|
Siklik strukturaga kirish
|
| bet | 5/8 | | Sana | 11.02.2024 | | Hajmi | 0,62 Mb. | | #154563 |
Bog'liq 24-TIOPSHIRIQ TAYYORSiklik strukturaga kirish
Ko’pgina takrorlanuvchi elementlarga mos algoritmga mos dastur kodini yozish uchun quyidagi buyruqlar yordamida hosil qilinadigan siklik strukturalarni ishlatishga to’g’ri keladi.
for buyrug’i
for buyrug’i - sikllarni tashkil qilishning eng umumiy (ommaviy) usulidir. U quyidagi ko’rinishga ega:
for ( 1-ifoda; 2-ifoda; 3-ifoda ) {tana}.
1-ifoda odatda siklni boshqaruvchi o’zgaruvchining boshlang’ich qiymatini o’rnatish uchun ishlatiladi. 2-ifoda sikl tanasi bajarilishi kerak bo’lgan shartni ifodalaydi. 3-ifoda sikl tanasining bajarilganidan keyin o’zgaruvchining o’zgarishini boshqaradi.
for buyrug’ining bajarilish sxemasi quyidagicha:
1-ifoda hisoblanadi.
2-ifoda hisoblanadi.
Agar 2-ifoda noldan farqi (rost) bo’lsa, u holda sikl tanasi bajariladi. So’ngra 2-ifoda bajariladi va boshqarish 2-punktga uzatiladi. Agar 2-ifodaning qiymati nol (yolg’on) bo’lsa, u holda boshqarish for buyrug’idan keyingi buyruqqa uzatiladi.
Shu narsa ahamiyatliki, shartni tekshirish har safar sikl boshida bajariladi. Bu narsa esa bajarish sharti boshidayoq nolga teng bo’lganda sikl tanasining biror marta ham bajarilmasligini bildiradi.
Misol:
int i, b;
for (i=1; i<10; i++)
{
b=i*i;
}
Bu misolda 1 dan 9 gacha bo’lgan sonlarning kvadratlari hisoblanadi.
Ba’zi hollarda siklni boshqaruvyai birnechta zo’garuvchilarni ishlatishning imkoniyati mavjudligi for buyrug’ining moslashuvchanligini oshiradi.
Misol:
int top, bot;
char string[100], temp;
for ( top=0, bot=100 ; top < bot ; top++, bot--)
{
temp=string[top];
string[bot]=temp;
}
Belgilar satrini teskari tartibda yozuvchi bu misolda siklni boshqarish uchun ikkita top va bot o’zgaruvchilari ishlatiladi. Shuni ta’kidlash lozimki, bu erda 1- va 2- ifodadal o’rnida ketma-ket bajariluvchi va bergul bilan adratilib yozilgan bir nechta ifodalar ishlatilgan.
for buyrug’ini ishlatishning boshqa varianti cheksiz sikl tashkil qilishdir. Bunday siklni tashkil etish uchun bo’sh shartli ifodalarni ishlatish mumkin. TSikldan chiqish uchun esa odatda qo’shimcha shartlar yoki break buyrug’i ishlatiladi (bu buyruq keyinroq ko’riladi).
|
| |
