3.9. «Velosipedda harakatlanish taqiqlangan»
Serqatnov yo‘llarda belgilangan yo‘nalishli transport vositalari 
(avtobus, trolleybus)ning bekatda to‘xtashiga, bekatdan qo‘zg‘alishiga
velosipedchilar xalol bermasligi uchun
velosipedchilar va mopedchilarning harakati taqiqlanadi.
3.11. «Vazn cheklangan»
Ko‘tarish qobiliyati cheklangan ko‘prik va estakadalarda haqiqiy
vaznlar yig‘indisi ko‘prik oldida o‘rnatilgan belgida ko‘rsatilganidan
yuqori bo‘lgan yuk avtomobillarining, yarim
tirkamali yuk avtomobillarining harakatlanishini taqiqlaydi.
3.20. «Quvib o‘tish taqiqlanadi»
Burilish yoki do‘nglik tufayli ko‘rinishi cheklangan serqatnov
yo‘llarda, tor ko‘chalarda harakat xavfsizligini ta’minlashda
ushbu belgi o‘rnatilib, barcha turdagi transport vositalariga
quvib o‘tishni taqiqlaydi. Bu belgi soatiga 40 km dan kam
tezlikda, yakka tartibda kelayotgan transport vositalarini quvib
o‘tishga ruxsat etadi. Ushbu belgi birinchi kesishmagacha (chorrahagacha)
yoki «Quvib o‘tish taqiqlangan hududning oxiri» belgisi
o‘rnatilgan joygacha ta’sir etadi.
3.24. «Yuqori tezlik cheklangan»
Yo‘llarning xavfli qismlarida harakat xavfsizligini ta’minlash
uchun ushbu belgi o‘rnatilib, barcha turdagi transport
vositalarining yuqori tezligini cheklaydi. Bu belgi yaqinlashayotgan
birinchi kesishmagacha yoki «Yuqori tezlik cheklangan
hududning oxiri» belgisi o‘rnatilgan joygacha ta’sir etadi.
| 