|
ALTning boshqa avtomatlashtirilgan tizimlar bilan o‘zaro ta’siri
|
| bet | 15/83 | | Sana | 03.02.2024 | | Hajmi | 12,65 Mb. | | #151095 |
Bog'liq Компютрли лойихалаш УМК 03.11.20183.2. ALTning boshqa avtomatlashtirilgan tizimlar bilan o‘zaro ta’siri
Real ishlab chiqarish sharoitida avtomatlashtirish tizimlarining (AT) hamma turlari u yoki bu darajada bir-biri bilan o‘zaro ta’sirda bo‘lishi lozim, ALT esa – bevosita ilmiy-tadqiqotlarning avtomatlashtirilgan tizimlari (ITAT), ishlab chiqarishni texnologik tayyorlashning ATlari (IChTT AT), ishlab chiqarishni boshqarishning ATlari (IChBAT) bilan muloqotda bo‘lishi kerak. Ko‘rsatilgan tizimlarning o‘zaro ta’siri oddiy hujjatlar va mashina kodlari yoki mashinali olib yuruvchilarga yozilgan ko‘rinishdagi informatsiyalarni almashtirish yo‘li bilan amalga oshadi.
Avtomatlashtirilgan loyihalash rivojlanishining boshqa ahamiyatli yo‘nalishlari:
− optimallashgan loyihalash metodlarini rivojlantirish va takomillashtirish;
− xususan konstruktsiyalashni o‘zini avtomatlashtirishni rivojlantirish;
− avtomatlashtirilgan loyihalash texnologiyasini takomillashtirish.
AT integratsiyasi MB tarkibini sezilarli kengaytirishni va ularni integrallashgan tizimning yagona bazasiga birlashtirishni; me’yoriy-texnikaviy, texnikaviy-iqtisodiy va ilmiy-texnikaviy informatsiyaning tarmoq va tarmoqlararo ma’lumotlar bazasini yaratishni; EHMlarning har xil turlari bo‘lgan jamoa foydalanadigan ko‘p bosqichli hisoblash tizimlarini yaratishni, uzatilayotgan informatsiya massivlari strukturalarini unifikatsiyalashni; operatsion tizimlarni rivojlantirishni va Amaliy dasturaviy ta’minotni (ADT) ya’ni nimtizimlar bilan biriktirish uchun ko‘p sonli interfeyslar bilan to‘ldirishni talab qiladi.
Optimallashtirilgan loyihalash metodlarini rivojlantirish va takomillashtirish yangi matematik metodlarni ishlab chiqishni, mos ADTni va ALT hisoblash kompleksi unumdorligini oshirishni talab qiladi.
Xususan konstruktsiyalashni avtomatlashtirishni rivojlantirish avvalo ALTda affinli o‘zgartirishlarni amalga oshirish, yuqori unumdorli 32 razryadli protsessorlar (Intel Pentium 4, AMD Athlon, Intel Xeon va boshq.) bazasida yoki 64 razryadli protsessorlar (Intel Itanium, AMD Opteron), grafik displeylar, graf quruvchilar va bularga mos dasturaviy ta’minot bazasida ob’yektlarning proektsiyalari va fazaviy ko‘rinishini olish imkonini beradigan ikki va uch o‘lchamli ob’yektlar haqidagi geometrik informatsiyalarga ishlov berish vositalarining rivojlanishiga olib keladi.
Avtomatlashtirilgan loyihalash texnologiyasining takomillashishi loyihalashni bosqichlarga bo‘lishning o‘zgarishiga va loyihaviy ishlarning bosqichlar orasida qayta taqsimlanishiga olib keladi. Xususan, umumiy masalalarni yechish dastlabki bosqichlarda, loyihaviy yechimlarni shakllantirish bo‘yicha ishlar esa oxirgi bosqichda bajarilishi lozim. Loyihalovchilar, EHM bilan butunicha interaktiv rejimda ishlashadi. Hamma oraliq loyihaviy yechimlar EHM xotirasida saqlanadi, natijaviy yechimlar esa ishlab chiqarishga mashinali olib yuruvchilarda uzatiladi.
Loyihalash texnologiyasining takomillashtirilishi ALT texnikaviy vositalarining tarkibi, dasturaviy va tashkiliy ta’minotini sezilarli o‘zgartirishni talab qiladi.
ALT rivojlanishi avtomatlashtirilgan loyihalash ishlarining mazmuniga ta’sir qiladi. Eng takomillashgan ALTlar qaror qabul qilish, ularni ham ijrochilar bilan muvofiqlashtirish, tushuntirish xatlarini tuzish va sh.k. ishlardan boshqa hamma loyihaviy operatsiyalarni avtomatlashtiradi. Hattoki, ba’zi holatlarda qarorni tizimning o‘zi shakllantiradi va loyihalovchi ixtiyoriga bu qarorga rozi bo‘lish yoki loyihaning bir qismini qayta ishashni talab qilish qoladi.
Savollar
1. ALT klassifikatsiyasining asosiy belgilarini bayon qiling.
2. Loyihalash ob’yekti asosiy tushunchalarini bayon qiling.
3. Texnikaviy ta’minot strukturasidagi darajalar haqida aytib bering.
4. ALTning boshqa avtomatlashtirilgan tizimlar bilan o‘zaro ta’siri printsiplarini ta’riflang.
|
| |
