Toshkent farmatsevtika instituti ijtimoiy fanlar kafedrasi




Download 3 Mb.
bet7/18
Sana24.12.2019
Hajmi3 Mb.
#4807
1   2   3   4   5   6   7   8   9   10   ...   18

Nazorat uchun savollar:

1. Iste'molchilarning huquqlarini himoya qiluvchi qanday qonun hujjatlari mavjud?

2. Iste'molchining kanday asosiy huquqlari mavjud?

3. Ishlab chiqaruvchi o‘zi haqida kanday ma'lumotlarni iste'molchiga yetkazishi lozim?

4. Ishlab chiqaruvchining kafillik majburiyatlari nimalardan iborat?

5. Tovar haqida noto‘g‘ri ma'lumot berilganda iste'molchining kanday huquqlari bor?

6. Iste'molchi tovar xavfsiz bo‘lishi uchun qanday talab qo‘yishga haqli?

7. Iste'molchiga nuqsonli tovar qanday almashtirib beriladi?

8. Iste'molchiga yetkazilgan tovar uchun qanday javobgarliklar mavjud?

9. Mahalliy hokimiyat organlari tomonidan iste'molchining huquqi qanday himoyalanadi?

10. Iste'molchilarning huquqlarini sud orqali himoya qilinishi tartibi qanday?

Adabiyotlar

1. O‘zbekiston respublikasi konstitutsiyasi. – t.:o‘zbekiston, 2016.

2. Raxmankulov x.r. Oldi-sotdi shartnomasi. – t.: tdyui, 2000.

3. O‘zbekiston respublikasining «iste'molchilarning huquqlarini himoya qilish to‘g‘risida»gi qonuni. 26 aprel 1996 yil.

4. Qosimbekova s. «huquqshunoslik, o‘zbekiston respublikasi konstitutsiyasi» fani bo‘yicha o‘quv-uslubiy majmua. – t.: tdiu. 2006.


MAVZU: MEHNAT HUQUQI ASOSLARI
Reja

  1. Mehnat huquqi tushunchasi, predmeti, uslulari va vazifasi.

  2. Mehnat shartnomasi, uni tuzish va bekor bo‘lish asoslari.

  3. Mehnat intizomi.



Mеhnat yoshi 16 yoshdan boshlanadi. Ayrim hollarda ota-onasidan birining roziligi bilan 15 yoshdan, 14 yoshga to‘lgan o‘quvchilar ota-onasidan birining roziligi bilan o‘qishdan bo‘sh vaqtlarida mеhnat qilishlari mumkin.
1. mehnat huquqi tushunchasi, predmeti, uslulari va vazifasi. mehnat huquqi – huquq sohalari orasida yetakchi o‘rin tutadi. mehnat huquqi mehnat bozori faoliyati natijasida yuzaga keluvchi, yollanma mehnatni qo‘llash va undan foydalanishni tashkil etish oqibatida paydo bo‘ladigan ijtimoiy munosabatlarni tartibga soladi.

mehnat huquqining vazifalari mehnat kodekisida nazarda tutilgan bulib, unga ko‘ra: “mehnat to‘g‘risidagi qonun hujjatlari xodimlar, ish beruvchilar, davlat manfaatlarini e'tiborga olgan holda, mehnat bozorining samarali amal qilishini haqqoniy va xavfsiz mehnat shart-sharoitlarini, xodimlarning mehnat huquqlari va sog‘ligi himoya qilinishini ta'minlaydi, mehnat unumdorligining o‘sishiga, ish sifati yaxshilanishga, shu asosida barcha aholining moddiy va madaniy turmush darajasini yuksalishiga ko‘maklashadi”5, – deb aniq ko‘rsatib berilgan.




Konstitutsiya va qonunlarga ko‘ra majburiy mеhnat taqiqlanadi. Lеkin harbiy yoki muqobil xizmat to‘g‘risidagi qonunlar asosida, favqulodda holat yuz bеrganda, sudning hukmi qonuniy kuchga kirganida va qonunda nazarda tutilgan boshqa hollar bundan mustasno.

mehnat jarayonidagi ijtimoiy munosabatlarda asosan: ikki tomon (sub'ektlar) xodim va

ish beruvchi ishtirok etadi. mehnat huquqining sub'ekti sifatida xodimlar vakillik organlari: kasaba uyushmalari, mehnat jamoalari, boshka organlar ishtirok etadilar va ularning huquqiy maqomi tegishli qonunlar bilan, xodimlar jamoasi berilgan vakolatlar bilan begilanadi. ish beruvchilar vakillari ham mehnat huquqining sube'ktlaridan sanaladi.

mehnat huquqi predmeti. mehnat huquqi mehnat jarayoni texnologiyasini emas, balki birgalikdagi mehnat davomida uning ishtirokchilari o‘rtasida yuzaga keluvchi sotsial aloqalarni tartibga soladi.

mehnat huquqining predmeti sanaluvchi ijtimoiy munosabatlar alohida guruhlarga ajratilishi mumkin.



mehnat huquqining uslublari va tizimlari. agar mehnat huquqining predmeti deganda, ushbu sohada nimalar tartibga solinishi anglansa, uslubi deganda, bu munosabatlar qanday qilib tartibga solinishi tushuniladi.

