiyatlarga egaligi bilan ajralib turadi. Hozirgi kunda u keng tarqalgan asl xalq san’ati turiga aylangan. Bu san’at turi insonlarni musiqiy tarbiyalashda, estetik qarashlarini shakllantirishda muhim ahamiyat kasb etadi. Odamlarning bir-biriga chambarchas bog‘liq bo‘lgan ma’naviy ongi, didiga, bir yagona g‘oya, yagona ijroni maqsad qilib, so‘z va musiqadagi tuyg‘uni jamoa bo‘lib ijro etish, ularni yanada jipslashtiradi.
Bu san’at doimo xalq qo‘shiqchilik ijodiyoti bilan bog‘liq bo‘lib, turli millatlar musiqa madaniyatining shakllanishi va rivojlanishida katta ahamiyatga egadir. Xor san’ati o‘zining qadimiy musiqa madaniyatini ifodalashda uzoq tarixga yondoshadi.
Asrlar davomida cherkov kuylari professional xor san’atida asosiy ijrochilik hisoblangan. Qadimiy cherkov kuylari, xuddi qadimiy grek kuylariga o‘xshab paydo bo‘lishiga qadar ovozlarning pastki va yuqori ovozlari (organum, diskant) rivojlana bordi.
Uyg‘onish davrida xor san’atida katta o‘zgarish – ko‘p ovozli xor ijrochiligi paydo bo‘ldi.
Xor san’atining yanada chuqurroq ravnaq topishiga a’capella ijrosida kuylashning paydo bo‘lishi asos bo‘ldi.
XV–XVI asrlarda yashab o‘z ijodida ko‘p ovozli asarlar yaratib kelgan – J.Palestrina, O.Lasso, K.Janeken kabi polifonist-kompozitorlar o‘z hissalarini qo‘shdilar.
Davr taqozosi bilan madaniyatlar yaqinlashuvi asrlardan-asrlarga o‘tib, bir-biriga ta’sir ko‘rsata boshlagan.
Xususan, O‘zbekiston madaniyatiga g‘arb mamlakatlari, ayniqsa, Rossiyadagi madaniy o‘zgarishlar bevosita singib kelavergan. Buni inkor etib bo‘lmaydi, shu sababli mazkur madaniyatlar haqida ham ma’lum bir tushunchalarga ega bo‘lib olishimiz darkor.
G‘arb mamlakatlarida xor ijrochiligi. Ma’lum bir davrdan so‘ng xor san’atida yana bir o‘zgarish paydo bo‘lib, yirik asarlar – kantata, oratoriyalar mualliflari sifatida – I.S.Bax, G.Gendel, K.Glyuk ijodi, keyinchalik Meyerber, J.Verdi, shu bilan birga F.Shubert, B.Mendelson, R.Shuman kabi romantik kompozitorlar ijodida kamer xor musiqasi rivoj topdi.
Shu davrda qo‘shiq sevadiganlar xor jamoalari «lidertafel’» (nemischa so‘z bo‘lib, «yetakchi qo‘shiqchi» ma’nosini anglatadi. Germaniya, Avstriya va Shveytsariya davlatlarida keng rivojlangan) va «orfeon» (fransuzcha «xor sevuvchilar jamoasi» 1818-yilda Parijda G.Vilemom rahbarligida) paydo bo‘lgan.
Xor san’atining cherkov musiqa san’atidan asta-sekin tashqariga chiqishi, opera teatrlarining shakllanishi, XIX asrdagi milliy kompozitorlik maktabini xalq omma musiqasiga chambarchas bog‘lanib ketishi Rossiya, Boltiq bo‘yi davlatlari – Chexiya, Bolgariya, Vengriya va boshqa davlatlarda namoyon bo‘lgan. Keyinchalik AQSH, Lotin Amerikasi, Yaponiya davlatlarida ham bu jarayon davom ettirilgan.
Rossiyada xor ijrochiligi. Ko‘p asrlardan buyon rus xor san’ati o‘zining izchilligi bilan ajralib turadi. Rus xor ijrochiligi va ijodiyoti xalq ijrochiligi va cherkov ijrochiligi yo‘nalishida rivojlanib, bir-biriga o‘zaro bog‘langan yo‘nalishlar tashkil etgan.
Xor jamoasini tashkil etish Xorni tashkil etish jarayoni asosan ikki davrga bo‘linadi.
Birinchi davrga xor jamoasini tashkil qilish uchun bajariladigan barcha tayyorgarlik ishlari kiradi. Ikinchi davrga esa rahbarning jamoa bilan uchrashuvi, barcha vokal musiqiy qobiliyatlarni tekshirib, ovozlarni aniqlash kiradi.
Xor jamoasini tashkil etish uchun xorning yetuk darajasiga yetkazish jarayonidan avval moddiy zamin tayyorlanadi. Malakali rahbar va jo‘rnavoz, repetitsiyalar o‘tkaziladigan xona (yorug‘, issiq, akustik jihatdan to‘g‘ri sharoitlar hisobga olingan) pianino yoki royal bilan ta’minlanishi darkor.
