Kompozitsiya fanining boshqa fanlar bilan aloqasi

Kompozitsiya fani mohiyati, mazmuni juda keng tarmoqli bo‘lgani sababli deyarli barcha tasviriy va amaliy san’atga oid nazariy hamda amaliy jihatdan o‘rganiladigan tasviriy san’at sohalariga taalluqlidir. U rantasvir, qalamtasvir, monumental san’at turlari, san’at tarixi va nazariyasi, tasviriy san’at texnologiyasi, nusxa ko‘chirish, grafika, amaliy bezak san’ati turlarini o‘rganuvchi ko‘pdan ko‘p mutaxassislik fanlari tarkibini tashkil qiladi va ular bilan uzviylik kasb etadi. Plastik anatomiya kursi, perspektiva, tasviriy san’at asoslari kabi fanlar ham kompozitsiyaning qaysidir bo‘limlariga aloqador holda o‘rganiladi.