16 yoshdan boshlab to pensiya bilan ta'minlanish huquqini olishgacha bo‘lgan shaxslar, agarda hyech qaerda ishlamasalar, ishlash uchun ish joy qidirib yurgan bo‘lsalar, davlat ularni ishsiz, deb e'tirof etadi. ishsiz deb e'tirof etilganlar mahalliy mehnat organlarida ro‘yxatga olingan paytdan boshlab 10 kun ichida o‘zlariga taklif qilingan maqbul keladigan ishni ikki marta rad etgach ish qidirayotganlar, deb e'tirof etilmaydi va shu kundan keyin uni yana takroran ishsiz sifatida ro‘yxatga olish mumkin.

ishsiz deb e'tirof etilgan shaxslarga ishsizlik nafaqasi to‘lanadi.

ishsizlik nafaqasi ko‘pi bilan:

– ishdan va ish haqidan (mehnat daromadidan) mahrum bo‘lgan yoki uzoq (bir yildan ortiq) tanaffusdan keyin mehnat faoliyatini qayta boshlashga harakat qilayotgan shaxsga o‘n ikki oylik davr mobaynida yigirma olti kalendar hafta;

– ilgari ishlamagan va birinchi marta ish qidirayotgan shaxsga esa o‘n uch kalendar hafta mobaynida to‘lanadi.

ishsiz shaxs nafaqa olish davrida ish qidirishi va har ikki haftada kamida bir marta mahalliy mehnat organida yo‘qlamadan o‘tishi kerak.



2. mehnat shartnomasi, uni tuzish va bekor bo‘lish asoslari. mexnat shartnomasi xodim bilan ish beruvchi o‘rtasida muayyan mutaxassislik, malaka, lavozim bo‘yicha ishni ichki mehnat tartibiga bo‘ysungan holda taraflar kelishuvi, shuningdek mehnat to‘g‘risidagi qonunlar va boshqa normativ hujjatlar bilan belgilangan shartlar asosida haq evaziga bajarish haqidagi kelishuvdir. mehnat shartnomasi yozma shaklda tuziladi.

ish beruvchining xohishiga asosan sinov muddati o‘rnatiladi. dastlabki sinov muddati 3 oydan oshib ketishi mumkin emas. sinov muddatida ishlagan davr mehnat stajiga kiritiladi.

dastlabki sinov muddati tugagunga qadar har bir taraf ikkinchi tarafni uch kun oldin yozma ravishda ogohlantirib, mehnat shartnomasini bekor qilishga haqlidir.

mehnat shartnomasi deganda, mehnat jarayonidagi ijtimoiy (mehnat haqi miqdori, ish vaqtining, ta'tilning muddati va boshqalar) va ishlab chiqarish (texnika, sanitariya, gigiena va boshqalar) omillarining jami tushuniladi.




Mеhnat kodеksining 97-moddasiga ko‘ra mеhnat shartnomasi quyidagi asoslarda bеkor qilinadi:




  • taraflarning o‘zaro kelishuviga ko‘ra;

  • taraflardan birining tashabbusi bilan;

  • muddatning tugashi bilan;

  • taraflarning ixtiyoriga bog‘liq bo‘lmagan holatlarga ko‘ra;

  • mehnat shartnomasida nazarda tutilgan asoslarga ko‘ra;

  • yangi muddatga saylanmaganligi (tanlov bo‘yicha o‘tmaganligi) yoxud saylanishda (tanlovda) qatnashishni rad etganligi munosabati bilan.

mehnat shartnomasini xodimning tashabussi bilan istalgan paytda, bekor qilish mumkin. bunda mehnat shartnomasining muddatli yoki nomuddatli muddatga tuzilganligining ahamiyati yo‘q. bunday holda xodim ish beruvchini ikki hafta oldin yozma ravishda ogohlantirishi lozim. shu muddat o‘tgach xodim ish beruvchidan u bilan hisob-kitob qilib, mehnat daftarchasini berishni talab qilishga haqli.

ish beruvchining tashabbusi bilan mehnat shartnomasi quyidagi:

