|
Taqsimlovchi qurilmalarni ishlatish
|
| bet | 6/8 | | Sana | 28.11.2022 | | Hajmi | 1.98 Mb. | | #32112 |
Bo‘lgichlarni shilatish.
Tuzilishi bo‘yicha ajratkichlardan kam farq qiladi. Ularning kontakt tizimi ham yuklama toki ostida amallarni bajarishga moslanmagan. Bo‘lgichlarning asosiy vazifasi – u har ikkala tomondan uzgichlar yordamida uzilganidan so‘ng elektr tarmog‘ining shikastlangan bo‘lagini tez uzishdan iboratdir. Bo‘lgichlar yordamida transformatorlarning magnitlash va liniyalarning zaryad toklari uziladi. Bo‘lgich uza olishi mumkin bo‘lgan tok qutb kontaktlari va qo‘shni qutblar orasidagi masofaga bog‘liq. OD seriyasidagi bo‘lgichlarning asosiy pichoqlarini boshqarish SHPO tipidagi yuritkich yordamida amalga oshiriladi. Uzish jarayoni uluvchi impuls berilgan lahzadan so‘ng 0,5-1 s davom etadi. Bunday tez uzish bo‘lgichlarni qo‘lda ulashda siqiluvchi prujinalarning energiyasi hisobiga ta’minlanadi. Bo‘lgichlar uzgichga ega bo‘lmagan transformatorli podstansiyalarning YuK tomonida qo‘llaniladi. Bunday podstansiyalarda, bo‘lgichlardan tashqari, odatda, vazifasi tezlik bilan keyinchalik uzgich tomonidan uziluvchi katta quvvatli sun’iy qisqa tutashuvni hosil qilishdan iborat bo‘lgan qisqa tutashtirgichlar ham o‘rnatiladi. Qisqa tutashtirgichning uzilgan holatida uning ShPK tipidagi yuritmasini prujinalari uyg‘otilgan va ulashga tayyor bo‘ladi. Releli himoya qurilmasidan impuls berilganda elektromagnit ulovchi prujinani bo‘shatadi va qisqa tutashtirigich ulaydi. Bo‘lgich zanjirda qisqa tutashuv tokining oqishi to‘xtagan lahzada uzadi. Bo‘lgichning to‘g‘ri ishlashini ta’minlash uchun yuritmada uning faqat qisqa tutashuv zanjirida tok yo‘qolganidan so‘nggina ishlashiga ruxsat etuvchi blokirovka ko‘zda tutilgan.
Ajratkichlar, bo‘lgichlar va qisqa tutashtirgichlarni tashqi ko‘rikdan o‘tkazishda asosiy e’tibor bu apparatlarning kontakt tutashmalari va izolyasiyalariga qaratilishi shart. Kontakt tutushmalar ajratkichlar va bo‘lgichlarning eng muhim va shu bilan bir qatorda eng zaif qismi hisoblanadi. Kontakt tutashmalarni nazorat qilish va ularga xizmat ko‘rsatish usullari yuqorida ko‘rib o‘tilgan edi.
Ajratkichlar, bo‘lgichlar va qisqa tutashtirgichlarning tok o‘tkazuvchi qismlarini tutib turish va mahkamlash uchun tayanch-shtirli va tayanch-sterjenli izolyatorlardan foydalaniladi. Ular 110 kV va undan past kuchlanish uchun butun, 110 kV dan yuqori kuchlanish uchun esa, shtirli yoki sterjenli izolyatorlardan birbiriga ulab yig‘iladi.
|
| |
