|
I I I BOB.
ALOQA VOSITALARI
Pdf ko'rish
|
| bet | 109/265 | | Sana | 19.05.2024 | | Hajmi | 49,29 Mb. | | #244032 |
Bog'liq 11-sinf yangi darslik 172 varaq IP adresI I I BOB.
ALOQA VOSITALARI
148
RJ 45 (Registered Jack-45) ulagich
– tarmoqqa ulanish uchun faqat
Ethernet kabellar bilan ishlatiladigan sakkiz pinli ulagich. RJ 45 standart
tarmoq interfeysi bo‘lib, uni barcha tarmoq kabellarining uchida ko‘rish
mumkin. Asosan, turli tarmoq qurilmalarida mavjud Ethernet kartalarining
RJ-45 konnektoriga mos keladigan kichik plastik vilka.
Simsiz aloqa vositalari
Simli aloqada axborot uzatish masofasi kabellar о‘tkazilishi bo‘yicha belgilansa, simsiz
aloqada axborot uzatish texnologiyalari turiga ko‘ra, radiuslarda belgilanadi.
Barcha simsiz aloqa kanallarining afzalligi abonentlar uchun simli aloqa kanallarini о‘tkazish
qiyin bо‘lgan joylarda ham aloqa о‘rnatishdan iborat. Quyidagilar simsiz aloqa kanallarining
asosiy aloqa tizimlari hisoblanadi: infraqizil va mikrotо‘lqinli aloqa kanallari (IrDA), radiotо‘lqinli
aloqa kanallari (Bluetooth, UWB, WiFi, WiMAX), mobil aloqa, sputnik aloqa tizimlari va h. k.
Optik tolali kabel
– sirtidan mustahkam himoya qobig‘i bilan
qoplangan, ichida esa diametri 5 dan 100 mikrongacha bо‘lgan
mayda shisha yoki plastik tolalardan iborat ingichka, egiluvchan,
shaffof kabel. Bitta kabel tarkibida bunday tolalardan bitta yoki
yuzlab bо‘lishi mumkin. Optik tolali kabel tarkibida tolalar qancha
kо‘p bо‘lsa, shuncha katta miqdordagi xabarni uzatish imkoniyati
vujudga keladi.
Ma‘lumotlarni optik tolali kabellar orqali uzatish uchun elektr signallari o‘rniga nurdan
foydalaniladi. Shu sababli ularda ma‘lumotni uzatish tezligi juda yuqori bо‘lib, 1000 Mbit/sek.
ga yetadi. Optik tolali kabellar ma‘lumot uzatish tezligi eng yuqori bo‘lgan eng qimmat simli
vositadir. Ulardan kompyuter tarmoqlarining muhim ahamiyatga ega qismlarida, xususan,
Internet tarmog‘ida foydalaniladi.
Bluetooth
– radioto‘lqinlar yordamida qisqa masofalarda bir-biri bilan aloqa qilish
imkoniyatini beruvchi kompyuter, telefon va boshqa qurilmalarda ishlatiladigan simsiz
texnologiya.
Wi-Fi
(ing.
Wireless Fidelity
– simsiz aniqlik) – qurilmalarni radioto‘lqinlari orqali mahalliy
tarmoqqa hamda Internetga ulash imkonini beruvchi simsiz tarmoq texnologiyasi.
WiMAX
(ingl.
Worldwide Interoperability for Microwave Access
– mikrotо‘lqindan
foydalanishning butun jahon birligi) – keng polosali simsiz mintaqaviy tarmoq.
|
| |