1) texnologiyadagi, ishlab chiqarish va mehnatni tashkil etishdagi o‘zgarishlar, xodimlar soni (shtati) yoki ish xususiyatining o‘zgarishiga olib kelgan ishlar hajmining qisqarganligi yoxud korxonaning tugatilganligi;

2) xodimning malakasi yetarli bo‘lmaganligi yoki sog‘ligi holatiga ko‘ra bajarayotgan ishiga noloyiq bo‘lib qolishi;

3) xodimning o‘z mehnat vazifalarini muntazam ravishda buzganligi;

4) xodimning o‘z mehnat vazifalarini bir marta qo‘pol ravishda buzganligi;

5) o‘rindoshlik asosida ishlamaydigan boshqa xodimning ishga qabul qilinishi munosabati;

6) mulkdorning almashishi sababli korxona rahbari bilan tuzilgan mehnat shartnomasining bekor qilinganligi asoslarida bekor qilinadi.

agar xodim sog‘ligi holatiga ko‘ra bajarayotgan ishga noloyiq bo‘lib qolganligi aniqlansa, ogohlantirilmasdan ikki haftalik ish haqi mikdorida kompensatsiya to‘lanadi.

mehnat shartnomasi xodim aybli xatti-harakatlar sodir etganligi munosabati bilan bekor qilingan hollarda ish beruvchi xodimni uch kun oldin xabardor qiladi yoki unga shunga mutanosib kompensatsiya to‘lanadi.

mehnat shartnomasini bekor qilish ishga qabul qilish huquqiga ega bo‘lgan shaxslar tomonidan amalga oshiriladi va buyruq bilan rasmiylashtiriladi.




Rеspublikamizda haftasiga 40 soatlik normal ish vaqti qonunlashtirilgan. Ish vaqti: normal – haftasiga 40 soat; qisqartirilgan – haftasiga 36 soat 16 yoshdan 18 yoshga to‘lmaganlar uchun; haftasiga 24 soat 15 yoshdan 16 yoshga to‘lmaganlarga. Qonunda nazarda tutilgan hollar ham mavjud, nogironlar, o‘qituvchilar, shifokorlar, yosh bolali ayollar va boshqa xodimlarga ham qisqartirilgan ish vaqti qo‘llanadi.

masalan, uch yoshga to‘lmagan bolalari bor, byudjet hisobidan ishlayotgan ayollarga ish vaqtining haftasiga o‘ttiz besh soatdan oshmaydigan qisqartirilgan muddati belgilagan.

xodim bilan ish beruvchi o‘rtasidagi kelishuvga binoan ishga qabul qilish chog‘ida ham, keyinchalik ham to‘liqsiz ish kuni yoki to‘liqsiz ish haftasi belgilab qo‘yilishi mumkin.

homilador ayolning, 14 yoshga to‘lmagan bolasi (16 yoshga to‘lmagan nogiron bolasi) bor ayolning, shu jumladan homiyligida shunday bolasi bor ayolning yoki oilaning betob a'zosini parvarish qilish bilan band bo‘lgan shaxsning iltimosiga ko‘ra, ish beruvchi tibbiy xulosaga muvofiq ularga to‘liqsiz ish kuni yoki to‘liqsiz ish haftasi belgilashga majburdir.

tungi ish vaqti turlari ham bor. soat 22-00 dan to soat 6-00 gacha bo‘lgan vaqt tungi vaqt deb hisoblanadi. xodim uchun belgilangan kundalik ish muddatidan tashqari ishlash ish vaqtidan tashqari ish deb hisoblanadi. bu vaqtda ish bajarish xodimning roziligi bilan amalga oshiriladi. nogironlar, homilador ayollar, o‘n sakkiz yoshga to‘lmaganlar ish vaqtidan tashqari ishlashga jalb etilmaydi. ish vaqtidan tashqari ishlashning bir yillik soat hajmi 120 soatdan ortiq bo‘lmasligi lozim. bunday chegaralashning sababi xodimning sog‘ligi, ish unumdorligining pasayib ketmasligi uchun qaratilgan.

dam olish vaqti – bu xodim mehnat vazifalarini bajarishdan xoli bo‘lgan va undan u o‘z ixtiyoriga ko‘ra foydalanishi mumkin bo‘lgan vaqtdir.

dam olish vaqti quyidagilarga bo‘linadi:

ish kuni (smena) davomidagi tanaffuslar;

kundalik dam olish vaqti;

dam olish kunlari;

bayram kunlari (ishlamaydigan kunlar):

a) 1 yanvar – yangi yil;

b) 8 mart – xotin-qizlar kuni;

v) 21 mart – navro‘z bayrami;

g) 9 may – xotira va qadrlash kuni;

d) 1 sentyabr – mustaqillik kuni;

ye) 1 oktyabr – o‘qituvchi va murabbiylar kuni;

j) 8 dekabr – konstitutsiya kuni;

z) ro‘za va qurbon hayiti diniy bayramlarining birinchi kuni.

