Bu mashg’ulotlarning maqsadi - o’quvchilarga badiiy loyihalash bo’yicha eng
oddiy nazariy bilimlar berish, ularda dastlabki amaliy ish, ko’nikmalarni
shakllantirish va badiiy estetik fikrlashlarini rivojlantirishdan iborat. O’quvchilarga
buyumlarning chiroyli shaklda va rangda hamda foydalanish qulay bo’lishi uchun
nimalar qilish kerakligi qanday qoidalarga rioya qilish zarurligi bo’yicha bilimlar
beriladi, so’ngra shu bilimlardan foydalangan holda amaliy topshiriqlar bajarish
taklif qilinadi.
Bu mashg’ulotlar uchun rasmlar, eskizlar, chizish qurollari bilan birga hajmli
modellar yasash uchun turli tabiiy va sun’iy materiallar hamda ularga har turli
ishlov berish asboblari kerak bo’ladi. Darslar asosan o’qituvchining va turli
variantlarldagi ko’rgazmali vositalar asosidagi taxlili va nazariy qoidalarni
tushuntirib berishi bilan o’quvchilarning mavzular bo’yicha amaliy
topshiriqlarni topshirishdan iborat bo’ladi. Topshiriqlar mazmuni turli kasblarda
tayyorlanadigan buyumlarning turli dizaynerlik echimlarini ijodiy ravishda izlab
topishga o’rganishni nazarda tutadi. Buning natijasida o’quvchilarda o’zlari
bajaradigan har qanday ishga nisbatan o’ziga xos badiiy estetik did bilan yondasha
bilish qoiliyatlari rivojlantiriladi.
