86
tómendegi basqıshda tamamlanadı. Qabıl etiwshi abonente bolsa qabıl etilgen
maǵlıwmat keri baǵdarda, tómengi basqıshdan baslap joqarı basqıshqa háreket
etedi.
Ámeliy basqısh (Application, прикладной уровень) yamasa qosımshalar
basqıshı, ol tómendegi xızmetlerdi ámelge asıradı: paydalanıwshınıń qosımshasın
tikkeley ózi tastıyıqlaydı, máselen, fayllar uzatıwdıń programmalıq quralları,
maǵlıwmatlar bazası menen baylanıs ornatıw, elektron pochta quralları, serverde
registraciya xızmeti. Bul basqısh qalǵan 6 basqıshtı basqaradı.
Prezentaciya basqıshı (Presentation, уровень представления) yamasa
maǵlıwmattı tanıstırıw basqıshı. Bul basqıshta maǵlıwmat anıqlanadı hám
maǵlıwmat formatın kórsetiw sintaksisin tarmaqqa qolay túrde ózgertedi, yaǵnıy
awdarıwshı wazıypasın orınlaydı. Usı jerde maǵlıwmat shifrlanadı hám
dishifraciyalanadı, kerek bolǵan jaǵdayda olardı tıǵızlaydı.