5.ta'tillar:

a) yillik mehnat ta'tili;

b) yillik uzaytirilgan asosiy ta'tillar;

v) yillik qo‘shimcha ta'tillar;

g) ijtimoiy ta'tillar;



d) ish haqi saqlanmagan holda beriladigan ta'tillar.

yillik qo‘shimcha ta'tillar mehnat sharoiti noqulay, og‘ir, alohida tusga ega bo‘lgan ishlarda va mehnat qonunlarida, mehnat shartnomasida nazarda tutilgan boshqa hollarda beriladi.

ijtimoiy ta'tillar: homiladorlik va tug‘ish, bolalarni parvarishlash; o‘qish bilan bog‘liq va ijodiylarga bo‘linadi. ish haqi saqlanmagan holda beriladigan ta'tillar xodim bilan ish beruvchining o‘rtasidagi kelishuvga binoan beriladi.

mehnatga haq to‘lash muddatlari jamoa shartnomasida belgilanadi va har yarim oyda bir martadan kam bo‘lishi mumkin emas. odatda ish haqi xodim ishlayotgan joydan to‘lanadi. xodimning xohishiga binoan mehnat haqi uning omonat kassasidagi hisob varaqasiga yuborilishi mumkin. mehnat qonunlarida xodimning roziligi bilan, agar roziligi bo‘lmasa, sudning qaroriga binoan mehnat haqidan ushlab qolinishi mumkin.





Mehnat qonunlarida har bir xodimning davlat yoki jamoat vazifalarini bajarayotgan vaqtida uning ish joyini saqlab qolinishi, kafolatli to‘lovlar va kompensatsiya to‘lovlari mavjud ekanligi ko‘rsatilgan. Bunday to‘lovlar va kafolatlar xodim saylov huquqlarini amalga oshirish vazifalarini bajarish, harbiy burchni bajarish, surishtiruv, tergov organiga, sudga guvoh, jabrlanuvchi, ekspeditsiya va h.k. Da ishtirok etishida amalga oshiriladi. Undan tashqari xodim xizmat safari davrida va ko‘chib yurish bilan bog‘liq ishlarda xarajatlari ham to‘lanadi.

Mehnat shartnomasiga ko‘ra to‘lanadigan haq bajarilgan mehnatning miqdori va sifatiga mutanosib bo‘lishi talab etiladi hamda bu ko‘rsatkich ish haqi tizimlari (ishning davomiyligi, murakkabligi, xodimning malakasi, normalarning bajarilishi va boshqa omillar hisobga olingan holda) vositasida aniqlanadi. Xodim asosiy ish haqidan tashqari korxona ish yakunlariga ko‘ra belgilangan qo‘shimcha ish haqlarini ham oladi (mukofot pullari, ustama haqlar va boshqalar).

Mehnat shartnomasining shakli, mazmuni va amal qilish muddatlari. Mehnat shartnomasi unda ishtirok etayotgan taraflarning, birinchi navbatda xodimning manfaatlarini real va samarali tarzda ta'minlash maqsadida faqat yozma ravishda tuzilishi lozim. Mehnat kodeksining 74-moddasida aytilishicha: “mehnat shartnomasi yozma shaklda tuziladi”.

Mehnat shartnomasi mazmuni deganda, unga ko‘ra tomonlar qo‘lga kiritayotgan huquqlar, o‘z zimmalariga olayotgan majburiyatlar majmui tushuniladi.

Quyidagilar mehnat shartnomasi (kontrakt)ning zarur shartlari hisoblanadi:

1) ish joyi – xodim ishga qabul qilinayotgan korxona, muassasa, tashkilot (uning tarkibiy bo‘linmasi)ning nomi;

2) mehnat funksiyasi – mazmuni lavozim yo‘riqnomalari, malaka majburiyatlari va boshqa normativ hujjatlar bilan belgilangan muayyan mutaxassislik, malaka yoxud lavozim bo‘yicha ish (rahbarlar, mutaxassislar va xizmatchilarning hamda boshqalarning yagona tarif-malaka ma'lumotnomasi, malaka ma'lumotnomalariga muvofiq);

3) ish boshlanadigan kun – qonun hujjatlariga muvofiq tuzilgan mehnat shartnomasi imzolangan paytdan boshlab kuchga kiradi, agar ishning boshlanishi sanasi qayd etilmagan bo‘lsa, xodim shartnoma imzolangan kundan keyingi ish kunidan (smenadan) kechikmay ishga tushishi shart;

4) mehnatga haq to‘lash miqdori va boshqa shartlar.

