|
Tomonlarning majburiyatlari
|
| bet | 23/48 | | Sana | 18.11.2023 | | Hajmi | 3,61 Mb. | | #100867 |
Bog'liq TL Uslubiy kursatma UZB9. Tomonlarning majburiyatlari
9.1 Xaridor to‘lov muddatini kechiktirgani uchun tugallanmagan summaning har kuni uchun ___% miqdorda jarima to‘laydi.
9.2 Jarima to‘lanishidan qat’iy nazar, kontraktni buzgan tomon ikkinchi tomonning zararlarini qoplashi shart.
6-SEMESTR
12-AMALIY MASHG‘ULOT.
MAVZU: TRANSPORT KOMPANIYASIDA ZAHIRALARNI BOSHQARISH
(4-soat)
Moddiy zaxira-bu ishlab chiqarishni va muoamalaning har xil bosqichlarida bo‘lgan sanoat-texnik mo‘ljaldagi mahsulot ishlab chiqarish yoki shaxsiy istemol jarayoniga kirishni kutayotgan xalq istemol tovarlari va boshqa tovarlardir.
Zaxiralarni tashkil etish bilan bog‘liq bo‘lgan asosiy xarajatlar quyidagilar:
muzlatilgan moliya mablag‘lari;
maxsus jihozlangan xonalarni tashkil etish bo‘yicha xarajatlar:
maxsus xodimlarning ish xaqlari;
buzilish va o‘g‘irlikning oldini olish uchun doimiy tavakkalchilik xarajatlari.
Zaxiralarning mavjudligining o‘zi xarajatlarga olib keladi. Ammo zaxiralarning mavjud emasligi-bu ham xarajatdir, lekin ular har xil yo‘qotishlar shaklida bo‘ladi. Zaxiralarning mavjud emasligi bilan bog‘liq bo‘lgan asosiy yo‘qotishlar quyidagicha:
ishlab chiqarishning turib qolishidan yo‘qotishlar;
talab mavjud bo‘lgan vaqtda omborda tovar yo‘qligi natijasida vujudga keladigan yo‘qotishlar;
yuqori narxlarda kichik hajmdagi tovar partiyalarini sotib olish natijasidagi yo‘qotishlar va boshqalar.
Zaxira tushunchasi moddiy ishlab chiqarishning barcha sohalarini qamrab oladi, chunki xom-ashyoning birinchi manbadan oxirgi istemolchiga bo‘lgan harakatda moddiy oqim barcha maydonchada zaxira ko‘rinishida yig‘ilishi mumkin. Bunda har bir maydonchada moddiy zaxiralarni boshqarish o‘z xususiyatlarga ega. Xom-ashyoni oxirgi mahsulotga aylantirish yo‘lida va bu mahsulotning oxirgi istemolchiga zaxiralarning ikki asosiy turi tashkil etiladi.
Ishlab chiqarish zaxiralari;
Tovar zaxiralari.
O‘z navbatida bu zaxiralarning har biri yana uch turga bo‘linadi:
a) joriy zaxiralar;
b) sug‘urta zaxiralari;
v) mavsumiy zaxiralar.
Zaxiralar etkazib beruvchi, ishlab chiqaruvchi va istemolchi orasidagi bevosita bog‘lanishni kuchsizlantirish uchun xizmat qiladi. Zaxiralar mavjudligi ishlab chiqarishni optimal xizmatdagi partiyalar bilan etkazib berilayotgan xom-ashyo bilan taminlashga, shuningdek, xom-ashyoni optimal hajmdagi tayyor mahsulotga aylantirishga imkoniyat beradi. Xom-ashyo zaxiralari shu xom-ashyoni etkazib beruvchini mahsulot ishlab chiqaruvchiga bo‘lgan bog‘lanishini kuchsizlantiradi;tayyor mahsulot zaxiralari shu mahsulot ishlab chiqaruvchini uning istemolchiga bo‘lgan bog‘lanishini kuchsizlantiradi; ishlab chiqarish jarayonida bo‘lgan yarim tayyor mahsulotlar zaxirasi alohida sexlarning bir-biriga bo‘lgan bog‘lanishini kamaytiradi.
|
| |
