3.3. «Mexanik transport vositalarining harakatlanishi taqiqlangan»
Bu belgi barcha turdagi mexanik transport vositalarining harakatlanishini
taqiqlab, ot-arava, velosipedchilar harakatiga daxl qilmaydi. Belgi ta’sir oralig‘ida
yashovchi va ishlovchilarga,shuningdek, shu hududda joylashgan korxona va tashkilotlarga xizmat qiluvchi belgilangan yo‘nalishli transport vositalariga ta’sir etmaydi.
3.4. «Yuk avtomobillarining harakatlanishi taqiqlangan» 
Belgida cheklangan vazn ko‘rsatilmagan bo‘lsa, bu belgi to‘la vazn
3,5 tonnadan yuqori bo‘lgan barcha yuk avtomobillarining, barcha
traktorlarning, o‘zi yurar mashina va mexanizmlarning harakatlanishini taqiqlaydi. Bu belgi ham ta’sir oralig‘ida yashovchi va ishlovchilarga va shu hududga xizmat ko‘rsatuvchi transport vositalariga daxldor emas, shuningdek, bortlariga qiya oq chiziq tortilgan yoki odamlarni tashiyotgan yuk avtomobillarining harakatlanishini taqiqlamaydi.
3.5. «Mototsikllar harakatlanishi taqiqlangan»
Bu belgining avtomobil, avtobus, velosiped,
moped, otarava harakatiga hamda ta’sir oralig‘ida
yashovchi va ishlovchilarga daxli yo‘q.
3.6. «Traktorlar harakatlanishi taqiqlangan»
Yo‘llardagi transport vositalarining tezligini oshirish maqsadida barcha turdagi 
traktorlar, o‘zi yurar mashina va mexanizmlarning harakatlanishi taqiqlanadi.
Bu belgi ham ta’sir oralig‘ida yashovchi va ishlovchilarga daxldor emas.
«Piyodalarning harakatlanishi taqiqlangan»
Yo‘l xizmatchilari va ta’mirlovchi ishchilarga mazkur
belgining daxli yo‘q. Bu belgi metro stansiyalarida (ekskalatordan
tushib-chiqish, bir stansiyadan ikkinchisiga o‘tish 3.10.
joylarida) bir tomonlama harakatni joriy etish uchun ham
ishlatiladi.
| 