Mehnat kodeksining 75-moddasiga muvofiq mehnat shartnomalari:

– nomuayyan muddatga;

– besh yildan ortiq bo‘lmagan muayyan muddatga;

– muayyan ishni bajarish vaqtiga mo‘ljallab tuzilishi mumkin.



Agar mehnat shartnomasida uning amal qilish muddati ko‘rsatilmagan bo‘lsa, mehnat shartnomasi nomuayyan muddatga tuzilgan deb hisoblanadi. Nomuayyan muddatga tuzilgan mehnat shartnomasi xodimning roziligisiz muayyan muddatga, shuningdek muayyan ishni bajarish vaqtiga mo‘ljallanib qayta tuzilishi mumkin emas.

Ishga qabul qilishning umumiy tartibi.

Mehnat kodeksining 80-moddasida aytilishicha: “ishga qabul qilish vaqtida ishga kirayotgan shaxs quyidagi hujjatlarni:

pasport yoki uning o‘rnini bosadigan boshqa hujjatni, 16 yoshga to‘lmagan shaxslar esa, tug‘ilganlik haqidagi guvohnoma va turar joyidan ma'lumotnomani;

mehnat daftarchasini, birinchi marotaba ishga kirayotgan shaxslar bundan mustasno. O‘rindoshlik asosida ishga kirayotgan shaxslar mehnat daftarchasi o‘rniga asosiy ish joyidan olgan ma'lumotnomani;

– harbiy xizmatga majburlar yoki chaqiriluvchilar tegishlicha harbiy guvohnomani yoki harbiy hisobda turganligi haqida guvohnomani;

– qonun hujjatlariga muvofiq maxsus ma'lumotga yoki maxsus tayyorgarlikka ega shaxslargina bajarishi mumkin bo‘lgan ishlarga kirayotgan oliy yoki o‘rta maxsus o‘quv yurtini tamomlaganligi to‘g‘risidagi diplomni yoxud mazkur ishni bajarish huquqini beradigan guvohnomani yoki boshqa tegishli hujjatni taqdim etadi.

Ishga qabul qilish vaqtida ishga kirayotgan shaxsdan qonun hujjatlarida ko‘rsatilmagan hujjatlarni talab qilish ta'qiqlanadi”.

O‘ziga xos xususiyatlarga ega bo‘lgan mehnat shartnomalari qatoriga o‘rindoshlar, uyda ishlovchilar, tanlov yoki saylov asosida o‘z vazifasiga tayinlanadigan shaxslar, muqobil xizmatni o‘tayotgan harbiy xizmatchilar, uy xizmatchilari bilan tuziladigan shartnomalarni kiritish mumkin.



Tanlov yoki saylov asosida o‘z vazifasiga tayinlangan shaxslar bilan tuziladigan mehnat shartnomasi. Ish beruvchi qonun hujjatlarida bevosita nazarda tutilgan hollarda unda belgilangan kasb va lavozimlarga tanlov asosida ishga qabul qilishi lozim. Hozirgi paytda ilmiy-tadqiqot muassasalarining ilmiy xodimlari hamda oliy o‘quv yurtlarining professor-o‘qituvchilari tarkibidan bo‘lganlar bilan tanlov asosida mehnat shartnomasi tuzish nazarda tutilgan6.

Jumladan, o‘zbekiston respublikasi oliy va o‘rta maxsus ta'lim vazirligining 1998 yil 30 oktyabrdagi 305-sonli buyrug‘i bilan tasdiqlangan (4-ilova) “oliy ta'lim muassasalariga pedagog xodimlarni ishga qabul qilish tartibi haqidagi nizom”, “ta'lim to‘g‘risida”gi qonunning 5-moddasi asosida pedagog xodimlar (professor-o‘qituvchilar)ni konkurs asosida ishga qabul qilishni belgilaydi.

Ushbu nizomda aytilishicha, konkursning maqsadi kadrlar tayyorlash milliy dasturiga muvofiq zamonaviy talablarga javob beruvchi, kadrlar tayyorlash jarayoni uchun layoqatli, yuqori malakali, chuqur kasbiy bilimga ega, ilmiy yutuqlarga erishgan, ilmiy-ijodiy salohiyatli, yuqori idrok va axloqli shaxslarni saralab olishdir. Oliy ta'lim muassasalarida kafedra mudiri, professor, dotsent, katta o‘qituvchi, o‘qituvchi va assistent lavozimlari konkurs asosida 5 yil muddatga egallanadi va muddat tugagach, qayta konkurs o‘tkaziladi.

