120
Vizual amaliy materiallar
1-savol. Detal ikki ko‘rinishi bo‘yicha uchinchi ko‘rinishini yasash hamda kerakli qirqim
va kesimlarni bajarish uchun tavsiyalar va uslubiy ko‘rsatmalar berish.
Grafik ishini bajarish uchun o‘quvchi va talabalar guruh jurnalidan o‘z tartib raqamlariga
mos bo‘lgan vazifani ustozlaridan oladilar.
Olingan vazifani o‘quvchi va talabalar, avval o‘z vazifalarini daftariga ko‘chirib oladilar.
Vazifada variantida detalning ikki proektsiyasi berilgan bo‘ladi. Uning etishmovchi uchinchi
proektsiyasi topiladi, zarur qirqimlar bajaradi hamda o‘lchamlar qo‘yiladi. So‘ngra kompyuterda
bajaradilar. Ekranda chizmani bajarish quyidagi ketma-ketlikda bajarish tavsiya etiladi: Lekin buni
har bir o‘quvchi yoki talaba o‘zi istagan, ya’ni o‘zi maqbul deb topgan reja asosida bajarishlari
ham mumkin.
1. Detal o‘lchamlaridan kelib chiqqan holda A4 yoki A3 format tanlab olinadi. So‘ngra, bu
formatda detalning simmetriya o‘qlari «Otrezok»-«Kesma» buyrug‘idan foydalanib o‘tkaziladi.
Markaz chiziqlarni o‘tkazishda ular orasidagi masofani «Podobie»-«ob’ektlarni berilgan masofaga
surish» buyrug‘idan yoki kesma uzunligini tezkor kiritish usulidan foydalanib kiritiladi.
2. Ekranda detal proektsiyalari «Otrezok»-«Kesma» va «Krug»-«Aylana» buyruqlaridan
foydalanib chiziladi.
3. Detalning uchta proektsiyasi bajarilgach, detalning ichki tuzilishidan kelib chiqqan holda
zarur qirqimlar qo‘llaniladi. Qirqimlar
«Shtrixovka» buyrug‘i yordamida bajariladi.
4. «O‘lcham» buyrug‘i yordamida o‘lchamlar qo‘yiladi.
