28
Amaliy mashg‘ulot
Yog‘ochdan turli xil ko‘rinishdagi uy-ro‘zg‘or buyumlarini tayyorlash
mumkin. Biz o‘tgan darslarimizda kichik ko‘rinishdagi mebel jihozlaridan stol
va stulni yasash texnologiyasini o‘rgandik. Buyumni yasashda ishlatiladigan
yog‘och turlarini ham farqlay oldik. Sifatli yog‘ochdan tayyorlanadigan
buyum
chiroyli va mustahkam bo‘ladi. Ayniqsa, tayyorlanadigan buyum bezak sifatida
ishlatilsa, yog‘ochning chiroyi tabiiy guli bilan ko‘zga tashlanib turadi. Yog‘och
o‘zining tabiiy ko‘rinishi va rangiga ega. Yog‘ochning tabiiy rangini saqlash
maqsadida unga rangli bo‘yoq ishlatilmaydi. Faqat loklash bilan kifoyalanadi.
Lok yog‘ochning yaltiroqliligini oshiradi. Uni zararli hasharotlar va namdan
saqlaydi. Agar yog‘och quriq va toza joyda saqlansa,
uzoq muddat xizmat
qiladi. Tadbirkorlik va ishlab chiqarishning turlaridan biri mebelsozlikdir.
Bugungi kunda mebel ishlab chiqarish kundan kunga rivojlanib bormoqda.
Mebellar ishlab chiqarishga mo‘ljallangan bir qator korxonalar mavjud.
Malakali ustalar tomonidan zamon talabiga mos keladigan mebel mahsulotlari
har xil ko‘rinishlarda ishlab chiqiladi. Siz, aziz o‘quvchilarga yog‘ochdan
turli xil uy-ro‘zg‘or buyumlarini yasashni o‘rgatishdan maqsad tadbirkorlik va
ishbilarmonlikka yo‘naltirish, ana shu kichik ko‘rinishdagi mebel jihozlarini
yasash jarayonida iqtidor va qiziqishlaringizni sinovdan o‘tkazishdir. Mebellar
kichik ko‘rinishda yoki katta bo‘lishiga qaramay ishlab chiqarish texnologiyasi
bir-biridan farqlanmaydi. Texnologiya darslarida yasaladigan
buyumlarning
texnologiyasi zavod va fabrikalarda ishlab chiqarilayotgan buyumlarning
kichik maketi hisoblanadi. Agarda sizlarda ushbu uy-ro‘zog‘or buyumlarini
tayyorlashga qiziqish va ishtiyoq bo‘lsa, kelajakda tadbirkor bo‘lishingiz
uchun yo‘l ko‘rsatilgan bo‘ladi.
Har bir kishi qo‘lidan kelganicha uy-ro‘zg‘or buyumlarini o‘zi mustaqil
yasashni xohlaydi. Uy-ro‘zg‘or buyumlarini tayyorlashda kerak bo‘ladigan
xomashyo materiallari haqida ham ma’lumotlarga ega. Shunday ekan,
qo‘limizdan keladigan yoki yasash imkoni mavjud bo‘lgan uy-ro‘zg‘or
buyumlarini o‘zimiz o‘z qo‘limiz bilan tayyorlasak, yanada qadrliroq bo‘ladi.
O‘lcham olish, olingan o‘lcham
asosida buyumni rejalash, arralash, kesish,
qirqish va boshqa ishlarni bajarishda esa sabr va qunt, e’tibor talab etiladi.
Duradgorlik ustaxonasida tayyorlanadigan kichik ko‘rinishdagi stullarni
29
yasash texnologiyasi bilan bizlar tanishmiz. Endi o‘sha
texnologiyani
ozgina murakkablashtirib, detallar sonini va o‘lchamini to‘g‘ri olsak, buni
bajarishimiz ham oson bo‘ladi. Sizlar bilan darsda tayyorlamoqchi bo‘lgan
buyumimiz shkaf bo‘lib, uni tayyorlashda ijodiy yondashish, e’tibor, aniqlik,