Kafedra mudiri, professor lavozimlarini egallash uchun o‘tkaziladigan konkursda, odatda professor ilmiy unvoni yoki fan doktori ilmiy darajasiga ega bo‘lgan shaxslar, qolgan lavozimlarni egallash uchun o‘tkaziladigan konkursda esa. Dotsent ilmiy unvoniga va fan nomzodi ilmiy darajasiga ega shaxslar ishtirok eta oladilar. Istisno tariqasida ilmiy unvon va ilmiy darajaga ega bo‘lmagan, ammo besh yildan ortiq ilmiy-pedagog ish tajribasiga ega, oliy, o‘rta maxsus, kasb-hunar ta'lim muassasalari yohud umumta'lim maktablari uchun yakka muallif sifatida darslik yoki o‘quv qo‘llanmasi yozgan, yuqori ilmiy-nazariy darajada ma'ruzalar o‘qiy oladigan oliy ta'lim muassasalari o‘qituvchilari ham professor yoki dotsent lavozimini egallash uchun konkursda qatnashishga ruxsat beriladi.

Oliy ta'lim muassasasi joriy semestrda 5 yillik saylov muddatlari tugayotgan lavozimlarga va bo‘sh lavozimlarga konkurs e'lon qiladi hamda bu haqda ommaviy axborot vositasi e'lon qiladi. Konkursda ishtirok etish istagini bildirgan shaxslar yozma ariza va zarur hujjatlarni institut rektori nomiga taqdim etadi. Professor va kafedra mudiri lavozimlariga oliy o‘quv yurtining, boshqa pedagogik lavozimlarga esa fakultetning ilmiy kengashi tomonidan saylanadilar.

Ish beruvchi salohiyatli va yuqori malakali xodimlarni tanlay olish maqsadida korxona lokal hujjatlarida oldindan belgilab qo‘yilgan tartibda va shartlarda lavozim (vazifa)larni egallash uchun konkurs e'lon qilishga, bu haqda davriy matbuotda e'lon qilishga haqli. Bunday holda lavozim (vazifa)ni egallashga da'vogar fuqaroni ishga qabul qilishdan bosh tortish mehnat shartnomasi tuzishni g‘ayriqonuniy rad etish deb hisoblanmasligi lozim.

Davlat hokimiyati, boshqaruv va mahalliy organlarning ayrim mansabdor shaxslari, jamoat birlashmalari organlarining rahbarlari, aksiyadorlik jamiyati ijroiya organi rahbarlari o‘z lavozimlarini belgilangan tartibda o‘tkaziladigan saylovlar asosida egallaydilar. Bunday lavozimlarga saylovlar o‘tkazish, saylov natijalari yakunlash va qaror qilish tegishli saylov komissiyalari, saylov natijalarini baholashga vakolatli bo‘lgan boshqa organlar zimmasiga yuklatilgan. Ushbu organ tomonidan lavozimni egallashga da'vogarni o‘tkazilgan saylovda g‘olib deb topilishi, bu haqda tegishli hujjatni rasmiylashtirishi, mazkur shaxs bilan yozma shaklda mehnat shartnomasi tuzilishiga hamda uni lavozimga tayinlash to‘g‘risida vakolatli organning buyrug‘i chiqarilishiga asos bo‘ladi.

3. Mehnat intizomi. Ish beruvchi va xodim o‘rtasida tuzilgan mehnat shartnomasini amalga oshirishda, mehnat vazifasini sidqidildan bajarishda korxonada o‘rnatilgan mehnat tartibiga rioya qilish muhim ahamiyat kasb etadi. Chunki korxonada mehnat tartibi ish beruvchi, kasaba uyushmasi qo‘mitasi yoki xodimlarning boshqa vakillik organi bilan kelishib tasdiqlaydigan ichki mehnat tartibi qoidalari bilan belgilanadi. Intizom to‘g‘risida ustav va nizom qabul qilinadi. Bu basharti mehnat nizolari komissiyasi o‘n kunlik muddat ichida mehnat nizosini ko‘rib chiqmasa yoki hal etmasa, manfaatdor xodim ushbu nizoni ko‘rishni tuman (shahar) sudiga o‘tkazishga haklidir.



Sudga yoki mehnat nizolari komissiyasiga murojaat etish uchun quyidagi muddatlar belgilanadi:

  • Ishga tiklash nizolari bo‘yicha – xodimga u bilan mehnat shartnomasi bekor qilinganligi haqidagi buyruqning nusxasi berilgan kundan boshlab bir oy;

  • Xodim tomonidan ish beruvchiga yetkazilgan moddiy zararni to‘lash haqidagi nizolar bo‘yicha – zarar yetkazilganligi ish beruvchiga ma'lum bo‘lgan kundan boshlab bir yil;

  • Boshqa mehnat nizolari bo‘yicha – xodim o‘z huquqi buzilganligini bilgan yoki bilishi lozim bo‘lgan kundan boshlab uch oy.

