Oleum apis 10,0 texnologiyasi. Gomeopatik farmakopeyasining ko‘rsatmasiga binoan apisdan 3% li moy tayyorlanadi. Bu moyni tayyorlash uchun beriladigan idishga 0,3g apis tinkturasi va 9,7 g shaftoli moyi tortiladi va bir xil massa bo‘lguncha aralashtiriladi, rasmiylashtiriladi.
Gomeopatik opodeldoklar texnologiyasi
Sovunli linimentlarda sovun spirtdagi eritmasi soponimentlar asosi bo‘lib hisoblanadi. Bu xil linimentlar gomeopatiyada qo‘llanib, opodeldok deb ataladi.
Gomeopatik opodeldoklarni olish uchun, oldin quyidagi tarkibli asos tayyorlanadi:
Spirtli sovun 2 qism
Suv 1 qism
Spirt 96% 1 qism
Keltirilgan opodeldok asosiga, ko‘rsatilgan konsentratsiyada, gomeopatik tinkturalar va essensiyalarni qo‘shib gomeopatik opodeldoklarni tayyorlash mumkin.
Misol qilib 5% - 100,0 Rus opodeldokni texnologiyasini ko‘rib chiqamiz.
Ushbu opodeldokni tayyorlash uchun beriladigan idishga 5 qism rus tinkturasiga 95 qism opodeldok asosi qo‘shiladi va bir xil massa bo‘lguncha aralashtiriladi.
Sovunli spirt tayyorlash uning uchun sovun poroshogi va 90% spirt kolbaga solinib, suv hammomida eritiladi, keyin tez filtrlanadi.
Sovun spirtini tarkibi quyidagicha: FS 42-1199-78bo‘yicha:
Kaliy ishqori 23g;
Kungaboqar yoki paxta moyi 100g;
Suv 75g va spirt 90% -300g.
Tayyorlanishi: 100-1050Sda qozonda moy qizdiriladi, keyin kaliy ishqori va spirt solinadi. Bir xil aralashma hosil bo‘lgach oz-ozdan suv qo‘shiladi. Hosil bo‘lgan sovun issiq suvda yaxshi erishikerak, ko‘rinishi yaltiroq tiniq massadir.
|