Birinchi davrdagi tashkil etish jarayoniga quyidagilar kiradi: – qatnashuvchilarni xorga jalb qilish; – keng targ‘ibot ishlari; – konsert va uchrashuvlar uyushtirish (biror taniqli xonanda yoki jamoalar bilan).
Ikkinchi davr. Xor rahbari qo‘yilgan maqsad va vazifalar haqida, qo‘shiq va xor san’ati haqida qisqa gapirib beradi. Yangi qo‘shiqlar bilan tanishtirib, ko‘pchilik biladigan qo‘shiqlarni birgalashib aytishga taklif qiladi.
Birinchi marta qo‘shiq kuylagan insonlarning birgalikda kuylash ishtiyoqi yanada oshib, keyingi mashg‘ulotlarga katta xohish bilan keladi.
Har bir ishtirokchining ovozini birma-bir eshitib ko‘rib, ularga tavsif berib, individual tushuntirish ishlarini olib boradi. Vaqt o‘tishi bilan ishtirokchilar orasidan xor sardori, shuningdek, ovozlar bo‘yicha ham yetakchilar, kotib va kutubxonachilar tayinlanadi.
Bular xor rahbarining eng yaqin yordamchilari bo‘lib, qo‘shiq o‘rganishdan oldingi tashkiliy ishlar (xor partiyalarini alohida ko‘p nusha yozish, ishtirokchilarga tarqatish kabi)ni o‘z zimmalariga oladiVokal-xor madaniyati Xor jamoasining ijrochilik malakasi vokal-xor ijrochilik mahoratlari bilan uzviy bog‘liq bo‘lib – hamohanglik, soz, talaffuz, badiiy ifoda vositalari, nafas olish, tovush hosil qilish va uni shakllantirishdan iboratdir.
Buning uchun jamoa ijro (konsert) paytida albatta tik turgan holatda bo‘lishlari lozim.
Repetitsiyalar (mashqlar) paytida esa o‘tirib mashg‘ulotlar o‘tkazilsa ham bo‘laveradi. Bunday holatda xonandalardan gavdani to‘g‘ri tutish, yuz, bo‘yin, yelka mushaklari erkin bo‘lib, kuylayotgan paytda xalqum va pastki jag‘ tomoqni siqmasligi, boshini erkin tutishi tavsiya etiladi.
Ma’limki, inson nafas olish organlari orqali nafas olib tovush hosil qiladi. Kuylaganda nafas olish oddiy nafas olishdan farq qiladi va nafas tez olinib, sekin chiqariladi.
Nafas olish bir necha turga bo‘linadi: – pastki qovurg‘alar kengayishi orqali nafas olish; – yelka kengayishi orqali nafas olish; – qorin bilan nafas olish;– ko‘krak bilan nafas olish; – zanjir uslubida nafas olish. Tovush nafas va ovoz apparatlarining harakati natijasida hosil bo‘ladi.
Hosil bo‘lgan tovushni rezonatorlar kuchlantirib turli tembr beradi. Rezonatorlar: bosh rezonator – yuqorigi; ko‘krak rezonatori – pastki bo‘lib, o‘zining hajmini artikulyatsiya orqali o‘zgartirib turadi.
Ovoz qo‘yish(ïîñòàíîâêà ãîëîñà)ning o‘ziga xos murakkab tomonlari mavjud: to‘g‘ri tovush hosil qilish va uni shakllantirish.
Professional akademik xorda «ochiq» (oq tovush) bo‘lishiga xormeysterlar asosan yo‘l qo‘yishmaydi. Lekin milliy ijrochilik uslublari bilan yaqinlashtirilgan yarim ochiq tovush hosil qilish ayrim musiqiy badiiy jamoalarga xosdir.
Ayniqsa, folklor bilan bog‘liq bo‘lgan qayta ishlangan asarlarni shu uslubda ijro etish keng tinglovchilar ommasiga ma’quldir.
Xor ijrochiligida legato, ya’ni ohangning bir tekis bog‘lanishi; nonlegato – alohida bog‘lanmasdan ijro etish (tovushlar orasida nafasni ushlash orqali hosil qilish); stakkato – tovushlarni uzib, qisqa ijro etish (tovushlar orasida nafas olmasdan) kabi ijro uslublari uchraydi.
Ovoz qo‘yish jarayoni Xor jamoasini mashg‘ulotlardan oldin ijrochilar ovozini qo‘shiq aytishga tayyorlash – ovoz qo‘yish jarayoni(ðàñïåâàíèå)dan boshlanadi.
Ovoz apparatini qizdirish, har bir ishtirokchining eshitish qobiliyatlarini sozlash 15–20 daqiqa davom etishi lozim. Bu ovoz mashqlari davomida xorning tekis hamohangligi(ansambli)ga va jarangdorligiga erishiladi. Mashqlar xor jamoasining o‘zining ma’lum bir o‘rta registrida, qulay tessiturada sodda, oddiy mashqlar bilan avval bir ovozda, asta-sekin mashqlar ikki-uch ovozli bolib va polifonik (ko‘p ovozli) tuzilishdagi murakkab mashqlar bilan yakunlanishi mumkin.