Mehnat kodeksining 72-moddasida xodim muayyan malaka, mutaxassislik, lavozim bo‘yicha ishni ichki mehnat tartibi qoidalariga, mehnat to‘g‘risidagi qonunlarga, taraflar kelishuvi bilan belgilangan shartlarga asosan bajarishi lozimligi belgilab qo‘yilgan. Shuningdek, ushbu modda mazmunidan ish beruvchi ham xodimga samarali ishlashi uchun zarur sharoit yaratish, uning mehnatiga haq to‘lashi lozimligi to‘g‘risidagi xulosa chiqadi. Shu tariqa mehnat intizomi ikki yoqlama xususiyatga ega va xodim majburiyatlari bilan bir vaqtda ish beruvchining ham ishni to‘g‘ri tashkil etish, zarur sharoitlar yaratish sohasida sodir etishi lozim bo‘lgan aniq xulq-atvor qoidalarini nazarda tutadi, ya'ni mehnat intizomi, eng avvalo, mehnat shartnomasi har ikki tomonning o‘zaro huquq va majburiyatlarini anglatuvchi huquqiy tushunchadan iborat. Mehnat intizomi – bu xodim va ish beruvchi xulq-atvori qoidalari yig‘indisidan iborat deb talqin etilishi ham mumkin.

Mehnat qonunchiligida mehnat intizomi, texnologiya intizomi, xizmat intizomi, moliya intizomi va boshqalar haqida so‘z yuritiladi. Bularning barchasi mehnat intizomini tashkil etadi va tor ma'noda uning ayrim turlari va shakllarini aks ettiradi. Masalan, ishlab chiqarish intizomi deganda, korxona ish faoliyatini tashkil etish, ishlab chiqarishni to‘g‘ri yo‘lga qo‘yish yuzasidan talablar tushunilsa, moliya intizomi deganda, korxona rahbarlari, hisob-kitob va moliyaviy ishlar uchun javobgar mutasaddi shaxslar tomonidan moliyaviy faoliyat qoidalariga qat'iy amal qilish lozimligi tushuniladi.

Mehnat intizomini ta'minlash paytida iqtisodiy, tashkiliy-ruhiy, huquqiy usullardan keng foydalaniladi.

Mehnat huquqi fani va qonunchilik amaliyotida mehnat intizomini ta'minlash va mustahkamlashning quyidagi ikki usulidan foydalaniladi:

1) ishontirish. Mehnat shartnomasi tomonlarini iqtisodiy, ma'naviy jihatdan manfaatdor qilish, mehnat intizomiga og‘ishmasdan amal qilish ular uchun juda ham foydali ekanligiga ishontirishga qaratilgan tashkiliy-huquqiy tadbirlar yig‘indisini o‘z ichiga oladi.

2) majburlash. Mehnat intizomiga shu talablar buzilganida huquqiy majburlov choralari, intizomiy va moddiy jazolarning qo‘llanishini taqozo etadi. Bu narsa xodimga nisbatan olganda turli intizomiy jazolarni qo‘llanilishida, ish beruvchiga nisbatan olganda esa, unga turli moliyaviy jazolarni qo‘llanilishida, korxonaning bankrot bo‘lishida namoyon bo‘lishi mumkin.

Ishontirish – mehnat intizomini mustahkamlash, xodimlarni unumli va samarali ishlashga undash, mehnatga ijodiy munosabatda bo‘lishga o‘rgatishning eng oqilona usulidan sanaladi.

Ishdagi yutuqlar uchun rag‘batlantirish deganda uning korxona oldidagi xizmatlarini ommaviy tan olinishi tushuniladi. Namunaviy ichki mehnat tartibi qoidalarining 3.2-bandida aytilishicha, quyidagi rag‘batlantirish choralari qo‘llanilishi mumkin:



    • Tashakkurnoma;

    • Pul mukofotlari bilan taqdirlash;

    • Qimmatbaho sovg‘alar bilan taqdirlash.

Rag‘batlantirishning boshqacha turlari ham (masalan, xizmat pog‘onasidan ko‘tarilish, maxsus unvonlar berish va boshqalar) nazarda tutilishi mumkin.

Xodimga nisbatan quyidagi jazo choralari qo‘llanilishi ham mumkin:

1) xayfsan;

2) o‘rtacha oylik ish haqining 30% dan ortiq bo‘lmagan miqdorda jarima, ichki mehnat tartibi qoidalarida 50% dan ortiq bo‘lmagan miqdorda jarima solish mumkinligi ko‘zda tutilishi mumkin;



3) mehnat shartnomasini bekor qilish (100-moddaning 2-qismi, 3 va 4-bandlari).

