3
KIRISIW
Tálim bilimlendiriw sistemasında kompyuter texnologiyalarınan paydalanıw
hám
milliy
Internet-segmentin
rawajlandırıw
boyınsha
jumıslarǵa
“Kompyuterlestiriwdi jáne de rawajlandırıw hám informaciya-kommunikaciyalıq
texnologiyaların endiriw haqqında” ǵı Ózbekistan Respublikası
Prezidenti
pármanları, Ózbekistan Respublikası Ministrler Keńesiniń “Kompyuterlestiriwdi jáne
de rawajlandırıw hám informaciya-kommunikaciyaliq texnologiyaların endiriw is
ilajları haqqında”ǵı qararları tiykar etip alındı.
Respublika telekommunikaciya sistemaların modernizaciya qılıw hám
rawajlandırıw boyınsha rejelerdi ámelge asırıw nátiyjesinde mámleketimiz
turǵınlarınıń keń qatlamları ushın internet xızmetlerinen paydalanıw barǵan sayın
jeńil bolıp barmaqta. Respublikamızda AKTni rawajlandırıwǵa bolǵan úlken
itibar
sebepli internet tarmaǵında milliy resurslar sanı jıldan-jılǵa artpaqta. Házirgi kúnde
respublikada .uz domen zonasında ekinshi dárejeli domen atamaların dizimge alıw
boyınsha 7 registratorlar iskerlik kórsetedi: Tomas, Billur.com, Arsenal-D, Sarkor
Telecom, VSS, TV-Inform hám Simus.
Milliy informaciya resursların rawajlandırıw boyınsha húkimet qararları hám is
ilajlar rejesin ámelge asırıw nátiyjesinde .uz Milliy domen zonasındaǵı
domen
atamalarınıń sanı jıldan-jılǵa artpaqta. Provayder hám operatorlardıń ayırım bólimi
Tashkent qalasında jaylasqanlıǵına qaramay, respublikamızdıń basqa aymaqları,
ásirese Samarqand hám Buxara walayatlarında hám provayder hám operatorlar
sanınıń ósiwi bayqalmaqta.
Bul oqıw qollanbada kompyuter tarmaqları hám olardıń túrlerı, lokal,
regional
hám global kompyuter tarmaqları, tarmaqlar topologiyası, tarmaq xizmetleri, tarmaq
qurılmaları, OSI modeli basqıshları, internet protokolları, tarmaqlardı
marshrutlaw
hám testlew, internet xizmetleri, brauzerler hám
olar menen islesiw, internetde
maǵlıwmatlardı jaylastırıw usılları, tarmaq operacion sistemaları,
internet diziminde
maǵlıwmatlardı qorǵaw, www-tarmaq elementleri haqqında tolıq maǵlıwmat beriledi.
Hár bir temadan soń qadaǵalaw ushın sorawlar berilgen.