Bu bajarilayotgan mashqlarning mukammalligiga: – artikulatsiya apparatining aktivlashtirilishi; – ovozni tayyorlab qizdirilishi; – ovoz diapazonining kengayib borishi; – diksiya, so‘z talaffuzining yanada aniqligiga olib keladi.
Xor rahbari xor jamoasining sozini va ansamblini o‘z imkoniyatlaridan kelib chiqqan holda ovoz sozlar mashqlarini o‘zi ham tuzishi mumkin.
Mashqlar fortepiano jo‘rligida va jo‘rsiz ijro etilishi kerak.Ansambl «Ansambl» so‘zi fransuzcha «ensemble» tushunchasidan olingan bo‘lib, ma’nosi – birgalikda, ya’ni hamohang bo‘lishni anglatadi. Xor san’atida ansambl eng qiyin kuylash turlariga kirib, aniq temp, ritm, ovozlar tembrining hamohangligi, yakkaxon, xor va fortepiano (orkestr) ishtirokchilarining (turli ovoz partiyalarinig) uyg‘unlashuviga olib keladi.
Xor ansambli asosan ikki turda – xususiy va umumiy ansambl ko‘rinishida bo‘ladi.
Xususiy deb – alohida har bir kuylash partiyasi (ovozlar) tovushlari uyg‘unligiga erishish; umumiy deb – xordagi barcha kuylovchi partiyalar (ovozlar) tovushlarining uyg‘unligiga aytiladi. Professor G.A.Dmitriyevskiy o‘zining «Xor ansambli» uslubiy qo‘llanmasida xor ansamblining quyidagi turlarga bo‘linishi haqida izoh bergan, bularga: – intonatsion ansambl; – soz ansambli; – tembr ansambli; – dinamik ansambli; – diksiya ansambli; – tessitura ansambli; – garmonik ansambllari kiradi. Xor ansamblida o‘z vaqtida tessitura masalasi ham katta ahamiyatga ega.
O‘z shart-sharoitidan kelib chiqqan holda ansambl tabiiy yoki sun’iyligini ajratish mumkin. Barcha xor qatnashchilari ovozi zo‘r bermasdan normal holatda birday, past yoki yuqori kuylanib, o‘rta registrlarda bo‘lsa, tabiiy ansambl hosil bo‘ladi. Sun’iy ansambl esa ovozlar turli tessitura sharoitida bo‘lganda qo‘llaniladi. Bu vaqtda sadolanishni me’yoriga yetkazish uchun ovoz kuchi sun’iy bo‘rttirilgan yoki aksincha susaytirilgan bo‘ladi.
Xor ansambliga bo‘lgan talab ijro etilayotgan asarning barcha tomonlariga tegishli, ayniqsa, uning tuzilish fakturalariga ham bog‘liqdir. Har bir xor ijrochisi yaxshi rivojlangan ansambl hissiga ega bo‘lib, yuksak natijalarga erishishi mumkin.
Xulosa
Shuni ta’kidlash joizki, O‘zbekiston xalq artisti Ahad Hamidov rahbarlik qilgan yillarda kapellaning eng gurkiragan, dunyo kezgan davri bo‘ldi. Dasturlaridan jahon klassik asarlari hisoblangan – oratoriyalar, kantatalar, messalar, oda va qasidalar ilk bor o‘zbeklar diyorida jonli ijro etildi. Shu bilan birga turli xalqlar qo‘shiqlari me’yoriga yetkazilib, qayta ishlanib tinglovchilar hukmiga havola etildi. Mutal Burhonov yaratgan xor asarlari, ayniqsa, a kapella qo‘shiqlari tinglovchilar auditoriyasining kengayishiga olib keldi. Kompozitor o‘z asarlarini ushbu jamoa bilan hamkorlikda ijod etdi. Uning «Yorlarim», «Go‘zal qizga», «Sayyora», «Zarragul», «Bibigul», «Sari ko‘hi baland» kabi o‘nlab qayta ishlangan, sayqal berilgan a kapella asarlari endilikda bu janrning mumtoz namunalariga aylanib qoldi. Professional xor ijrochiligi bilan uzviy bog‘liq bo‘lgan, asosiy janr hisoblangan – a kapella janri shakllandi.
Foydalanilgan adabiyotlar
Sharafiyeva N. Xorshunoslik. G‘.G‘ulom nomidagi adabiyot va san’at nashriyoti. T., 1987.
Ro‘ziyev Sh. Xorshunoslik. G‘.G‘ulom nomidagi adabiyot va san’at nashriyoti. T., 1987.
Jumayeva L.X. O‘zbek xor musiqasi tarixidan. T., 2000.
6. Sharafiyeva N. Xor sinfi. T., 2005.
|