Yuqorida sanab ko‘rsatilganlardan tashqari boshqa intizomiy jazo choralarini qo‘llash taqiqlanadi. Intizomiy jazo bevosita nojo‘ya xatti-harakat aniqlanganidan keyin, ammo bu xatti-harakat aniqlanganidan boshlab, xodimning kasal yoki ta'tilda bo‘lgan vaqtini hisobga olmasdan uzog‘i bilan 1 oy ichida qo‘llaniladi”.

Xodimga qo‘llanilgan intizomiy jazo 1 yil davomida amal qiladi va shu muddat ichida xodim boshqa intizomiy nojo‘ya harakat sodir etmasa, u jazoga tortilmagan hisoblanadi.

Intizomiy jazo ish beruvchi tashabbusiga ko‘ra, jazoga tortilgan xodim iltimosiga ko‘ra, mehnat jamoasi yoki xodimning bevosita rahbari iltimosiga ko‘ra, bir yil o‘tmasdan ham muddatidan oldin olib tashlanishi mumkin. Bu haqda korxona ish beruvchisining buyrug‘i chiqarilishi lozim.



Mehnat huquqining o‘ziga xos tamoyillari quyidagilardan iboratdir:

1) mehnat munosabatlariga kirishishning ixtiyoriyligi, erkinligi va majburiy mehnatga yo‘l qo‘yilmasligi;

2) o‘z jismoniy va aqliy imkoniyatlaridan foydalanish chog‘ida fuqarolarning mutlaqo mustaqil va erkin ekanliklari;

3) ish kuchining tovar ekanligi, uning bahosi mehnat bozoridagi taklif va talablarga ko‘ra belgilanishi, davlat mehnat bozorining shakllanishi va faoliyat yuritishiga ko‘maklashuvi;



4) davlatning ijtimoiy himoyaga muhtoj, mehnat bozorida teng raqobatlasha olmaydigan aholi qatlamlarini ishga joylashtirishda qo‘llab-quvvatlashi va yordam ko‘rsatishi;

5) ishsizlikdan himoyalanishning kafolatlanishi;

6) mehnat munosabatlarini tartibga solishda shartnomani hamda lokal me'yoriy hujjatlar ustuvorligi;

7) minimal mehnat sharoitlari yaratilishi ta'minlanishining barcha mulkchilik shaklidagi korxonalar uchun majburligi:

8) mehnat intizomiga amal qilishning zarurligi;

9) mehnatga haq to‘lashda bajarilgan ishning miqdori va sifatiga ko‘ra cheklanmagan haq to‘lanishi;

10) xodimlar va ish beruvchilar vakilligining mavjudligi va mojarolarni muzokaralar yo‘li bilan hal etilishi;

11) xotin-qizlar, yoshlar, nogironlar mehnatining maxsus muhofaza etilishi, ularga qo‘shimcha kafolatlar berilishi va boshqalar.

Oliy majlis tomonidan 1995 yil 21 dekabrda qabul qilingan va 1996 yil 1 apreldan amalga kiritilgan mehnat kodeksi tarkibiy tuzilishiga ko‘ra umumiy va maxsus qism, 16-bob, 294 moddadan iborat. Unda barcha asosiy mehnat munosabatlarini tartibga solishga qaratilgan qonun-qoidalar jamlangan.

Mexnat qonunlarida barcha xodimlar davlat yo‘li bilai ijtimoiy sug‘urta qilinishlari ko‘rsatilgan. Bu badal to‘lov asosida amalga oshadi. Sug‘urta qilingan xodimlar, tegishli hollarda esa, ularning oilalari ham davlat ijtimoiy sug‘urtasi mablag‘lari hisobidan:



  • Vaqtincha mehnatga qobiliyatsizlik nafaqalari, ayollar esa, bundan tashqari, homiladorlik va tug‘ish nafaqalari;

  • Bola tug‘ilganda beriladigan nafaqalar;

  • Davlat tomonidan beriladigan yoshga doir, nogironlik va boquvchisini yo‘qotganlik pensiyalari;

• qonun hujjatlarida nazarda tutilgan boshqa to‘lovlar bilan ta'minlanadilar.

Davlatimizda pensiyaning yoshiga doir, nogironlik, boquvchisini yo‘qotganlik pensiya turlari mavjud.





Download 3 Mb.
1   2   3   4   5   6   7   8   9   10   ...   18




Download 3 Mb.

Bosh sahifa
Aloqalar

    Bosh sahifa



Toshkent farmatsevtika instituti ijtimoiy fanlar kafedrasi

Download 3 Mb.